Hæ

Við Bjöggi og Viðar kíktum í Múlafjall í blíðunni í morgun. Hálka með köflum, fátt um fína drætti en unaðslega gaman samt. Múlafjall þarf nokkra góða daga í viðbót. Oríon er orðinn vel sýnilegur og Þilið líka.



Allt að gerast!

Fleiri myndir hér.

Vel gert piltar!

var einmitt að spá hvort ekki væri eitthvað farið að gerast einhverstaðar. Glæsilegt.

Smári

Tryggvi Stefánss. og ég vorum einnig á ferðinni síðastliðinn sunnudag (annan dag vetrar).
Keyrðum undir Múlafjalli og með fyrsta könnunarteymið á símalínunni og sjónauka í andlitinu ákváðum við að freista gæfunnar frekar í Kjósinni en Hvalfirði.

Ísfossinn Spori liggur í um 250 metra hæð yfir sjó, vísar í norður og töluvert lengra inn til landsins en Múlafjallið. Þar fundum við ís.... en ekki sérlega mikið af honum, eða allavega var hann ekki alveg í stuði fyrir ísskrúfur hvar sem er. Í þetta skiptið fóru einungis 4 skúfur í leiðina sem bæði dúaði pínu og var vel blaut að aftan.

Gaman að sjá hvernig veðrið fer með allann þennann uppsafnaða klaka.

Freysi

Ég og Finni skelltum okkur í huggulegt alpaklifur á miðvikudaginn síðasta. Bröltum upp norðurhliðina á Kerlingu. Völdum rennu sem skilaði okkur frá hryggnum og endaði rétt vestan við vörðuna.

Klifrið byrjaði einhversstaðar í 1367m. og endaði í 1540m. hæð og þurftum við að byrja á að klifra ofan í sprunguna sem er á milli Lambárjökulsins og Kerlingarinnar til að koamast að fjallinu.

Fyrsta spönnin var nokkuð hressandi, að klifra yfir sprunguna og upp klettinn hinumeginn. Svo tók við hliðrun í rennuna sem við ætluðum upp og smá snjó/ís blanda. Í þessarri spönn notuðum við flestar tegundir af tryggingatólum, vin, hnetur, slinga, fleiga og ísskrúfu. Næstu tvær-þrjár spannir fríklifruðum við þar sem hallinn var minni og töluvert af snjó.

Það er helvíti löng aðkoma að þessarri klifurleið og get ég ekki sagt að ég muni leggja oft leið mína þarna upp til að klifra. En þar sem kvikindið blasir við úr stofuglugganum heima urðum við bara að skella okkur.

Freakin' sweet to see it's already possible to climb some wet ice (for a bit)
I'll be in Klifurhusid this eve and was wondering if I can use my axes there...
Anybody up for some drytooling from around 7ish today?
Grtz!
Marianne

Hæhó

Eitthvað að frétta af aðstæðum í dag???

Hæ

Klifurveður var fallegt um helgina, hverjir fóru út að leika?

Skabbi - sem sat heima

Margmennt var í Spora í gær. Þar áttu stefnumót sex klifurmenn.
Styrmir, Arner Felix, Atli Páls, Heiða, Sveinborg og ég áttum þar góða stund.

Þegar ég var þar fyrir viku síðan hafði ég á orði að það væri nú sniðugt að hafa sigakkeri við þennan vinsæla stað og mætti því vopnaður borvél í þetta skiptið.

Leiðin skartar því tveimur boltum núna, einum efst og öðrum á millistallinum.

Sveinborg tók myndir.

Frétti svo af öðru gengi í Brynjudal. Þau voru í einhverju mixi.. eða þurrtólun.

Ljósmynda-Gummarnir voru báðir með í för og því ættu að vera til myndir af því einhversstaðar á alnetinu.

Freysi

Já og bæ ðe vei, flott klifur á Kerlinguna hjá ykkur Jón norðan Heiðar og Finni.
Hafa norðanmenn verið að brölta þarna áður?
Er þetta frumferð?