2808714359

Forum Replies Created

Viewing 25 posts - 1 through 25 (of 39 total)
  • Author
    Posts
  • in reply to: Hraundrangi -uppáferðasaga #57882
    2808714359
    Member

    einhverntímann í janúar 2010 skröltum við félagarnir þarna upp. Jón Heiðar Rúnarsson og Friðfinnur Gísli Skúlason

    in reply to: Þríhnjúkagígur enn í fréttum #57814
    2808714359
    Member

    Er það ekki bara þannig að landeigandi getur krafist gjalds og samið um notkun á sínu landi til nytja? Skiftir þá litlu máli hver landeigandinn er eða hvaða nytjar um er að ræða. Hvort sem menn ætla að leiðsegja göngutúrista, fljúga með skíðatúrista, slaka túristum ofan í helli, veiða fisk eða skjóta gæs.

    Það er ferðafrelsi um landið sem við þurfum að standa vörð um en það er ekki það sama og að það sé algerlega opið hverjum sem er að stunda atvinnurekstur á svæðum án samráðs við landeiganda.

    kv
    Jón H

    in reply to: Professionals at work #57395
    2808714359
    Member

    Ég held að niðurstaðan sé nokkurnveginn svona:

    Skammist ykkar strákar og lærið af því.

    En alls ekki hætta, bara hugsa aðeins meira áður en þið framkvæmið. Flest allir töffararnir hér hafa gert jafn miklar vitleysur og sumir meiri (ég er að rétta upp hönd til merkis um að ég er einn af þeim).

    Ef þið eruð ekki vissir um hvað þið gerðuð vitlaust skuluð þið finna einhvern reyndari sem getur útskýrt málið svo þið gerið þetta ekki aftur.

    Eins og ég man myndbandið þá eru þrú áberandi mistök:
    það á ekki að hlaupa á broddum
    það á alls alls alls ekki að stökkva á broddum
    ein ísskrúfa í tryggingu á svona stunti

    have fun

    kv
    Jón H

    in reply to: Munur á dyneema sling og Nylon #57394
    2808714359
    Member
    in reply to: Tryggingamál #57393
    2808714359
    Member

    Passið ykkur allaveg mjög vel þegar þið gangið frá tryggingunum ykkar. Lesið skilmálana en treystið ekki bara “tryggingaráðgjöfunum” sem þið talið við.

    Eftir einhverja tryggingaumræðuna hér á Ísalp fyrir nokkrum árum fór ég í gegnum tryggingaskilmálana mína hjá TM og komst að því að ég var ekki tryggður í fjallabröltinu. Ég ræddi við þjónustufulltrúann minn hjá TM og gekk frá þessu máli.
    Nokkrum árum síðar skifti ég um tryggingafélag og fór yfir til VÍS og ræddi þetta sérstaklega við ráðgjafann sem var að selja mér trygginguna. Hann fullyrti að í þeirri tryggingu sem ég væri að kaupa væri ég tryggður í fjallamennsku og klifri. Því miður treysti ég ráðgjafanum og las ekki sjálfur skilmálana.
    Rúmu ári eftir að ég keypti þessa tryggingu hringdi í mig annar starfsmaður VÍS til að kanna hvort ég væri ánægður með þjónustu VÍS (auðvitað, ég fæ reikninga í haimabankann og borga, frábær þjónusta). Við lok samtalsins spurði hann mig að því hvort ég hefði einhverjar spurningar sem mig vantaði svar við. Það hefur eitthvað verið að naga mig því ég spurði hvort ég væri ekki örugglega tryggður í fjallamennsku og klifri og fékk þá svarið að svo væri ekki.
    Ég fór auðvitað og ræddi aftur við þann sem seldi mér trygginguna og fékk þá staðfestingu á því að ég væri ekki tryggður. Auðvitað mundi sölumaðurinn ekki eftir okkar samtali meira en ári fyrr en ég mundi þennan hluta mjög vel þar sem ég ræði bara við tryggigafélag einu sinni á tveggja ára fresti og lagði í þetta skiftið sérstaklega áherslu á þetta mál.

    Til að fá tryggingu í fjallabrölti og klifri þarf ég að borga 40.000 kall aukalega. Ef þetta hefði verið í upphaflegu tryggingunni hjá VÍS hefði ég ekki flutt viðskiptin frá TM þar sem munurinn var minni en það. Það sem er verra er að ég er búinn að vera trygginalaus í eitt og hálft ár án þess að vita það.

    Munið að lesa tryggingaskilmálana þó þeir séu drepleiðinlegir eða takið upp samtalið við sölumanninn.

    kv
    Jón H

    in reply to: Aðstæður í hlíðarfjalli #56185
    2808714359
    Member

    Sælir félagar og afsakið að ég skuli ekki vera búinn að setja eitthvað að viti inn hér fyrr.
    Ég er staddur á Reyðarfirði á WFR námskeiði og gat því ekkert skoðað í dag.

    Miðað við veðurfar var ég nokkuð stressaður yfir snjóflóðaaðstæðum í Hlíðarfjalli fyrir nokkrum dögum síðan. Því miður hefur skyggni verið afleitt flesta daga og hef ég því ekki farið mikið út fyrir brautirnar. Að fenginni reynslu hef ég komist að því að það sé gott að sjá aðeins upp fyrir sig þegar maður er að þvæla þetta út í púðrið.
    Ég náði samt að taka nokkrar gryfjur og komst að því að snjórinn er stöðugri en ég bjóst við. Ég athugaði í suðurhlíðum norðan við Strýtuna. Ég er þó alls ekki að segja að snjóalög séu örugg, bara ekki eins slæm og ég bjóst við.
    Ein gryfjan sem ég man eftir var meter á dýpt, niður á fast. Neðst var 50cm púður, svo kom 15cm sykurlag með harðri skel ofan á og efst var pakkaður fleki.

    Hmmmm uppskrift að hamförum er það ekki?

    En ég mokaði og skar út prófíl, lagði skófluna ofan á og lamdi svo ofan á hana. Pakkaði flekinn var það sem fór af stað en ekki fyrr en ég lamdi fast ofan við öxl.

    Ég mundi skíða þarna en ekki einn og alls ekki án ýlis og ekki í bröttustu brekkunum.

    kv
    Jón H

    in reply to: Aðstæður í hlíðarfjalli #56153
    2808714359
    Member

    Ég vill bara benda á að það var enn meira púður í dag enn í gær og betra veður í Hlíðarfjalli.

    Ég skal kíkja út um gluggann minn og athuga hvernig lítur út fyrir morgundaginn. Úppssss ég sé ekki út það er snjóskafl fyrir glugganum en það snjóaði áðan svo ég geri ráð fyrir enn einum púðurdeginum á morgun.

    kv
    Jón H

    in reply to: Aðstæður í hlíðarfjalli #56127
    2808714359
    Member

    púður púður púður púður púður púúúúúúúúððððuuurrrrr

    in reply to: Nýir gönguskór? #56125
    2808714359
    Member

    Blessaður kallinn, gönguskór eru eilífðar spurning, það er svo misjafnt hvað hentar mönnum. Scarpa skórnir sem flestir eru með eru frábærir skór og á ég 2pör af svoleiðis skóm. Málið er að það eru skórnir sem fást allstaðar og mjög margir hafa ekki prófa neitt annað.

    Ég á núna þessi 2 pör af Scarpa Ladak, eitt par af frekar stífum Meindl Matterhorn og svo mjög stífa LaSportiva Spantic. Ég er með breiða fætur og þurfti að ganga Scarpa skóna mikið til en mun minna bæði með Meindl og La Sportiva skóna.
    Ég nota La Sportiva skóna ís og alpaklifur en keypti Meindl skóna fyrir sumarferðir á jökla en hef svo farið í að nota þá í allt sumarstúss í staðinn fyrir Scarpa skóna þar sem mér finnast þeir þægilegri.

    Mátaðu sem flesta skó og kauptu það sem passar þér best, Scarpa, La Sportiva, Meindl eða eitthvað annað.

    kv
    Jón H

    in reply to: hættan af statiskum akkerum #55718
    2808714359
    Member

    Hilmar það er eitt sem þér yfirsést. 11mm Dynema slingur með overhand hnút var að slitna við rúm 10kn. en ekki 22kn. sem slingurinn er gefinn upp fyrir. Hnútur á Dynema sling veikir hann mjög mikið.

    Ég geri ekki ráð fyrir að klifrari sem dettur í trygginguna skili sama krafti og lóð eins og Kalli bendir á en þetta eru hlutir sem menn verða að hugsa um. Ég hef séð (og gert sjálfur) menn binda sig í trygingu með slingum eða prússikböndum til að kíkja fram af brún og þar hefur slaki verið vel yfir meter en einungis þurfti 60cm til að slíta dynex slinginn með hnútnum í þessu myndbandi.

    kv.
    Jón H.

    in reply to: Fyrsta ísklifur vetrarins #55709
    2808714359
    Member

    Ég og Finni skelltum okkur í huggulegt alpaklifur á miðvikudaginn síðasta. Bröltum upp norðurhliðina á Kerlingu. Völdum rennu sem skilaði okkur frá hryggnum og endaði rétt vestan við vörðuna.

    Klifrið byrjaði einhversstaðar í 1367m. og endaði í 1540m. hæð og þurftum við að byrja á að klifra ofan í sprunguna sem er á milli Lambárjökulsins og Kerlingarinnar til að koamast að fjallinu.

    Fyrsta spönnin var nokkuð hressandi, að klifra yfir sprunguna og upp klettinn hinumeginn. Svo tók við hliðrun í rennuna sem við ætluðum upp og smá snjó/ís blanda. Í þessarri spönn notuðum við flestar tegundir af tryggingatólum, vin, hnetur, slinga, fleiga og ísskrúfu. Næstu tvær-þrjár spannir fríklifruðum við þar sem hallinn var minni og töluvert af snjó.

    Það er helvíti löng aðkoma að þessarri klifurleið og get ég ekki sagt að ég muni leggja oft leið mína þarna upp til að klifra. En þar sem kvikindið blasir við úr stofuglugganum heima urðum við bara að skella okkur. n.jpg

    in reply to: GPS græjur #55625
    2808714359
    Member

    ég var að skoða svona græju um daginn og held að 62s sé betri kaup. Þessi er ekki útbúin fyrir auka minniskort og það er ekki hæðarmælir í henni sem þú færð í 62s.
    Svo er gott að skoða á Ebay þar sem þú finnur þetta á uþb hálfvirði miðað við hérna heima.

    in reply to: Svarti turninn í Búahömrum #55561
    2808714359
    Member

    Ég og Finni létum okkur hafa það að klifra þann Svarta í gær og skemmtum okkur konunglega. Helvíti gaman að komast loks í boltað fjölspanna klettaklifur.

    Miðað við þær 5.7 og 5.8 leiðir sem ég hef klifrað í Munkanum finst mér þetta full hátt gráðað en á hinn bóginn er þetta lágt gráðað miðað við það sem ég var að klifra á Ítalíu fyrir nokkrum dögum.

    Annars vill ég bara vara menn við að þó þetta sé boltuð og hreinsuð leið er töluvert af lausu grjóti þarna. Ég fann á nokkrum stöðum álitleg grip og fótsstig sem við nánari athugun reyndust laus og einu sinni molnaði grip í höndunum á mér.

    Í það heila stórskemtilegt klifur.

    kv
    Jón “norðan” Heiðar

    in reply to: Ný leið í Munkaþverárgili #55476
    2808714359
    Member

    Ég er sammála Ágústi, enda vorum við þarna saman. Þessi leið er frekar auðveld alveg fram yfir næst síðasta bolta, þá kom eitthvað skrítið sem ég er ekki búinn að átta mig á ennþá.

    Upp að næst síðasta bolta er þetta auðveldari leið en Stóru mistökin og Stuð fyrir stutta.

    kv
    Jon H

    in reply to: vantar uppl. um klifur á N Ítalíu eða nágrenni #55379
    2808714359
    Member

    Takk Sigurður,
    ég var búinn að finna helling af svæðum á þassarri síðu 8a en var að vonast eftir að heyra frá einhverjum sem þekkti einhver svæði. Netið er fínt en alltaf enn betra að fá líka reynslulögur.

    kv
    Jón H

    in reply to: Gott í kreppu #55205
    2808714359
    Member

    Jú jú ég var búinn að rekast á þessa og hef verið að melta það hvort maður eigi að láta vaða á þessi kostaboð.

    Ákveðin atriði hjá þessu fyrirtæki vekja strax traust hjá mér:

    T.d. góð enskukunnátta “Where from you hear about our web site?”
    Alþjóðlega viðurkend vottun “This gear has been tested at Ukrainian National Scientific-Certification centre “STANDART” in the capital of Ukraine”

    Hvað meira þarf maður til að vekja traust á búnaðnum?

    kv
    Jón H

    in reply to: Ísklifur um helgina í stað festivals #55204
    2808714359
    Member

    ahhhh sá þennann póst of seint.
    Ég reyndi við Hlíðarfjall í dag en því miður var það hertekið eina ferðina enn af sunnlendingum. Mér finst ekki gaman í fjallinu þegar maður þarf að leggja niður í bæ og röðin í stólalyftuna nær til Dalvíkur.
    Ég og Finni tókum því létt ísklifur í Munkanum. Þar eru nokkrar stuttar leiðir og klifruðum við leiðina rétt fyrir ofan brúnna. Sem betur fer höfðum við vit á að prófa hana í ofanvað því hrundum niður úr mjög svo tæpu kertinu nokkrum sinnum. Ég mæli með að þessi leið verði skírð Cliffhanger ef ekki er komið nafn á hana.
    Í einu dettinu missti Finni fæturna og vinstri hendina og hékk út af kertinu í lausu lofti bara á hægri hendi. Honum tókst þó að hífa sig upp og ná taki á hinni öxinni sem var enn föst í ísnum. Þetta minnti mjög á eitt atriði í hinni stórkostlegu mynd Cliffhanger.

    Annars er með mig eins og Magga, verð trúlega á norðurfési Kerlingar á sunnudag.

    kv
    Jón H

    in reply to: Hraundranga video #55144
    2808714359
    Member

    Ég hef nú sjaldan heyrt annað eins og að kalla þessar guðaveigar gruggugt sull. Ég hef nú bara aldrey smakkað annan eins eðaldrykk og þennann sem ég fann upp á Hraundranga í gær.

    Kannski spilaði það eitthvað inní að ég var búinn að hafa fyrir því að dröslast þarna upp og fannst ég sko hafa fyllilega unnið fyrir sopanum.

    kv
    Jón H

    in reply to: Aðstæður #55104
    2808714359
    Member

    Smellti mér í Skíðadalinn í dag og dró Oliver upp úr rúmminu eftir Þorrablót sem stóð fram á morgun. Eftir egg og beikon röltum við út og upp í fjall. Það er náttúrulega frábært að búa á Másstöðum í Skíðadal, ísleiðir beint fyrir ofan bæinn.

    Fínar aðstæður í Skíðadalnum, fullt af færum leiðum.

    kv
    Jón H

    in reply to: Myndir úr Kinninni #55013
    2808714359
    Member

    ahhh ég, Maggi og Finni vorum að koma úr Kinninni. Við komumst ekki í rennurnar eins og við ætluðum vegna snjóa (nenntum ekki að labba langt). Þannig að við klifruðum bara einhverja stutta leið skammt frá Björgum, helvíti gaman.

    Það er fullt af ís þarna og Stekkjastaur er niðurvaxinn.

    kv
    Jón H

    in reply to: klifur í dag #55009
    2808714359
    Member

    Ég stend með Magnúsi varðandi 4.gr. á kvikindið. Við sáum mikið rennandi vatn undir ísnum í miðjunni og þurftum að halda okkur til hægri í klifrinu. Sérstaklega þegar við komum ofarlega í fossinn þá þurftum við að troðast út í smá kverk á milli kletta og foss til að sleppa við að opna vatnsbunu út. Annars var bara einn 3-4m. kafli sem var mjög erfiður, alveg við að vera yfirhangandi. Annars var þetta þétt klifur fyrir menn með okkar getu.

    Sigurður þarna kemur berlega í ljós getumunur í klifri. Við sáum ekki Sægreifann en bara við að horfa á myndir af honum fer ég að flissa kjánalega og langar undir sæng.

    kv
    Jón H

    in reply to: klifur í dag #55004
    2808714359
    Member

    Já sæll, hverskonar, hverskonar er þetta eiginlega.

    “Á leiðinni úteftir um morgunninn sáum við bara stóra fossinn (sem Maggi Smári og Jón Heiðar fóru svo síðar) en fannst hann ekki nógu spennandi”

    Ég sem var rétt að ná egóinu upp aftur eftir Þverbrekkuhjúksævintýrið mikla. Stóri fossinn er erfiðasta klifur sem ég hef farið í og svo finnst mönnum það ekki nógu spennandi. Jahérnahérna ó mig aumann osfr. he he he he

    kv
    Jón H

    in reply to: Nýjar leiðir 2009-2010 #55000
    2808714359
    Member

    hér er mynd af kvikindinu sem ég og Maggi klifruðum í dag. Þetta er án vafa erfiðasta klifur sem ég hef klifrað og mjög skemmtilegt.

    Okkur langar auðvitað að vita hvort einhver annar hafi verið búinn að klifra þetta áður eða hvort við eigum heiðurinn.

    kv.
    Jón H

    olafsfjardarmuli.jpg

    in reply to: Ísklifurvettlingar. #54973
    2808714359
    Member

    Ég hef keypt Tegera vinnuvetlinga í næstu hurð norðan við vinnuna þína Maggi. Sandblástur og Málmhúðun hafa verið að selja þá og yfirleitt eru þeir með ódýrustu vetlingana hér í bæ.

    kv
    Jón H

    in reply to: klifur í dag #54945
    2808714359
    Member

    við hér fyrir norðan, Maggi Smári, Friðfinnur og ég, höfum verið að leita að ís undanfarið. Í fyrradag kíktum við í Kjarnaskóg en leiðin þar er algerlega íslaus, þannig að við brenndum hinum meginn í fjörðinn og athuguðum með “ís með dýfu”. Þar frussaðist fossinn út úr ísnum og fyrir neðan var engin fjara. Við fundum aftur á móti 10-15m íslínu rétt við hliðina sem við lékum okkur í.
    Í dag fórum við svo í Einhamar í Hörgárdal. Þar er ekki eins mikill ís og á þessum tíma í fyrra en nóg samt til að klifra. Tókum eina 40m, 4gr. leið í yndizzzlegu veðri.

    Fullt af fínum leiðum í Einhamri. Ennþá er hellingur af snjó en frekar lítill ís í kringum Akureyri.

    kv
    Jón H

Viewing 25 posts - 1 through 25 (of 39 total)