Við félagarnir vorum búnir að ræða það að nú yrðum við að fara að komast í klifur því okkur var farið að klæja ískyggilega í axirnar.

Fór ásamt Ása ævintýri í eftir-vinnu þeyting í Búahömrum í gær í blíðskaparveðri. Lögðum af stað kl. 16:30 og vorum komnir heim kl. rúmlega 21. Byrjuðum á að storma upp Rauða turninn í austurhluta klettanna. Toppuðum upp á brún og röltum 200-300m (?) til vesturs eftir brúninni yfir í Gandreiðina.