Vil minna á fyrirlesturinn sem er á miðvikudaginn (10. mars) en þá mun Hálfdán Ágústsson veðurfræðingur og sjónvarpsstjarna með meiru, halda erindi um veður á fjöllum. Það komu fram óskir um að þetta efni yrði tekið fyrir og Ísalp hefur brugðist við því. Á því von á að áhugamenn um fjallamennsku láti sig ekki vanta á þennan fyrirlestur þar sem veður er jú eitt af því sem alltaf þarf að spá í þegar farið er á fjöll.

Sjáumst á miðvikudaginn...

Veðurfræði til fjalla

Veðrið leikur við okkur í dag aldeilis. Talandi um veður... minni enn og aftur á fyrirlesturinn í kvöld þar sem Hálfdán Ágústsson mun fræða okkur um veður á fjöllum.

C-yah!

Ef í austri sólir sjást
seggi fæsta gleður.
En í vestri aldrei brást
allra besta veður.

Þessi ferskeytla er gömul veðurspádómsvísa um aukasólir á lofti.

Alveg hreint ljómandi veðurfræði fyrirlestri er nú lokið og þakkar Ísalp Hálfdáni Ágústssyni kærlega fyrir hann.

Farið var yfir allskyns veðurfyrirbæri, orsakir og afleiðingar í fyrri hálfleik en veðurspám og mismunandi þáttaspám gerð góð skil í þeim seinni.

Synd fyrir þá sem ekki mættu að láta svona fínan fyrirlestur fram hjá sér fara.

kv,

Freyr Ingi

Gaman að heyra, oh hefði langað að komast!
Mér finnst að þið eigið að birta glósurnar ykkar hérna fyrir okkur sem urðum að vaða mýri upp að hnjám í kvöld og komumst því ekki á fyrirlesturinn..

Hálfdán kynnti efnið líka ber að ofan. Nice.

hann var ekki alveg ber að ofan. hann var með bindi!

takk fyrir mig. þurfti að sjá á eftir seinni hálfleik og missti því örugglega af spennandi upplýsingum um mismunandi veðurspár.
kunna norsararnir þetta nokkuð?

Sveinborg Hlíf Gunnarsdóttir ritaði:


Stutta svarið er nei

Langa svarið er: Að reiða sig á norskar veðurspár varðandi veður til fjalla á Íslandi er annaðhvort misskilningur eða bull, nema hvort tveggja sé.

Takk fyrir mjög svo áhugaverðan fyrirlestur í gær. Ég taldi mig búa yfir skítsæmilegri þekkingu á íslensku veðurfari en ég lærði heilmargt í gær.

Allez!

Skabbi

Nei hann gaf nú ekki mikið fyrir norsarana, væru að vísu góðir í að spá fyrir um veður í Noregi en handónýtir þegar kæmi að því að spá fyrir okkur t.d. Ástæðurnar eru einfaldar og skiljanlegar eins og hann útskýrði.

En sem sagt einn af mörgum góðum punktum hjá Hálfdáni var að þéttni spánetsins skiptir miklu máli og því þéttara sem það er þeim mun meira afl þarf í að reikna að sama skapi. Norsararnir reikna allt í spað heima hjá sér en netið er gisið annars staðar. Skiljanlega eru þeir ekkert að spandera reiknigetu í aðra.

Þessi pæling á líka við þegar við skoðum spár hér heima. Það er hægt að velja um mismikinn þéttleika (t.d. 1km, 3km, 9km) þegar spár eru skoðaðar á vefnum hér.

En það er of langt mál að fara út í allt sem hann talaði um í gær. Snilldarfyrirlestur! Takk.

Skarphéðinn Halldórsson wrote:
- Kristinn B Gylfason a.k.a. Kristur Biggý Biggý.

Já, ætli það megi ekki segja að aðalmálið sé annarsvegar 1) upplausnin í spám og 2) að taka tillit til landslags.

Þetta eru hlutir sem Hálfdán og félagar á Belgingi eru búnir að vera að vinna í síðustu árin og Veðurstofan hefur tekið upp að nokkru marki. Að láta blekkjast af því að hægt sé að leita að einhverjum stað á erlendri síðu og fá spá fyrir hann er einmitt þetta, misskilningur eða bull.

Þakka aftur alveg frábæran fyrirlestur, við Freysi vorum einmitt að tala um að maður hefði eiginlega átt að taka glósur, slík var snilldin.

SF

Þakka frábæran fyrirlestur sem ég hefði ekki viljað missa af lærði helling

Dóri

Fúlt að hafa misst af þessum ágæta fyrirlestri. Miðvikudagar eru ömurlegir.

Kv. Anna sem kemst aldrei á miðvikudagskvöldum.