Tindfjallaskáli

Sorry, this entry is only available in Icelandic. For the sake of viewer convenience, the content is shown below in the alternative language. You may click the link to switch the active language.

Bókun á Tindfjallaskála

Upplýsingar um skálann

GPS hnit skálans eru:   63°46,140′ N  19°40,780′ V í dd°mm,mmm’ WGS-84 (63°46´27 N  19°40´38 V).
Slóðina má finna á wikiloc og einnig sem viðhengi neðst á síðunni.

Bókun og verðskrá

Verð á gistinótt er kr. 1500,- fyrir félaga Ísalp en kr. 2.000,- fyrir aðra og greitt er fyrirfram með því að
leggja inn á reikning ÍSALP eða við afhendingu lykils.  Frítt er fyrir börn yngri en 12 ára.Reikningsnúmerið er: 111-26-001371 og kennitala  ÍSALP er: 580675-0509.
Vinsamlegast sendið kvittun á gjaldkera ÍSALP ( ottoingith@gmail.com).
Ef tveir ólíkir hópar eiga pantaða nótt hvor á eftir öðrum er meginreglan sú að leigt er frá hádegi til hádegis.
Til að bóka má hringja í einhvern af ábyrgðarmönnum eða senda tölvupóst.
Við bókun skal gefa upp: fullt nafn, kennitölu, farsíma, fjölda gesta, komudag og brottfarardag.
Ábyrgðarmenn eru með lykla að skálanum og lyklar eru afhentir við staðfestingu á greiðslu.
Lykli skal skilað til ábyrgðarmanns að lokinni notkun.

Ábyrgðarmenn skála

Nafn Sími Netfang Heimilisfang
Hálfdán Ágústsson 8659551 halfdana(hjá)gmail.com Dyngjuvegur 10, Reykjavík
Kristján Guðni Bjarnason 8200412 kristjan.gudni.bjarnason(hjá)gmail.com Laugalækur 26, Reykjavík

Veður

Til staðar

  • Olíukamína
  • Olíutunna ( staðsett fyrir utan skálann )
  • Gashella og gas
  • Pottar til að hita vatn og bræða snjó
  • Leirtau og hnífapör fyrir 8
  • Kojur fyrir 6 og svefnloft fyrir 4
  • Tuskur og viskustykki og annar viðlegubúnaður til að þrífa eftir sig ( í plastkössum undir kojum )
  • Ruslapokar
  • Handsápa og uppþvottalögur
  • Kerti og eldspýtur
  • Kamar hefur verið smíðaður og er staðsettur um 50 metra frá skálanum  til norðvesturs
  • Lítið gasljós, ATH gas ekki á staðnum

Hvað ber að taka með sér

  • Gas fyrir ljós ( litlu kútarnir sem skrúfast á ljós/prímus))
  • Ekkert vatn er í skálanum né í næsta nágrenni. Ef komið er að sumri er gott að stoppa við lækinn fyrir neðan neðsta skála (Tindfjallasel) og fylla á öll vatnsílát.
  • Salernispappír

Fyrir brottför

  • Þvoið áhöld og gólf (öll efni ættu að vera í plastkössum undir kojum)
  • Lokið gluggum tryggilega, bæði í eldhúsi og á svefnlofti Sjáið til þess að kamarhurð sé lokuð
  • Strjúkið vatni úr gluggakistum ef eitthvað er
  • Skrifið í gestabókina
  • Slökkvið öll ljós
  • Skiljið hvorki matvæli né rusl eftir í skálanum
  • Lokið fyrir alla gaskúta.
  • Takið tóma gaskúta fyrir helluborð með í bæinn og afhendið umsjónarmanni
  • Lokið útihurðum(hurð og hleri) vandlega og læsið millihurð
  • Ef einhverju er ábótavant skal nefna það við skil á lyklinum
  • Takið allar óhreinar tuskur og moppur með í bæinn og skilið til umsjónarmanns.
  • Skiljið engan nýjan borðbúnað eftir í skálanum
  • Skiljið við skálann eins og þið viljið koma að honum
  • Fyllið á olíutank í ofni með þartilgerðum brúsa (sjá leiðbeiningar með ofni)

Leiðbeiningar fyrir olíuofn

Á myndinni hér fyrir ofan er búið að merkja þá hluti sem þarf að hreyfa við til að kveikja upp í kamínu.   Til að kveikja upp í henni þarf að gera eftirfarandi í þessari röð:
  1. Opnið lok á olíutanki 1 og metið hvort nægileg olía sé til staðar. Athugið að mælirinn á geymi stendur á sér, bankið létt til að lesa af rétta stöðu. Vanti olíu skal sækja steinolíu úr tunnu við norðuhlið skálans, með litlum plastbrúsa sem er í skálanum(sjá að ofan).Gætið þess að hella hvergi niður olíu á eða við ofninn
  2. Snúið krana 2 einn hring rangsælis til að opna inn á blöndung.
  3. Snúið krana 3 til fulls rangsælis til að opna inn á brunahólf.
  4. Ýtið takka 4 niður til að auka rennsli. Haldið takka niðri í ca. 1 mínútu
  5. Lyftið hellunni upp og athugið hvort olíupollur er kominn í brunahólfið . Einni má notast við gaumgat 7 til að fylgjast með rennsli olíu í brunahólf.
  6. Dragið upp hnapp 5 þegar sést að olía er komin í brunahólfið. Vætið kveikinn (8) í olíu (sjá að ofan) og tendrið. Stingið því næst logandi kveiknum í gat 6 á brunahólfinu.
  7. Fylgist með að kveikurinn tendri olíuna og lokið hellunni varlega. Ef hvasst er og mikill trekkur í reykrörinu getur reynst nauðsynlegt að hafa helluna uppi meðan kveikt er upp.
  8. Leggið helluna niður, og dragið kveikinn til baka þegar góður eldur er kominn í olíuna. Lokið gatinu (6) og stingið kveiknum í haldarann (8).
  9. Stillið hita með krana 3. Slökkvið með því að skrúfa fyrir (snúa réttsælis ) krana 2 og 3 og toga upp takka 4.
  10. Ef erfitt reynist að hita upp reykrörið og ná þar með upp trekk í ofninum getur reynst nauðsynlegt að halda niðri takka 4 í 1-2 mínútur og lyfta samtímis upp hnappi 5.
  11. Athugið að ef hvasst er úti þá getur slegið niður í ofninn ef gluggi sem vísar undan veðri er opnaður.  Við sömu aðstæður getur dáið í ofni ef rennslið (3) er mjög lítið.