Grjótglíma í Öskjuhlíð

Skrifað af: Andri Bjarnason Laugardagur, 29. apríl 2006 19:42

Með hækkandi sól og hlýrri vindum er tilvalið að skella sér í grjótglímu þegar færi gefst. Hví ekki að skjótast eftir vinnu eða jafnvel að taka sér langt hádegishlé til að glíma við klassísku hliðrunina í Öskjuhlíð. Höfundur og myndir Andri Bjarnason.

Fyrir ekki svo löngu fann ég gamla filmu sem gleymst hafði að láta framkalla. Hans Petersen sáu um verkið og á filmunni reyndust vera grjótglímumyndir úr Öskjuhlíð, líklega frá sumrinu 2003. Hérna má sjá þá þokkapilta Steppo, Gumma og Valda leika sér að grjótinu og grjótið leika sér að þeim. Góður dagur á fjö.., uh..., ég meina í Öskjuhlíð.