Sælir félagar.
Mig langar til að benda ykkur á hið unaðslega húsnæði Möðruvelli sem er staðsett í Skíðadal (inn af Svarfaðardal). Þetta er eins konar skáli með gistirými fyrir yfir 10 manns og með allskonar huggulegheitum, kyndingu, sturtu, sjónvarpi, borðbúnaði og öllu því sem fjallafólki getur dreymt um. Leigugjaldið er aðeins 5000 kr fyrir nóttina og því afar hagstætt hópum. Bakvið húsið eru svo hamrar með heiðbláum ís þessa dagana, brekkur þar sem hægt er að svífa niður í púðri og almennt eru bara frábærar fjallaaðstæður þarna í kring. Auk þess er stutt í helstu skíðasvæði við Eyjafjörð.
Nánari upplýsingar má finna á:
asp.internet.is/daeli/ eða hringja í s. 466-1658
Kveðja, Helga Björt
