Single malt on the rocks WI 4+

Leið númer 2 á mynd

F.F. 04.12.2010 Bergur Einarsson og Jósef Sigurðsson

Lýsing leiðar:

1. spönn – 3. spönn: WI3, 100m.

4. spönn: WI4 – 20m.

5. spönn: WI4 – 15m.

6. spönn: WI4+ – 25m.

7. spönn: WI3 – 10-12m.

8. og 9. spönn WI3 80m.

Leiðin fylgir sömu leið og Single malt og appelsín þar til komið er að skálinni fyrir ofan 5. spönn. Þar er miðlínan valin en 6. spönn er lykilkafli leiðarinnar, lóðrétt aðeins í fangið stóran hluta spannarinnar. Eftir 6. spönn tekur við stór stallur og upp af honum er 10-12 m haft, 7. spönn. Þar tekur svo við annar stór stallur neðan við langan (~80m) samfelldan 3. gr kafla sem þó er með góðum stöllum. Hægt að velja um nokkra stalla í honum til að skipta kaflanum í 2 spannir en við tókum þann efsta þar sem við vorum að vonast til að ná að klára upp úr honum í einni spönn.

Fórum 100-200m til norðurs og niður brekkurnar þar sem er vel bratt. Líklega er betra að fylgja sömu niðurleið og í Single malt og appelsín.

Niðurleið:

Gangið 100m. til suðurs út á smá nef, skerið síðan til baka niður brattasta kaflann og síðan beint niður í bíl, frekar þægilegt.

Klifursvæði Brattabrekka
Svæði Völsungagil
Tegund Ice Climbing

Myndbönd

Single malt og appelsín WI 4+

Leið númer 1 á mynd

Single malt og appelsín – WI4-5

Staðsetning:

Norðan við Bröttubrekku, fjallveginn milli Norðurárdals og Dalasýslu. Nokkurn veginn gengt Austurárdal, en þar eru nokkrar ísklifurleiðir. Leiðin er áberandi gil sem sker alla hlíðina í Hlíðartúnsfjalli og skiptist síðan upp í þrjár íslænur efst í klettabeltinu við toppinn.

Ekið er til vesturs inn slóða gengt afleggjaranum inn í Austurárdal, í gegnum hlið sem merkt er skógræktinni, og um 100 metra. Lagt hinumegin við lækinn. Aðeins fimm mínútna aðkoma að fyrstu höftunum.

F.F.:

27/11/’10 – Freyr Ingi Björnsson, Styrmir Steingrímsson, Sveinn Friðrik Sveinsson (Sissi)

Lýsing leiðar:

1. spönn – 3. spönn: WI3, 100 m.

4. spönn: WI4 – 20m.

5. spönn: WI4 – 15m.

6. spönn: WI4 – 12m

7. spönn: WI3 – 60m.

8. spönn WI4-5 – 40m.

Fyrstu (líklega) þrjár spannir eru fjögur til fimm WI3 höft sem voru einfarin í F.F.

Fjórða spönn (sú fyrsta spannaða) er bratt en stutt kerti, sést á bakvið efri hlutann.

Fimmta spönn er annað stutt og bratt haft.

Sjötta spönn er frekar stutt haft upp úr skálinni þar sem maður velur hvaða línu skal halda upp á topp.

Sjöunda spönn býður upp á tvö þriðju gráðu höft og ísbrekku upp að lykilkafla. Gott að gera stans vel til hægri til að vera úr skotlínu.

Áttunda (loka)spönn inniheldur hreyfingar í lóðréttu / aðeins í fangið í brattasta kafla og skrýtna hliðrun út á stóra regnhlíf efst.

Venjulegur disclaimer ef einhver af gömlu skyldi hafa farið þetta og aldrei skráð.

Niðurleið:

Gangið 100m. til suðurs út á smá nef, skerið síðan til baka niður brattasta kaflann og síðan beint niður í bíl, frekar þægilegt.

Klifursvæði Brattabrekka
Svæði Völsungagil
Tegund Ice Climbing

Brattabrekka

Svæðið skiptist niður í átta sectora

A – Völsungagil
Þrjár frábærar línur, verða sennilega ekki meira „road side“ en þetta

  1. Single malt og appelsín WI 4+
  2. Single malt on the rocks WI 4+
  3. Single malt hressir, bætir og kætir – WI 3

B – Banagil
Léttar leiðir á leiðinni inn í Austurárdal, svæði F. Príðis upphitun fyrir daginn. Ekki er almennilega vitað hvaða gil þetta er, þar sem að hið eiginlega Banagil er það sem hér er kallað Austurárdalur.

Einu sinni enn til lukku – WI 3
Warm up gully – WI 2
Skipulagt undanhald – WI 3
Guffað með græjur – WI 3

C – Selgil
Er beint á móti Völsungagili, hinumegin við veginn (myndin er tekin úr single malt gilinu)

Kökuboð – WI 3

D – Bjargagil
Næsta gil við Selgil, sjá mynd þar við

Pilsner – WI 4+

E – Hvanngil
Þegar komið er langleiðina norður yfir Bröttubrekku sést gil nokkurt vestan vegar. Það heitir Hvanngil. Frá vegi sést í toppinn á þremur ísleiðum innst í þessu Hvanngili. Gangan inn gilið tekur um það bil 10-15 mínútur. Tvær aðrar styttri á leiðinni inn í gilið.

1. Líklega ófarin
2. Líklega ófarin
3. Ungfrú Hnappa- og Snæfellssýsla – WI 4
4. Kaffiþræll – WI 4+
5. Líklega ófarin
6. Líklega ófarin
7. Jólagestir – WI 3+
8. Koffín – WI 4
9. Frostrósir – WI 4

F – Austurárdalur
Dalurinn sem þarf að ganga inn í til að komast í Banagil. Í byrjun janúar 2004 héldu ísklifrarar harða netrimmu á umræðuþráðum heímasiðu Ísalp um ,,leynisvæði“ Ívars. Til að gera langa sögu stutta endadi það á því að Ívar blés til dvergvaxins óvissuísfestivals og bauð klifrurum að skoða dýrðina og Ijóstra upp hvar svæðið væri. Hið meinta svæði er fyrsti dalur til norðurs þegar komið er niður af Bröttubrekku norðan megin og heitir Austurárdalur. Leiðirnar eru flestar í grunnri hvelfingu austan megin í dalnum og sést í toppinn á þeim frá veginum. Reyndar vildu einhverjir haukfráir gamlingjar kannast við kauða þegar að var komið, en það er víst ekki nóg að spotta svæðin, það þarf að gera eitthvað líka. Frá þjóðveginum er um hálftíma léttur
gangur inn að svæðinu, sem sagt ekkert Eilífsdals-söffer.

1. Áætlun A – WI 4
2. Kiddi – WI 4+
3. Ljósbláa leiðin – WI 4+
4. Bláa leiðin – WI 4+
5. Tröll leikhús – WI 7-
6. Jobbi Dalton – WI 5
7. Túristaleiðin – WI 4
8. Áætlun B – WI 3-4
9. Að drepa tímann – WI 2

G – Hvassafell
Rétt áður en komið er að vegamótunum við Bröttubrekku eru nokkuð háir hamrar í nokkuð lágu fjalli, Hvassafellshamrar. Leiðir 1 og 2 hafa verið farnar en Ísalp hefur ekki vitnesku um að leið 3 hafi verið farin.

1. Dvergaklof – WI 5
2. Ístruflanir – M 6

H – Brúnkollugil – Kósý sectorinn
Kósý sektorinn er með fjórar leiðir í WI3 til WI4+. Allar um 15 til 20 metra háar og erfiðleikastig mismunandi eftir því hvar er klifrað í fossunum. Aðkoma er frekar þægileg og tekur um 30 mínútur, eina hindrunin er áin sem þarf að vera frosin. Fyrst er komið að þremur fossum, A. Sófanum WI3 til WI4, B. Kertaljósi WI4 til WI4+ og svo C. Ónefndur foss sem hefur ekki verið klifinn. Sé gengið ofar er hægt að nálgast síðasta fossinn, D. Sængin WI3 til WI4+. Sængin virðist vera mjög hentug fyrir top rope tough guys and gals. Kósí sektorinn er því  klárlega gott æfingar- og upphitunarsvæði sem getur hentað mörgum. Þá hjálpar að svæðið getur verið í aðstæðum þegar önnur svæði eru það ekki, vegna legu og hæðar yfir sjávarmáli. 

A. Sófinn – WI 3-4
B. Kertaljós – WI 4-4+
C. Tebollinn – WI 3-4
D. Sængin  – WI 3-4+

I. Baula
Svæðið milli Baulu og þjóðvegsins neðst í Bröttubrekku. Eitthvað er um minni og styttri leiðir og þarf að skoða svæðið betur með tilliti til klifurs.

  1. Fýluferð – WI 3

Shameless WI 4

Yfirlitsmynd af fossunum frá þjónustumiðstöðinni óskast

Í Austurbrekkum Skaftafellsheiðar. Fossinn liggur í beinni línu við seinustu jökulgarðanna og er einna augljósastur þegar keyrt er frá austri. 25m

FF: 23. febrúar 2015, Þorsteinn Cameron og Kamil Kluczyński.

Klifursvæði Öræfi, Vestur
Svæði Skaftafellsjökull
Tegund Ice Climbing

Brennivín M 11

Leið nr. 14 á mynd.

Þetta er erfiðasta mixklifur leið Íslands og þegar hún var sett upp var hún erfiðasta mixklifurleið í heiminum með þá næst erfiðustu M8. Af þeim ástæðum gaf Will leiðinni gráðuna M9+ með þeim orðum að hún væri sennilega erfiðari, hann hefur núna staðfest að leiðin sé M11, töluvert erfiðari en M10-ur frá svipuðu tímabili. Leiðin er einnig ein af fyrstu sprey ísleiðum í heiminum

Í Ísalp ársriti frá 1998 skrifar Guðmundur Helgi:

Ég veit ekki hvað það tók margar tilraunir þessa fjóra daga, en þær voru margar áður en það hafðist að klifra þessa leið. Aldrei áður hafði hann þurft að eyða jafn löngum tíma eða orku í nokkra leið, marinn og skrámaður með brotið nef og bros aftur á hnakka. Hvað heitir svo maðurinn? Jú, Will Gadd, Kanadamaður búsettur i Bandaríkjunum sem kom hingað til lands ásamt ,,tilvonandi“ unnustu sinni, Kim Cizmagia, og kvikmyndagengi i þeim tilgangi að finna og klifra erfiðustu, mixuðu ísleið i heiminum. Hafði það tekist? Um það verða aðrir að dæma en leiðin sem um ræðir heitir Brennivín, nefnd eftir hinum banvæna íslenska snafs eins og Will orðaði það. Leiðin sem er um 50 metrar og því ein spönn, er innst í Skálagili í Haukadal í Dalasýslu. Fyrstu 15-20 metrarnir eru frístandandi kerti upp undir klettaþak sem er um 6 metrar i heildina en klifrið frá kertinu er um 4 metrar út að brún. Erfiðleikarnir eru þó ekki búnir þegar þakinu sleppir því lykilklifurleiðin er að hliðra eftir brúninni að bitastæðum ís til að geta klifrað áfram upp á brún. Á þessum seinni kafla er ísinn í heildina örlitið yfirhangandi og þunnur. Í eina skiptið sem þetta hefur verið klifið þurfti Will að klifra hálfa leiðina upp á brún áður en ísinn varð nægilega þykkur til að hægt væri að koma inn haldbærri tryggingu. Þakið og hliðrunin eru hinsvegar tryggð með fjórum boltum.

FF.: Will Gadd, Kim Csizmazia og Guðmundur Helgi Christensen, 28. mars 1998.

Klifursvæði Haukadalur
Svæði Skálagil
Tegund Mix Climbing

Innri tvíburafoss WI 4

Leið númer 39 á korti, mynd óskast

Lóðréttur ísfoss – 10-l5m
FF: Ari T. Guðmundsson og Hreinn Magnússon,
12. jan 1986. Bratt ísþrep i Skiftagili. Sést frá vegi

Þessi leið vekur upp spurningar eins og, hvar er þá ytri tvíburafoss? Ef einhver hefur upplýsingar um það þá óskast þær upplýsingar. Og hversu erfiður er lóðréttur ísfoss sem er 10-15m?

Við setjum bara fjórðu gráðu á það en upplýsingar um það óskast einnig.

Ekki tengd Efri og Neðri tvíburafoss í tvíburagili

Klifursvæði Kjós
Svæði Múli
Tegund Ice Climbing

Dauðsmannsfoss WI 3

Leið merkt inn á kort númer 38, númer 1 á mynd

Gráða 2-3 – 100 m
FF: Ari T. Guðmundsson, Hreinn Magnússon og
Olgeir Sigmarsson, 29 desember 1985.

Ísfoss í sex þrepum rétt vestan Vindáshlíðar. Lækur úr
Sandfellstjörn er valdur að fossinum.

Ágætis niðurgönguleið er vestan við fossinn ef klifrað er alveg upp úr leiðinni.

Klifursvæði Kjós
Svæði Múli
Tegund Ice Climbing

Fari WI 3

Leið merkt inn númer 49 á mynd

Munið að tala við bóndann hvort það sé ekki í lagi að leggja bílnum á planinu hjá honum og ganga yfir landið hans.

Gráða 3-30m
FF: Hreinn Magnússon og Höskuldur H. Gylfason,
veturinn 1987. Djúp skora vestan við Spora.

Leiðin gæti borið annað nafn

Klifursvæði Kjós
Svæði Skálafellsháls
Tegund Ice Climbing

Spori WI 3

Leið númer 47 á mynd (Það hlýtur að vera til betri mynd)

Sennilega vinsælasta byrjendaleið í nágrenni höfuðborgarsvæðisins. Oftast klifruð í tveim spönnum og er með boltuðum sigakkerum, einu uppi á topp sem auðvelt er að finna og einu fyrir miðju sem vill oft fara undir ís eða snjó.

Munið að tala við bóndann hvort það sé ekki í lagi að leggja bílnum á planinu hjá honum og ganga yfir landið hans.

http://wikimapia.org/15507293/is/Spori
64°16’6″N   21°24’33″W

50m
FF: Jón Geirsson og Snævarr Guðmundsson, 1.
nóvember ’81 . Bratt haft neðst en síðan um 55 gráðu
brött íslæna eftir það.

Klifursvæði Kjós
Svæði Skálafellsháls
Tegund Ice Climbing

Myndbönd

Lekandi WI 3

Leið merkt inn númer 46 á mynd

Munið að tala við bóndann hvort það sé ekki í lagi að leggja bílnum á planinu hjá honum og ganga yfir landið hans.

Liggur meðfram uppgönguleiðinni að Spora og er príðis upphitun að taka gilið í staðinn. Lengsti fossinn er um 15m en þeir eru nokkrir á leiðinni upp

Klifursvæði Kjós
Svæði Skálafellsháls
Tegund Ice Climbing

Áslákur WI 4

Fossinn er dálítið norðar í Kjósarskarði en Hrynjandi (#45), í gili sem heitir Strákagil, sést vel frá veginum. Beygt er af Kjósarskarðsvegi og keyrt yfir brú. Fyrsti afleggjari til hægri er svo tekinn og keyrt alla leið að sumarhúsabyggð, ef færð leyfir (sjá kort). Einungis er um 25 mínútna gangur að fossinum, sem gerir hann kjörinn í eftirmiðdagsklifur.

Eins og sést á yfirlitsmyndinni þá má klifra fossinn á nokkra vegu og erfiðleikagráðan er á bilinu WI4 til WI5 eftir því hvaða leið er valin og hvernig aðstæður eru hverju sinni.  Kverkin (leið 1) er auðsóttust og jafnan í WI4 aðstæðum. Hinar leiðirnar eru erfiðari, jafnan WI4+ en geta slagað í WI5 þegar yfirhangandi kaflar myndast. Leið 3 er sjaldnast í aðstæðum þar sem fossinn er oftast opinn einhvers staðar á þeirri leið. Þar er hann jafnan blautastur.

Leiðirnar eru flestar 30-35 metra langar. Stundum frýs fossinn efst og þá er hægur leikur að klifra upp úr gilinu fyrir ofan hann og ganga niður vinstra megin við Strákagil (séð frá klifrara). Það er hins vegar algengara að gera V-þræðingu efst í fossinum og síga niður, á tveimur línum eða einni 70m línu.

FF: Ókunnugt

 

Klifursvæði Kjós
Svæði Grenihlíð
Tegund Ice Climbing

Hrynjandi WI 3

Leið merkt inn númer 45 á mynd

150 m
FF: Ari T. Guðmundsson. Hreinn Magnússon og
Höskuldur H. Gylfason 26. janúar 1985. Lengsta
ísfossaleiðin i Grenihlið, er í Grindagili. Mislöng
isþrep með snjósköflum á milli í venjulegu árferði.

Klifursvæði Kjós
Svæði Grenihlíð
Tegund Ice Climbing