klifurbókmenntir á umræðusíðunum

Skrifað af: Smári Stefánsson Fimmtudagur, 03. janúar 2008 13:32

Töluvert hefur verið um undanfarið að menn hafa verið að skiptast á skoðunum, á spjallinu, um klifurbókmenntir og hvaða bækur veiti þeim innblástur. Alpinist hefur nú tekið upp á því að fá stjörnurnar til að segja hvaða bækur veiti þeim innblástur.

Á alpinist.com lýsir Vince Anderson (handhafi gullnu ísaxarinnar frá 2005 ásamt Steve House) einkennilegri heimspeki sinni um hvernig alpinismi og satanismi mætast. Það er einmitt hin sataníska biblía sem veitir Anderson mestan innblástur þegar kemur að klifri.

Anderson rakst fyrst á satanísku biblíuna á heimili Mark Twight, þar sem hann var staddur á heiðingjablóti sem fól m.a. í sér dýrafórnir. Ekki er nú öll vitleysan eins:)

Á alpinist.com fer Anderson yfir það hvernig hinar níu syndir satanisma eru sniðnar að hans nálgun að alpinisma.

sjá nánar á http://www.alpinist.com/doc/web07-08w/wfeature-inspiration-anderson-twight