Ama Dablam myndin hans Ingvars er að fæðast og er sett á þann 26. maí. Reyndar líka þann 27. maí ef menn komast frekar þá en hinn.
En þetta á semsagt að
fara fram í Háskólabíói kl. 20:00.

Engin spurning að allir Ísalparar og áhugamenn um fjallabrölt mæta og kíkja á gripinn, sýna stuðning í verki og svala um leið forvitninni.
Eitthvað hefur þetta hvisast út fyrir landsteinana og fjalla-Celeb-ið hann Simon Yates er að gera sér ferð til landsins til að fara í bíó!!

Gott ef hann sjálfur ætlar ekki að baða sig aðeins sviðsljósinu í sal FÍ á miðvikudagskvöldið 28. maí en þar mun hann skemmta liðinu með sögum og myndum af sjálfum sér.

Ekki amaleg vika í vændum.

Yfir,

FIB

Hmm, sama kveld og Dylan? Má það?

Hmm, sama kveld og aukaaðalfundur vegna lagabreytinga? Má það?

Verðum við ekki að fresta lagabreytingafundinum um viku?Annars verður salurinn hjá Yates tómur.

Styð frestun á fundi, ekki hægt að láta Yates koma fýluferð...

Er einhver möguleiki að myndin verði líka sýnd norðan heiða svo við landsbyggðalubbarnir missum ekki af stórviðburði sem þessum? Ef það vantar húsnæði get ég alveg skaffað hlöðu :)

Hlöðubíó í Skíðadal er ekki afleit hugmynd. En hvort sem myndin verði sýnd þar eður ei er augljóslega akkur að því fá verkið norður yfir heiðar.
Varð nefnilega þess heiðurs aðnjótandi að fá forskot á sæluna og forsá myndina á föstudagskvöldinu og get með sanni sagt að þarna er metnaðarfullt og skemmtilegt myndband á ferðinni.

Virkilega flott mynd og hamingjuóskir til Ingvars og hinna sem að myndinni komu!

Hvet því alla í bíó og vonandi kemst myndin norður svo sem flestir fái að sjá.

Myndasýningin hans Simon er svo á miðvikudaginn kl. 20:00 í FÍ.

FIB

Tek undir þetta það væri flott að fá myndina norður.

Það er stefnan að koma myndinni sem víðast. Um leið og ég er búinn að fyrirgefa formanninum fyrir að kalla myndina "myndband"! reyni ég að gera eitthvað...
Þakka kærlega fyrir stuðninginn og hvet alla í bíó