hæhæ
Höfum dreift eitthvað af ritum til félaga sem verða á vegi stjórnar.

Ársritin fara annars í póst í dag.
Það eru eflaust margir með vitlaust skráð heimilisfang í prófílnum sínum og þ.a.l. fá ritið sent á vitlaust heimilisfang. Sá póstur endar aftur hjá okkur.

Hvet fólk til að fara yfir þetta hjá sér og ef það er með vitlaust skráð heimilsfang og er að bíða eftir riti að láta mig vita.

bjorkh(at)gmail.com

kv. Björk

Og ekki má gleyma félagsskírteinum sem finna má inni í ársritinu ásamt auka glaðning!

Lesa má allt um þá afslætti sem félagsmönnum bjóðast hér.

Séu einhverjir aðilar þarna úti sem vilja bætast í hóp þeirra sem bjóða okkur afslátt, þá endilega hafið samband við stjórn.

Vantar inn aflætti á námskeið fyrir Ísalp félaga - sem reyndar borga ansi fljótt upp árgjaldið fyrir þá sem nýta sér það.

Varð annars á vegi stjórar í gær - og þeir sem enn bíða eftir sínu ársriti hafa virkilega eitthvað að hlakka til.

kv. Ívar

Vill nota tækifærið og hrósa ritnefnd og stjórn fyrir frábært ársrit...nice one. Og ekki skemmir glaðningurinn. Það liggur við að maður kaupa sér jeppa utan um gluggalímmiðann :-)

Ég tek undir það. Frábært ársrit sem heldur bara áfram að batna.

Hvet menn að hætta að spá í snjó- og ísalögum í 2 mínútur og pósta inn tveimum setningum um hvað ritnefndin er að gera frábæra hluti - hún á það skilið fyrir óeigingjarnt starf.

Ótrúlega flott ársrit og greinilega mikil vinna sem liggur þarna á bak við!
Húrra fyrir frábærri ritnefnd ;)
Hlakka til að líma límmiðann á bílinn

Þúsund þakkir

Helga, ég er ekki viss um á blátt og appelsínugult fari vel saman!

Hvenær megum við landsbyggðarmenn og konur eiga von á herlegheitunum inn um lúguna?

Ég held að það passi vel saman, en annars sprauta ég bara bílinn upp á nýtt svo hann lúkki við límmiðann ;)

Helga: Appelsínan verður ALDREI sprautuð! Ef einvher svo mikið sem reynir það þá mynda ég human-chain utan um hana, fer í hungurverkfall og hringi í Sölva Tryggva!

...bíð eftir að fá mitt eintak í hendurnar en það sem ég hef séð hingað til lofar mjög góðu.

Ársritin fóru í póst á föstudag þannig að þau ættu að fara týnast inn til fólks.
Það verður að viðurkennast að nokkrir fengu heimsendingu en það er bara af því þeir áttu heima í næsta húsi við stjórnarmann eða unnu í sama húsi.
Reyndar átti sér stað leynilegur fundur á bílastæðinu í Hlíðarfjalli um helgina þar sem fulltrúi ÍSALP félaga á Akureyri fékk í hendurnar flest þau eintök sem tilheyrðu bæjarbúum. Er hann væntanlega búinn að dreifa þeim um bæjarfélagið, aðrir geta leitað á náðir lögreglunnar á Akureyri.

Það sem fer í póst á föstudegi er borið út á mánudegi. Ertu viss um að þetta hafi verið sent af stað??? Maður er orðinn svo svaka spenntur.

rok

obbosí Rúnar.
Það kom víst ekkert heimilisfang á umslagið þitt úr prentun, það voru nokkur svoleiðis, svo þitt fór í póst í dag. Þykir það mjög leiðinlegt þar sem að þú ert svo rosalega spenntur.
Ef það væri kvöldflug til Ísafjarðar þá myndi ég fara og henda einu með vélinni.

Minni alla á að uppfæra prófílinn sinn þannig að þær upplýsingar sem þar eru séu réttar.

Það verður ekki siglt á Ísafjörð fyrr en í vor, bilaði skipið.

Ég fékk mitt delivered í vinnuna:) Flott rit, takk fyrir það. Var ekki lengi að ramma ísalp merkið inní rauða poloinn.

Ég er nú orðin frekar spenntur.
Bíð við lúguna á hverjum degi.


kv.
Palli

Búinn að vera að bíða spenntur en var að fatta að heimilisfangið var ekki skráð á síðunni, búinn að laga það og bíð nú enn spenntari.

kv. Smári

virkilega flott ársrit megið vera stolt af þessu.

Frábært ársrit. Ég las það næstum því spjaldana á milli fyrsta kvöldið eftir að ég fékk það.

kv.
Steinar

Hæ

Ritnefnd þakkar hlýleg orð í hennar garð. Við vonum að fólk geti haft e-ð gagn og gaman af ritinu. Það er alltaf gaman að fá feeback frá lesendum, bæði klapp á bakið og ábendingar um það sem betur má fara eða hugmyndir að efni í næsta rit.

Nú sem endranær bendum við á að uppistaðan af ársritinu er innsent efni frá félögum í klúbbnum. Það er því full ástæða til að hvetja menn áfram í þeim efnum.

Allez!

Skabbi

Alvöru ársrit. Ég las það í döðlur um leið og það kom inn um lúguna.

hreint út sagt frábært blað.

kv.
Jón H

Ég er ekki enn búin að fá mitt eintak, búin að kíkja í lúguna á hverjum degi. Samt er rétt heimilisfang skráð.

Ekkert heldur borist til mín. Borgaði reyndar árgjaldið ekki fyrr en 1. des. Kannski fer maður bara í Jólaköttinn!

Kv. Árni Alf.