Sjoppan við Jökullónið

Home Umræður Umræður Almennt Sjoppan við Jökullónið

  • This topic is empty.
  • Höfundur
    Svör
  • #44974
    0801667969
    Meðlimur

    Lýst klúbbnum ekki vel á að þjónustumiðstöðina inn við Jökullón eins og forseti F.Í. er svo hrifinn af? Ísklifur myndi án efa eflast ásamt fjallaleiðsögn um Gígjökulinn. Auknar tekjur fyrir Fjallaleiðsögumenn og aðra í ferðaþjónustunni? Og ekki verður verra að fá sér snaps áður en haldið er í svelgina og nokkra til viðbótar þegar afrekunum líkur.
    Halda menn virkilega að það hangi ekki eitthvað meira á spýtunni en eitthvað risa bílaplan við Lónið fyrir vegspotta sem kostar hátt á annað hundrað milljóna króna? Skrýtið hvað F.Í. og sér í lagi Austurleið er annt um að pumpa sem flestum inn á Merkursvæðið. Er þetta ekki einfaldlega spurning um skammtíma gróða-sjónarmið nokkurra einstaklinga? Þið eruð nú margir sem hafa þetta sem tekjulind. Hvað finnst klúbbfélögum um þetta málefni?
    Ég er nú einfaldlega að finna hvernig landið liggur. Höldum umræðunni málefnalegri.

    Kv. Árni Alf.

    #48677
    0311783479
    Meðlimur

    Ég skil einfaldlega ekki afhverju menn geta ekki bara lagt við Stóru-Mörk og tekið rútuna inn í Mörkina eftir vegi sem er skilgreindur fjallvegur.
    Held að það gengi af Lónins-sjarmanum dauðum að fá einhverja þjónustumiðstöð þar við vaðið. Það eru nú samt einhverjir sem myndu þyggja það með þökkum að geta fengið sér extra beikon, tvær auka kokteilsósur og 4L. af diet-kóki (af því að þeir stefna að því að verða fit og flottir með haustinu) með búrgeisunni við Lónið, en þeir geta alveg haldið áfram að krúsa í Staðarskála til að fá sitt fix.

    Eyðileggjum ekki ljómann af „Merkurferðum“ !

    -kv.
    Halli

    #48678
    2502614709
    Participant

    Það þarf að vera til einhver heildarstefna um þessi mál. Eftir síðustu eyðileggingu fyrir austan verðum við að halda í þessi svæði sem eftir eru. Fyrir nokkrum árum vildu bændur fyrir norðan opna sjoppu á Hveravöllum – það tókst að koma í veg fyrir það. Sú hugmynd kom upp eftir að Seyðisá var brúuð – áður var þetta fína vað þarna og alsælir túristar aka yfir ár í fyrsta sinn á ævinni. Krafan verður að laga veginn meira svo fólk geti brunað yfir Kjöl á 70 km hraða á fólksbílum – réttast væri að sprengja upp brýrnar. Svo er komin hugmynd um að leggja veg yfir Arnarvatnsheiði! Ég held að fólk þurfi í alvöru að hætta að kjósa þessa flokka allavega þeir sem þykjast hafa áhuga á náttúrvernd.
    Á sjötta áratugnum kom upp hugmynd að veita Blöndu saman við Vatnsdalsá og virkja niðrí Vatnsdal. Þessi skelfilega hugmynd komst aldrei lengra. En það grátlega er að við höfum ekkert lært því hugmyndin um Kárahnjúka er enn skelfilegri.
    Það er erfitt að vera málefnalegur þegar manni finnst þetta allt vera heilalausir hálfvitar sem tala um vistvernd og vetnisvæðingu um leið og þeir senda jarðýtur á landið. Það ætti að hýða þetta lið opinberlega.

3 umræða - 1 til 3 (af 3)
  • You must be logged in to reply to this topic.