Jæja, það var fámennt en góðmennt á fyrsta boulder-ís (Bís - þurrtólun) kvöldi vetrarins.
Mér skilst á ráðamönnum í KH að þar eigi hér eftir að vera opið til kl. 23 á miðvikudögum og munu áhugasamir fá að sveifla járnum þar eftir kl. 21 ca.
Rétt er að benda á að Bís-ið virkar bara eins og hefðbundin búldersession í KH, þ.e. maður þarf að vera með árskort eða kaupa sér skipti til að vera memm að sjálfsögðu.
Ennívei, þá kíktum við aðeins í dótakassann og settum upp slurk af ísaxa-gripum þar sem vantaði og er stór hluti af hellinum orðinn vel brúklegur fyrir þurrtólun. Meira verður sett upp næsta miðvikudag og vonandi verður meiri mæting þá.
Sjáumst með byssurnar í botni á miggudaginn!
