Ég fór fyrir stuttu upp á Akrafjall og sá þá ansi áhugaverða kletta fyrir neðan fjallið... Ég var frekar tímabundinn en sá aftur á móti þvílíku breiðurnar af boulderklettum. Það getur ekki annað verið en að það sé hægt að finna fínasta búlder þarna auk þess sem aðstæður til aðkomu eru fullkomnar, þ.e. fínn vegur, engin uppganga og slétt gras undir. Það er hugsanlegt að það sé svolítið slabb sem þá dregur hugsanlega úr spenningnum en það þyrfti bara að skoða það betur, en úrvalið er feikinóg.

Til viðbótar við þetta mátti finna hærri kletta upp með fjallinu sem mætti alveg prófa líka, og aðstæður nokkuð góðar.

Því spyr ég, hafa menn eitthvað klifrað þarna og hvernig var? Ef ekki, af hverju ekki?

Ágúst Kr.

Skagamenn hafa stundað æfingar þarna svo lengi sem elstu menn muna, þarna er ein boltuð klifurleið. Ég kíkti á hana fyrir mánuði síðan þá var hún orðin svolítið mosa vaxin og svo er eitt toppakkeri rétt við hliðiná.

Þarna er flott frábært svæði sem vissulega er vannýtt.
Þetta eru gamlir sjávarhamrar og bjóða upp á fyrirtaksklifur af öllum erfiðleikastigum. Þó eru björgin sumstaðar laus í sér og frekar mosavaxin, en hér og þar má komast í úrvals klifur.


Landið er í eigu Antons á Ytri Hólmi en hann hefur lagt þennan príðis veg þarna upp með og honum er nákvæmlega sama þó klifrarar/göngufólk vafri þarna um, svo lengi sem gengið er snyrtilega um og engin landsspjöll eru unnin. (það á samt að vera í lagi að bolta þó við höfum verið hófsamir fram til þessa.)

Af hverju þetta hefur lítið verið notað af höfuðborgarbúum skal ég ekki segja kannski það sé enn of dýrt í göngin?

Svo skemmir það ekki að þarna er príðiskvöldsól.

Jæja gústi við kíktum þarna um daginn og urðum ekki fyrir vonbrigðum! Eðal steinar um 4-6 metrar á hæð og flatt gras undir. Skrýtið að maður hafi ekki farið þangað áður! Þarf að kíkja þangað aftur og klára verkefnið mitt ;) Eitt nýtt svæði kannað og mörg eftir. Held að nýjungar í klettaklifri á íslandi liggji að mestu í búldrinu og hef verið að rannsaka þetta að undanförnu og fundið áhugaverða staði sem lofa góðu stutt frá höfuðborginni (1-2 klst). Sumt af þessu eru klettabelti sem eru á mörkunum að vera línuklifur eða búlder. Hef líka verið mikið á austfjörðum og fundið eðal probba m.a. á Seyðisfirði og í kringum Egilsstaði. Svo er bara málið að taka höndum saman og gera alsherjar topo af klettaklifri á Íslandi er það ekki? Kannski að fleirri leyni a leyndum stöðum sem þeir vilja deila með almúganum.
kv. Öddi
ps. Gústi verðuru ekki reddí í Hraundrangan í lok sumars?? ;)

Ok, allt mjög áhugavert og klárlega þörf á updeiti á topos um nýjustu klifursvæði landsins. Það væri t.a.m. gaman að vita hvar þessi boltaða leið er við Akrafjall, hver er gráðan, hversu há etc.

Og já, kallinn er klár í Hraundranga í lok sumars, mun valhoppa það ;-)

Fyrst þú hefur verið svona mikið að rannsaka...hefur þér ekkert dottið í hug að deila þessu með alþjóð ?


robbi

Jebbzy mikið verið að pæla í því og þetta mun vera fyrsta skrefið. Hef ekki haft nægan tíma til að prófa staðina almennilega og hef ekki viljað vera blaðra um staði sem kannski eru ekki neitt góðir og senda fólk í fíluferðir hingað og þangað um landið. Ég hef þó sagt vinum og kunningum mínum í frá þeim en einhvernvegin gleymdi ég að segja þér frá þessu sorry ;) Undir Akrafjalli er fyrsti staðurinn þar sem ég hef haft fólk að spotta annars hefur þetta verið svoldið sóló mission. En með póstinum áðan var ég að segja frá þessu er það ekki? Vona að þú sért ekki í fílu úti mig fyrir að leyna mikilvægum upplýsingum sem erfitt er að komast að á þessu "STÓRA" landi . It´s a jungle out there....
kv. Öddi

En svona án djóks þá er ég til að deila því sem ég veit með þeim sem vilja og það væri kannski góð hugmynd að taka smá tíma frá til þess að skoða þetta betur. Einhver til í smá hópferð? :)
Kv. Undirritaður

kúl. það eru alltaf allir að leita og spennandi ef eitthvað nýtt og fínt finnst. hlakka til a.m.k. að sjá myndir : )

stína fína

stebbi steinar var að finna enn eitt eins kvölds búldersvæðið á Reykjanesi. sjá líka kh blogg frá 15. ágúst 2007.