Fór einhver að klifra um helgina???
Olli

Ég var í Kerlingarfjöllum um helgina. Þar var allt pinnfrosið og lítill snjór. En þeir fossar sem voru klifranlegir virtust frekar þunnir þó ég hafi ekki skoðað þá í návígi.

Við Tómas Júlíusson fórum í gagnmerkan ískönnunarleiðangur í Kistufelli í gær. Úr varð drulluklifur með stöku klettahafti þar sem "klettarottan" Tómas sýndi óvænta takta. Á efstu brún fundum við nægan ís til að kæla drykkjarföngin. Já, við erum búnir að stimpla okkur rækilega inn fyrir sísonið!

Við ákváðum nokkur að gefa ísfossum á suðvesturhorninu aðeins lengri tíma til að myndast en héldum þess í stað inn að Gígjökli í upphitunarferð. Fundum prýðilegt stál og ég fullyrði að allir náðu að keyra sig út.

Stórfínt en kræst hvað Jökullinn skreppur mikið saman milli ára, hann á ekki mörg ár eftir með þessu áframhaldi.

skabbi

Gufunesbærinn ætti að vera tilbúinn von bráðar þ.e. pípulagningslega séð. Svo er það bara að treysta á frostið :-)

Kveðja,
Nils Gufunesbæjarvinnumaður

Skruppum í smá bíltúr/gönguferð í kaldadal. Ég fór bara hálfaleið þar sem maður jú aulaðist til að gleyma skónum heima. Þó fann Gummi þar fína snjó rás sem hann drattaðist upp og kláraði að fara alla leið á toppinn. Það var alveg vel þunnt í Birkitrénu, alveg mögulegt að klifra það en frekar risky, þó það sé aldrei að vita að það verði tilbúið fyrir klifur ferðina næstu helgi. Frostið er greynilega, nóg en það er mjög lítið af ís þarna eins og er.

Já, kuldinn er til lítils ef ekkert er vatnið til að frysta.
Fór enginn að skoða í Eilífsdal, Villingadal eða í Hvalfjörðinn?

Ég fór í bíltúr í Hvalfjörð í dag. Þar er allt að gerast. Þilið var orðið nokkuð gott en það vantar mikið uppá að það sé klifranlegt. Oríon var að byggja sig upp og kominn ótrúlega langt á leið. Stígandi í Múlafjalli komin langt með að vera nógu þykkur. Ég sá ekki inn í Glymsgil en þar er örugglega sömu sögu að segja.

Við erum að renna inn í 4 daga hlýindi á morgun og síðan fer að frysta á ný á mánudag. Af vitnisburði þeirra sem hafa viðrað sig og annarra fyrirliggjandi veðurfarsgagna kann að vera fossaklifur þurfi eins og eina viku í viðbót.

það eru líka myndir af trénu í Þórisjökli síðan á lau. síðasta á :
php.internet.is/gummistori/lesa_frett.php?id=71
ef þið viljið sjá það

GF