Skálar

[Karl]

Þegar ég leitaði eftir efnisflokki fyrir þessa skráningu þá tók ég eftir því að ekki var til efnisflokkurinn „Skálar“
Í því samhengi vil ég hnykkja á athugasemd:

10. des. 2007 kl 11:21
Karl Ingólfsson skrifar :: almennt
Ég legg til að komið verði upp sérstakri síðu fyrir báða skálana.
Þar má birta myndir og gera grein fyrir ástandi og viðhaldi. Einnig er gott að þeir sem koma í skálana setji inn nokkrar línur eftir heimsóknir.

Ég mynnist á þetta vegna þess að skálarnir hafa ekki fengið athygli í mörg ár og nauðsynlegt er að skoða skálamálin í stærra samhengi en verið hefur.

Þegar Botnsúlnaskálarnir voru byggðir fyrir nær 30 árum (Sá fyrri „sprakk“ fyrsta veturinn) voru Botnsúlur mun afskekktari en nú er. Fæstir Ísalparar áttu jeppa, það var meiri snjór á láglendi og vegir voru verri. Það gat því farið hálfur dagur í að koma sér uppeftir líkt og er nú í Tindfjöllum. Í dag aka menn ýmist að Svartagili eða Súlnabergi og geta farið á alla tinda Botnsúlna á einu degi og komið sér heim í kvöldmat. Engin þörf fyrir skála þar.

Tindfjöllin eru lengra í burtu, víðfeðmari og fjölbreyttari og þar er áhugavert að eiga skála.

Seljum Bratta…
Ísalp er með öll leyfi fyrir Bratta og aðeins sú eina kvöð á húsinu að það nýtist ferðamönnum í neyð. Nútímatúlkun á því er að skálinn meigi vera læstur (eins og allir skálar eru í dag) en forstofa sé ólæst (líkt og Tindfjallaskáli).
Ég tel réttað kanna hvort við geturm selt Bratta. -Mín vegna má selja skálann til hvaða einkaaðila sem vera skal.
Ég hef viðrað malið við Guttorm Yfirsmið og sá hann ekkert því til fyrirstöðu.
Það eru ekki mikil verðmæti í skálanum sjálfum en líklegt er að e-h verðamæti séu í leyfinu sjálfu.
Ef við getum farið langleiðna með að fjármagna Tindfjallaskála með söluandvirði Bratta þá finnst mér Tindfjallamalið komið í áhugaverðari gír en verið hefur.

Ég vil líka minna á að þann 13. des var óskað eftir fundi með stjórn. -Var hann haldinn?

Kalli

[Karl]

Umræðan um skálamálin má ekki snúast of mikið um skálana sjálfa.
Umræðan þarf líka að snúast um það HVORT Ísalp vilji eiga skála Í Tindfjöllum, HVERJIR taki verkið að sér og síðast en ekki síst HVERNIG við ætlum að REKA skála.

„30. nóv. 2007 01:30
Karl Ingólfsson skrifar :: ÍSALP

Það að fjallaskálar séu opnir og notendur greiði gistináttagjald er kerfi sem gengur ekki upp. Viðurkenningin á þessu er augljós, -Í dag eru allir skálar læstir, nema stóru skálarnir að sumri þegar rukkað er við innganginn.
EF klúbburinn ætlar að gera út góðann skála í Tindfjöllum, þá verður að huga að því hvernig hann er leigður út:

-…….Byggður verði nýr skáli í sömu mynd og sá gamli.
Skálinn verð byggður og fullgerður í Reykjavík og fluttur tilbúinn á staðinn.
Skálinn verði leigður félagsmönnum á föstu verði. Ef við byggjum vistlegann skála má ætla að hann sé bókaður 20 helgar á ári. Helgarleiga þarf því að vera á bilinu 15-20.000 til að skálinn reki sig sjálfur til framtíðar. Einnig má fara milliveg og hafa e-h „lyklagjald“ sem væri föst upphæð og að auki komi hausagjald.“

[Höfundur]

Svör