Nú er vegurinn að uppgöngunni á Herðubreið orðinn snjólaus en jafnframt er fínn snjór á fjallinu, alveg niður að flatlendi.
Kjöraðstæður til að skíða þessa sparibrekku.
Það virðast samantekin ráð að banna akstur um vegina, þrátt fyrir að þeir séu orðnir rykþurrir og gerðir úr frostfríu efni og þar sé aldrei aurbleyta.....
Helvíti hart að bannað sé að fara Þurran Þjóðveg að Þjóðarfjalli í Þjóðgarði þegar færið er best.

Það leit einnig vel út með skíðafæri í Öskju og Kverkfjöllum. Fjöllin eru alhvít en hraunin og vegurinn rykþurr. Sennilega bætir í snjóinn í fjöllunum í vikunni en ólíklegt að snjói neðan 600m

Sést þokkalega á þessari mynd frá í gær:
rapidfire.sci.gsfc.nasa.gov/subsets/index2.php?project=firms&subset=Iceland.2011155.terra.721.250m

Spurning hvort vegagerðarmaðurinn sem gaf út þetta kort hafi verið að jappla á sveppum af e-h umferðareyjunni við Sæbrautina.. www.vegagerdin.is/media/umferd-og-faerd/Halendi.pdf
En kanski er þetta hluti af opinberri velferð að forða mönnum frá að skrölta á rykþurrum þvottabrettum í Ódáðahrauni í júní....

Hvað með ösku?
Sleppur maður við slík leiðindi á Herðubreið?

Ég veit ekki um öskuna þar sem töluvert hefur snjóað eftir gos.
Það var tam nær ekkert öskufall í Mývatnssveit

Veit nokkur hvenær vegurinn verður hugsanlega opnaður?

Smári

17 júní að meðaltali sýnist mér

www.google.com/search?client=ubuntu&channel=fs&q=fjallvegir+me%C3%B0al+opnun&ie=utf-8&oe=utf-8

Yfirleitt er orðið vel fært í Herðubreiðarlindir í mai. Leiðin er alfarið á frostfríu efni og því aldrei aurbleyta eða hætta á vegarskemmdum.
Vegurinn er töluvert niðurgrafinn sitt hvoru megin við Tumba og þar sitja skaflar stundum fram í júní (eru farnir núna).
Lokun vegarins um Herðubreiðarlindir er því ekki til að koma í veg fyrir drulluakstur og í því ljósi engin ástæða til að virða lokanir. Hinsvegar er lokuninn til að koma í veg fyrir að e-h sauðir aki utanvegar til að forðast skafla og þó fyrst og fremst til að styggja ekki heiðagæsarvarp í Herðubreiðarlindum. Það er hinsvegar hægt að aka að Herðubreið frá Möðrudal án þess að styggja þessa bleikfættu vargfugla.
Þankagangur Vegagerðarinnar er að setja akstursbann á allann veginn þangað til þeir dratthalast til að ryðja snjóinn af veginum í Öskjuop.

Samtök Útivistarfélaga SAMÚT eru að vinna að því að fá þessum umferðartakmörkunum breytt í átt að almennri skynsemi.

Annars er svo mikið vor hérna í Reykjavík að í gærkvöldi sýndist mér vera eitthvað af nýjum ís í Ísþilinu (leið #41)og það skóf fram af Virkinu (séð frá horni því er við Þverfell er kennt).

Er þetta spurning um að fara að dusta rykið af ísklifurdótinu og búa sig undir gott skíðasumar?

Sissi, eigum við ekki bara að athuga hvort Þilið nái ekki niður?

Er það ekki alltof létt fyrir okkur?

Ekki þegar ég er í bláa beltinu sem þú heldur svo mikið uppá

Nægur snjór á Herðubreið. Nýr snjór yfir allri ösku en nýi snjórinn helvíti gljúpur og betra að hafa sæmilegar kringlur á stöfunum. Nýlegt snjóflóð sem fór yfir veginn að uppgöngunni. Fínn skíðasnjór í Öskju og Löngufönn.