Þá er komið að nýliðakvöldi á vegum ÍSALP. Þar sem við ætlum að bjóða nýja, komandi

félaga sérstaklega velkomna skal það tekið fram að maður þarf ekki að vera meðlimur í

klúbbnum til þess að mæta það eru allir velkomnir. Ekki má gleyma þeim sem hafa kannski

verið í klúbbnum í einhvern tíma en ekkert gert með okkur endilega að mæta núna.

Þetta er kvöld er tilvalið til þess að koma sér af stað í starfi klúbbsins. Kvöldið mun byrja á

skemmtilegum fyrirlestri Jón Gauta þar sem Gauti mun kynna fyrir okkur hinar ýmsu hliðar

fjallamennskunnar og hvernig hann hóf sinn feril í fjallamennsku. Gauti hefur verið meðlimur

klúbbsins um árabil og verið iðinn á öllum sviðum fjallamennskunnar, auk þess er hann

leiðsögumaður hjá Íslenskum Fjallaleiðsögumönnum og finnst ekkert skemmtilegra en að

smita aðra af fjallabakteríunni.

Eftir fyrirlesturinn verður svo létt spjall tilvalið til þess að koma, sýna sig, sjá aðra og

kynnast fólki til þess að ferðast með. Síðan munuð við taka á móti skráningu í nýliðaferðina

sem verður farin laugardaginn 2 apríl. Ef veður og aðstæður leyfa er stefnan sett á

Skessuhorn í Skarðsheiði. Þetta verður ferð sem hentar öllum sem langar að komast í

skemmtilegt vetrarbrölt. Fararstjórar ferðarinnar eru Atli Pálsson og Sigurður Kristjánsson

stjórnarmeðlimir.

Félagsheimili ÍSALP er að Skútuvogi 1G, 104 Reykjavík. Bílastæði og inngangur er í portinu

að neðan. Gengið er inn frá Barkarvogi. ÍSALP deilir húsnæði með Klifurhúsinu.