Vestrahorn - Fallastakkanöf - Hnappavellir

Skrifað af: Sigurður Tómas Þórisson Mánudagur, 12. júní 2006 11:27

Því ekki að skella sér í klifur-road tour á Íslandi, líkt og menn stunda í útlöndunum. Það er af nógu að taka í amk. einn túr. Hér segir af íslenskum vegatúr.

Við Hróbjartur (Robbi) tókum okkur tvo frídaga fyrir Hvítasunnuna til að taka alvöru íslenskt klettaroadtripp.
Fórum því austur á Hnappavelli á miðvikudegi og gistum þar í rigningarsudda.
Daginn eftir var brölt aðeins í hífandi roki á Völlunum þangað til fór að rigna senni partinn.
Stóri dagurinn var svo á föstudeginum, þegar stefnan var sett á Saurgat Satans í Vestrahorni og í Orgelpípurnar í Fallastakkanöf ef tími gæfist.

Dagurinn var tekinn snemma (5:30) og brunað austur á Höfn. Fengum frábært veður og Hornið var hreinn unaður að brölta þennan dag.
Vorum akkúrat 5 tíma bíl-í-bíl og höfðum því hálfan daginn fyrir aðra spekt.
Drifum okkur að Fallastakkanöf enda bjartsýnir eftir góða ferð í Saurgatið og góðan árangur í Gerðubergi í maí.
En Orgelpípurnar flautuðu ekki okkar lag þennan daginn og við beiluðum eftir 4-5m klifur upp þennan furðulega 20m stromp í byrjun leiðar (erfiðasta 5.10 sem ég hef prófað :). Flenging la excellence...
Stefnum á að mæta aftur í Nöfina næsta sumar og tosast upp þennan stórglæsilega vegg...
Jæja, eftir þessi ósköp vorum við í rólegheitum á Hnappavöllum. Náðum 2 góðum klifurdögum og einum rigningardegi á mánudeginum áður en haldið var aftur til Sódómu.

Hér fylgja nokkrar myndir úr þessum túr okkar.