Ísklifur í Rjukan

Skrifað af: Hilmar Ingimundarson Mánudagur, 06. desember 2004 22:53

Í lok Febrúar 2004 fórum ég og Gaui í víking til Ella og Kirsty í Noregi. Við byrjuðum á því að leigja okkur bíl á Gardemoen flugvelli og fyrir valinu var ódýrasti farkosturinn sem var í boði, Rent A Wreck (www.rentawreck.com ) og mælum við hiklaust með því að gera það til að halda kostnaði í lágmarki.

Rjukan er eitt af vinsælustu ísklifursvæðum Norðmanna og ekki að ástæðulausu. Rjukan er í um 3 tíma akstri frá Oslo og er bærinn frægur síðan úr seinni heimstyrjöldinni þegar þjóðverjar hertóku dalinn og svo baráttu heimamanna við að ná svæðinu aftur (google er með öll svör við sögulegum staðreyndum um svæðið, ég ætla ekki að reyna að hafa það allt eftir). Verkfræðingurinn í hópnum var ekki síður spenntur f. virkjununum á svæðinu frekar en öllum ísnum.

Dalurinn skiptist uppí nokkur mismunandi svæði frá A uppí F ásamt einu skíðavæði sem er í meðallagi gott, fínt f. hvíldardaga.

Svæði A er efst í dalnum með feikinóg af stuttum leiðum af flestum gráðum. Frá bílastæðinu er stutt labb niður í dalinn og má búast við að hitta þar fyrir fjöldann af klifrurum. Þetta svæði minnti mig soldið á Hnappavelli þar sem maður gat labbað á milli leiða og klifrað margar stuttar leiðir á einum degi, mixaðar, boltaðar, eða hvað sem var.

Síðan var það svæði B sem er frekar stórt með fjöldann allann af tveggja til þriggja spanna leiðum. Auðvelt aðgengi niður í dalinn af bílastæðinu.

Okkur gafst ekki tími til að klifra á svæðum C-F, en þau bjóða uppá fjölspanna leiðir allt uppí 22 spanna leið sem er lengsta leiðin á svæðinu. Erfiðara er að nálgast þessar leiðir og komast úr þeim og þar sem dvöl okkar takmarkaðist við 4 daga gáfum við okkur ekki tíma í að skoða þau.

Hérna er góð heimasíða um svæðið sem segir flest allt það sem segja þarf og líka um leiðina SHIT HAPPENS ( http://www.sljus.lu.se/People/Struan/Climb/NordicIce/Rjukan.html )

Svona ferð þarf ekki að kosta nein ósköp, nú bjóða Flugleiðir fargjöld til Evrópu á 19.900 (jólatilboð), síðan er það bílaleigubíllinn um 3.500 kr. á dag + bensín og svo borguðum við 2.500 kr f. tveggja manna svefnherbergi sem við gistum 3 í með eldunarastöðu. Svo er alltaf hægt að tjalda á svæðinu til að halda kostnaði í lágmarki!!!

Vona bara að þessar upplýsingar komi að einhverju gagni. Mæli hiklaust með hópferð þangað í vetur, og ekki væri vitlaust að kíkja á Ísfestivalið þeirra sem er í byrjun Mars.

Enjoy Himmi !!!!!

Þarna gefur að líta RentAWreck-ið sem við leigðum, alger snilld og hræódýrt!!!. Svæði A, horft inn eftir dalnum, neðst má sjá skemmtilegar M7. Upphitunarleiðin á Svæði A. Svæði A, í fjarska má sjá hóp sem var að glíma við M7. Kúnni að topropa, óklifin leið við hliðina. Önnur mynd sem sýnir inn eftir svæði A. Kallinn að topa óskráða leið. Þarna gefur að líta 3 boltaðar mixaðar leiðir með engum ís. Svæði A, horft uppeftir. Svæði A, ennþá meira af ís ís ís .... Elli í góðum fíling við enda svæðis A. hmm....... Eldunaraðstaðan í skálanum. Skálinn sem við gistum í. Þarna eru 3 tveggja manna herbergi. Bíllinn í allri sinni dýrð og fjöldi leiða þarna. Beint f. ofan skálann voru þessar fínu fjölspanna ísklifurleiðir á svæði E eða F. Shit happens, tvímælalaust á Ingjaldsfíflið og Gimp!!!!. Gaui á brúnni á svæði B. Ein fjölmargra ísklifurleiða á svæði B. Komnir niður í gilið, mjög vinsælt er að síga niður af brúnni sem er 50-60m há. Skemmtileg leið, nema þegar sleppt er 1000 lítrum af vatni niður hana á sec. Elli að tryggja okkur upp síðastu spönnina. Labbað niður á bílastæði eftir ánægjulegt klifur. Gaui og Elli ánægðir í lok dags. Sigið niður í eina leið. Elli og Gaui í góðum gír..... Himmi í esssinu sínu með spoiler gleraugun. Sól að morgni á svæði A. Elli ferskur að vanda. Gaui sáttur við daginn. Elli að huga að kvöldmatnum, Spaghetti Bolognese. ...og ekki veitir af smá meira kolvetni!!!!. Himmi að leiða. Himmi-inn þokkalega sáttur....(hmm hef enga skýringu á þessari hvítu klessu). Himmi hreinsa einhverja leiðina.... Gaui að tryggja með eitthvað fransk klifurpar sér við hlið. Einnar spannar ísleið á svæði A. Ís og aftur ís..... Tekið niður eina ísleiðina.... Elli og Gaui sprækir. Byrjunin á svæði A. Elli og Gaui að yfirgefa svæði A. Himmi og Elli sáttir við vel heppnaða ferð. Elli, Gaui og Himmi. Skemmtileg pósa.....séð niður í dalinn, efst er svæði A og má finna ís beggja vegna all leið niður dalinn. Elli þreyttur í lok ferðar..... Á leið til Oslo.....