Hnappavallablús

Skrifað af: Jón Viðar Sigurðsson Mánudagur, 31. október 2005 18:23

Jón Viðar minnir á að skammt er þar til daginn fer að lengja aftur og þar til aftur kemur vor á Hnappavöllum. Hann sýnir hér nokkrar flottar myndir af völlunum.

Hér koma nokkrar myndir af stemningunni á Hnappavöllum í sumar og reyndar nokkrar eldri með. Aðsókn var góð í sumar og ýmis afrek unnin. Kamarinn var endurreistur í maí (fauk og varð að klessu síðasta vetur) og þá litu nýjar klifurleiðir dagsins ljós. Ein þeirra er Metrosexual (5.12c) í Gimlukletti og er hún 27 m há. Leiðin er afkvæmi Stefáns Steinars Smárasonar og Valdimars Björnssonar.