Jón Haukur

Forum Replies Created

Viewing 24 posts - 51 through 74 (of 74 total)
  • Author
    Posts
  • in reply to: Valshamar og Bensínbor #48028
    Jón Haukur
    Participant

    Gekk frá toppakkeri fyrir nýju leiðina í gærkvöldi og bætti við einum bolta í Eilíf. Það voru nokkrir sem prófuðu leiðina og gráðan er ca 5.7 – 5.8.

    Varðandi umræðuna um borvélar, þá er stærsti gallinn við batterísvélar að viðhalda lífinu í batteríinu, það kemur svo yfirleitt á daginn að batteríin eru dýrari en vélarnar þegar á svo að endurnýja. Bensínvél er sennilegar öruggari í rekstri fyrir félagasamtök þar sem að margir ganga um vélarnar.

    jh

    ps. Athugasemd til Helga varðandi kostnað á blaðinu, þá er prentunin mjög sambærilegu verði og þegar það var svart hvítt, auk þess sem 2 ára budget ætti að duga fyrir því sem auglýsingarnar dekka ekki, þannig að ekki kenna blaðinu um slappa fjárhagsstöðu.

    in reply to: Valshamar og Bensínbor #48026
    Jón Haukur
    Participant

    Fer væntanlega á eftir og skelli upp akkerinu ef sá gamli græni drífur yfir Esjuna…

    jh

    in reply to: Leiðarvisir af Munkaþvera #48014
    Jón Haukur
    Participant

    Er langt á undan ykkur, er með mynd af pöstinni í sarpi mínum… En það væri mjög gott að fá svæði fyrir svona vinnu á netinu, þannig að hægt sé að birta það sem verið er að vinna í, þá eru allar leiðréttingar og viðbætur auðveldari í aðgengi.

    jh

    in reply to: Leiðarvisir af Munkaþvera #48011
    Jón Haukur
    Participant

    Jamm þetta er nú reyndar ennþá á vinnuformi, en engu að síður skárra en ekki neitt. Náði hins vegar ekki að setja myndina inn á síðuna í almennilegri upplausn, en eins og ég sagði í pistlinum þá er ekkert mál að senda myndina á þá sem hafa áhuga. Hugmyndin var að prófa þetta form fyrir leiðarvísi. Einn galli sem ég er búinn að sjá nú þegar er að menn þurfa að hafa myndina í góðri upplausn og vera með sæmilega góða prentara til að þetta skili sér. Stefnan er síðan að birta þetta í ársritinu með tíð og tíma.

    jh

    in reply to: Eilífsdalur – Hver er leiðin? #47972
    Jón Haukur
    Participant

    Guðmundur Helgi klifraði eitthvað af þessum lænum, það eru alla vega tvær mögulegar leiðir þarna ef ég man rétt, gott ef að kallinn einfór þetta ekki á sínum tíma, annars er nú minnið farið að verða ryðgað, best að spyrja hann sjálfan.

    jh

    in reply to: Hnefi og Pöstin #47951
    Jón Haukur
    Participant

    Annað kennileyti sem hægt að miða við er Hvammsmúli, en þess má geta að jarð og landfræðinemar hafa um nokkura áratuga skeiða skoðað þetta grjót undir nafninu Ankaramítið úr Hvammsmúla. Annars þurfa menn eiginlega að vera staurblindir til að sjá þetta ekki frá veginum.

    jh

    in reply to: Einfara “Solo Climbing” #47941
    Jón Haukur
    Participant

    Sælir drengir

    Sólóklifur í Skessuhorni er reyndar ekki alveg nýtt af nálinni því Óskar Þorbergsson prílaði sér þarna upp á gamla stubai rupal parinu sem einu sinni þóttu góðar ísaxir einhvern tíman á níunda áratugnum held meir að segja að það hafi verið ein af fyrri ferðunum í veggnum.

    Hvað þennan klifurstíl varðar, er mér svo sem slétt sama hvað aðra varðar, öryggi og hraði eru vissulega góðir punktar þar sem það á við, þannig að skessuhornið, sem er reyndar frekar örugg leið og þarfnast ekki neins últra hraða, hlýtur því að vera æfingavöllur í sólóalpínisma af stærri karakter. Einhvers staðar verða menn jú að æfa sig og það er gott og blessað ef menn hafa getu í það eins og h-core og fleiri. Sem meðlimur í framsóknarfélaginu Landsbjörgu þá yrði ég samt frekar óhress með að tína upp einhverja græningja sem fengju hugsanlega þá flugu í hausinn að þetta væri hinn eini sanni klifurstíll.

    Það er ekki langt síðan að það voru tvö útköll “bara” Grafarfossinn á einum og sama vetrinum. Þeir sem eru að byrja í bransanum sjá oft á tíðum ekki hvað er létt og hvað er ekki létt.

    En fyrst að Palli er búinn að opna á sögustundirnar, þá langar mig að spyrja um gamla þjóðsögu sem rifjaðist upp af þessu tilefni. Sagan var af úngum dreng í Grafarfossinum sem átti að hafa sleppt öxunum og látið sig vaða niður út af útpumpun, ef ég man rétt var hjólarinn líka á hinum endanum í þeirri sögu. Er þetta eitthvað helbert bull eða er þetta sama sagan á vitlausum stað?

    in reply to: Ársritið #47925
    Jón Haukur
    Participant

    Einhvern tíman á fyrri hluta tíunda áratugarins þegar ég vann fyrir mér sem siðapostuli á vegum framsóknarfélagsins landsbjargar þá var öllum björgunarsveitum sem ég heimsótti troðið í klúbbinn. Það var ánægjulegt að sjá á listanum í gær að margar af þessum sveitum eru ennþá áskrifendur. Reyndar vantaði björgunarsveitina á ólafsfirði og hef ég böbba grunaðan um að hafa skráð sveitina úr klúbbnum til að eiga fyrir flottara glíngri. Þrátt fyrir það er þetta takmarkaður fjöldi af björgunarsveitum sem kaupir blaðið og mætti gjarnan gera markaðsátak gagnvart þeim eins og bassi bendir réttilega á. Eins er mikilvægt að aðilar innan klúbbsins reki áróður gagnvart félögum sínum í björgunarsveitunum fyrir nauðsyn klúbbsins….

    að eilífu ekki amen

    in reply to: Ársritið #47920
    Jón Haukur
    Participant

    Ársritið var sett í póst núna kl 1400 og lofuðu dömurnar á pósthúsinu því að blaðið kæmi til viðtakenda á morgun, nema ef vera kynni til Grímseyjar.

    Það fóru hins vegar aðeins um 120 eintök út í þessari lotu. Það er frekar slappt þar sem að mikil meirihluti þeirra voru til styrktaraðila, það er að segja til áhugamanna um fjallamennsku sem starfa lítið sem ekkert innan klúbbsins en vilja gjarnan styðja starfsemina, sem er mjög gott mál. Annað er að það vantaði á listann ansi mörg nöfn sem láta iðulega sjá sig á mannamótum tengdum klúbbnum og tjá sig oft og iðulega hér á vefnum. Mín skoðun er að þetta er prinsipp mál fyrir alla fjallmenn sem taka sportið alvarlega að vera aðilar að samtökum eins og ísalp og borga árgjaldið…..

    gleðilega páska

    jh

    in reply to: Hefur einhver farið til Kyrgyzstan? #47917
    Jón Haukur
    Participant

    Bó og Einar Stef betur þekktir sem everestfarar voru á þessum slóðum upp úr 1990 og klifruðu nokkra tinda í Pamir. Alla vega á Einar Kyrgisískan þjóðarhatt sem hann gekk með í fjölda ára þannig að hann hlýtur að vera nátengdur þjóðarsál þeirra. Siggi sig og Pétur aðal sem eru báðir starfsmenn hjá slysavarnarfélaginu fóru líka á þessar slóðir ca 96-97 og reyndu við mramornaya stena eða eitthvað álíka íllskiljanlegt nafn Þú gætir tékkað á þeim líka.

    jh

    in reply to: Aðstæður fyrir norðan #47897
    Jón Haukur
    Participant

    En hvernig eru snjólög norðan við Akureyri s.s. í Fjörðum, Flateyjardal og svo Norðanverðum Tröllaskaga, er eitthvað að hafa eða þarf maður að plampa með skíðin á bakinu.

    jh

    in reply to: Íslensk hæðarmet???Hjá konum #47876
    Jón Haukur
    Participant

    Anna Lára Friðriksdóttir á líklega metið frá Huscarán í Perú 198og eitthvaðseint (ca 1986) en fjallið er 6768 og er hæsta fjallið í Perú, ef ég man rétt, Óli raggi og rúnar ferðafrömuður muna nákvæma hæð kannski betur.

    Það næsta sem kemst því eru Katrín Odds og Anna Stína á Island Peak sem er eitthvað rúmlega 6000, skv. sunnlenska fréttablaðinu ku Anna nokkur Svavarsdóttir hafa þrammað sér þar upp líka, ásamt því að gera tilraun að Pumori…. stendur til að bæta metið?

    F.h. sagnfræðideildar ísalp

    jh

    in reply to: forsíðumyndirnar næstu daga… #47867
    Jón Haukur
    Participant

    heill og sæll meistari góður.

    Hafir þú hug á því að skríða blað- og vefsíður á frýgjarnan hátt. Þá vil ég benda þér á að skríðast litklæðum frekar en þessum muskulegum jarðlitum sem gera sig bara engann veginn á mynd. Þetta er alveg óþolandi jarðlitatíska sem er að gera út af við góðar fjallamyndir um þessar mundir. Nú legg ég til og mæli með að rúnki og aðrir frýgjarnir sem hafa hug á að láta mynda sig, hætti að kaupa drappaðar, mosagráar og svartar peysur sem eru mikið móðins um þessar mundir, ellegar verðum við að skipta yfir í svart hvítt sem væri mjög sorglegt í ljósi þess að von bráðar kemur út nýtt og spriklandi ísalp sem er allt í lit.

    jh

    in reply to: Banff #47825
    Jón Haukur
    Participant

    Jamm þetta var æði misjafnt prógram. Það má eiginlega segja að hjólamyndin, kajakmyndin, seinni mix myndin og raunar líka bólder myndin hafi verið allt of langar og mikið um endurtekningar. Mér er eiginlega slétt sama um að sjá Jóa eða Sigga hjóla, bara ekki sömu leiðina grilljón sinnum. Því mætti ráðleggja þeim sem velja myndirnar að taka heldur styttri myndir en lengri. Reyndar fannst mér Denali myndin góð, en hún hefði ef til vill betur átt heima í RÚV kassanum á góðu sunnudagskvöldi.

    Ísfestival 2000 var brilljant og tónlistin var sérlega vel valin.

    Hins vegar mátti varla á milli sjá hvor var í meiri markaðsetningar og kosningahug í ræðumennskunni þeir Jölli eða Stulli, bíð því spenntur eftir sérframboði Klængshólinga.

    En það var mesta furða hvað skrykkildið náði að halda aftur af sér í kynningunum á myndunum fyrra kvöldið, það komu óvenju fáar sögur af fræknum afrekum norðan heiða fyrir margt löngu, hef því nokkrar áhyggjur af því að manninum sé farið að förlast í seinni tíð og það sem verra er, sögubandormurinn virðist hafa á einhvern undarlegan hátt hafa náð að smygla sér úr skrykkildinu yfir í Jölla…

    jh

    in reply to: Flokkapólítík – kemur hún okkur við? #47781
    Jón Haukur
    Participant

    Er þessi hástemmdi pistill frá framsóknarráðherranum hluti af þessu sjónarspili eða fann hún það upp hjá sjálfri sér að mæra fjallamenn sérstaklega svona rétt fyrir kosningar.

    Pistillinn minnir reyndar um margt á bréf eitt sem annar þingmaður sama flokks sendi á Ísalpfélaga fyrir kosningar fyrir nokkrum árum með álíka hástemmdum hugmyndum um fyrirgreiðslu sportsins.

    Einhvern veginn finnst mér vefstjórinn vera að vomast yfir beinum styrkjum frá ríkisvaldinu til að halda kompaníinu gangandi. Það væri forvitnilegt að sjá meintann spurningalista.

    Annars finnst mér hugmyndin um ríkisstyrkta fjallamennsku frekar óaðlaðandi. Persónulega finnst mér að fjallamennska sé grasrótarsport þar sem að framtak einstaklingsins á að vera í öndvegi. Hins vegar eru ýmis hagsmunamál sem eru okkur nátengd sem eru á valdi stjórnvalda, eins og til dæmis aðgengi að hálendinu.

    Nú ef hið opinbera er til í að byggja 20 m háan leiðsluvegg hér í bænum, þá skal mæta á stundinni og jafnvel kjósa framsókn að launum…

    enn á ný Ragnar Reykás

    in reply to: Hálendisgangan kl: 17.00 #47777
    Jón Haukur
    Participant

    Athyglisvert að fá sjónarmið Austfirðinga inn í umræðuna, það sem er jafnvel enn athyglisverðara fyrir Kalla ferðabónda og fleiri glóbal þenkjandi Lendinga er þessi gistináttaskattur sem hinn armurinn á reddingaflokki austursins er að fara að setja á til þess að bæta aðstöðu á ferðamannastöðum. Á meðan fær álverið hvers kyns ívilnanir í formi niðurfellinga á fasteignasköttum og öðrum eðlilegum gjöldum. (Kannski verður borgaður gistináttaskattur af kampinum upp frá og Reyðarfirði?). Sama á reyndar við um virkjunina því ákaflega fátæklegir skattar eru borgaðir af þeim rekstri sem er jú ein forsenda fyrir meintum arðsemisreikningum. Það væri fróðlegt ef ferðaþjónustubóndinn kæmi nú með nokkrar staðtölur um VIRÐISAUKA í ferðaþjónustu miðað við þundaiðnað á landinu. Því það er jú það sem verður eftir í buddunni sem er heila málið, allt annað er bara volgra í skónum sem síðan kólnar.

    Það er gott og blessað að virkja og það á að halda því áfram, en þá skulum við vera vissir um að við berum eitthvað úr býtum annað en tímabunda þenslu og ofurvexti meðan á því stendur. Þannig á eðlilegur kapítalismi að virka, allt annað er fyrirgreisla og forsjárhyggja sem hefur sýnt sig að skila takmörkuðum árangri.

    kveðja úr Reykvískri rigningu Ragnar Reykás…

    in reply to: Ársritið – on the cover of the Rolling Stone #47758
    Jón Haukur
    Participant

    Íbbi harðkorna var líklegast sá eini sem sá í gegnum plottið. Það er greinilega ennþá lífsmark á þessum vef, en ekki bara hátíðlegar yfirlýsingar stjórnanda klúbbsins og annað taut yfir heldur aumingjalegar aðstæður fyrir sportið um þessar mundir sökum gróðurhúsaáhrifa.

    Það var hins vegar eins og vænta mátti margir sem höfðu skoðun en enginn hefur skilað mynd ennþá. Þannig að við tökum líklegast björgunarjólasveininn og setjum ísalp merki á derhúfuna hans og klakadrjóla í skeggið og þá er þetta barasta í höfn.

    að eilífu ekki amen

    jh

    e.s. hitti Olla í Bláfjöllum áðan í öngum sínum yfir því að enginn skildi hafa nennt að þramma Eilífsdalinn með honum, hvar er nú æska þessa lands.

    in reply to: Ársritið – on the cover of the Rolling Stone #47756
    Jón Haukur
    Participant

    En hvað með einhvern frýgjarnan portrett eins og var framan á Björgun fyrir jólin? Það væri nú í anda Rock&Ice og fleiri blaða?

    jh

    in reply to: Ísklifur um helgina!!!!!!!! #47745
    Jón Haukur
    Participant

    Þá er nú laugardagurinn líklegast betri miðað við veðurspánna. Miðað við fannfergið í nótt og það að meira á eftir að snjóa í dag er von á töluverðri snjóflóðahættu ofarlega í Eilífsdalnum, þannig að ekki gleyma ýlunum heima…

    jh

    in reply to: Vatnsfestival Ìsalp #47731
    Jón Haukur
    Participant

    Hvað segja norðanmenn, er öllu búið að rigna niður úr Kinninni, það hlýtur eiginlega að vera fyrst allur snjór er farinn úr Hlíðarfjalli… Málið er kannski bara spa meðferð í einhverjum nálægum krapapolli.

    jh

    in reply to: ísklifur #47679
    Jón Haukur
    Participant

    Olla hefur eitthvað fatast á í taliningunni, það voru 7 stykki á svæðinu í hinu besta samlyndi. Síðasta sunnudag fyrir rúmri viku var enn betri mæting en þá voru um 14 manns í fjallinu. Vertíðin er sum sé að skríða af stað. Reyndar var Ársælstrukkurinn inn í Botni á sunnudaginn, en við vorum ekki nógu forvitnir til að skoða trukkavinina.

    jh

    in reply to: Skíðafæri með miklum ágætum!!! #47664
    Jón Haukur
    Participant

    Áttu þá við að reykvíkingar geti aðeins skíðað á neðra svæðinu?

    Annars segir veðurspáin frost og snjókoma frá þriðjudegi fram að helgi fyrir norðan, þannig að það stefnir í púðurhátíð um helgina, ef starfsmenn skíðasvæðisins nenna að þjappa fyrsta snjóinn þannig að skíðin fari ekki í döðlu í fyrstu ferð…

    in reply to: Um siðfræði hér á vefnum #47648
    Jón Haukur
    Participant

    Svona rétt til að halda fjallmennskunni inn í þráðnum og varna þannig því að pólitískir rétttrúnaðarsinnar felli út þennann þráð þá munu víst vera girnileg og lítið könnuð fjallasvæði í Írak sem að Búss er rétt að fara að sprengja í tætlur fyrir hagsmuni bandarískra olíuframleiðanda. Það hefur ekki verið reynslan hingað til að olíulepps-stjórnir séu nokkuð betri eða lýðræðissinnaðri heldur en þeir vitringar eða vitfirringar sem eru fyrir við stjórnvölinn.

    Fyrst við erum orðnir svona fjallpólitískir hér á vefnum, má þá kannski spyrja hvernig vefurunum lýst á nýjustu tíðindi í borgarmálum. Hefur ekki borgin eitthvað að gera með hagsmuni okkar í málefnum Klifurhússins og Gufunessbæjar?

    að eilífu

    jh

    in reply to: Um siðfræði hér á vefnum #47643
    Jón Haukur
    Participant

    Sælt veri fólkið

    Það er nú orðið andi illt í efni þegar að samtök eins og ísalp sem ættu undir venjulegum aðstæðum að endurspegla grasrótina og þéttan kjarna hóp jaðarsportara er farinn að standa fyrir meiri ritskoðun heldur en Framsóknarfélagið => Slysavarnafélagið Landsbjörg, sem virðist hafa meira umburðarlyndi fyrir skoðunum manna og málefnum heldur en hér er gert. Við skulum ekki halda það eitt andartak að vefurinn eða aðrir fréttamiðlar þrífist á halelúja fréttum einum saman, jafnvel á jólunum. Það þarf ekki annað en að opna dagblað eða hlusta á fréttir um þessar mundir til að skilja það. Ég hélt að mér veffróðari menn væru vanari því umstangi sem er á vefþráðum sem þessum. Bendi HBorg og öðrum á ritskoðunarskrifstofu Flokksins að kynna sér síðu kayak-klúbbsins og f4x4. Held barasta að þessir menn hafi ekkert slakari ímynd heldur en við þrátt fyrir að ritskoða ekki vefina.

    Auðvitað er það svo annað mál að menn verða að geta haldið í sér í pissukeppninni, en allur níður lýsir yfirleitt bæði þolanda og geranda í senn og heilbrigð skynsemi dæmir það allt saman að lokum.

    jh

    Eitt að lokum og ég vona að það verði ekki klippt hér út. Mér finnst fáránlegt og siðferðislega vafasamt að vera með bandaríska fánann sem tákn fyrir ensku hér á síðunni. Ef enskumælandi fólk sem býr vestan við hafið veit ekki að enski fáninn er tákn fyrir enskan texta þá á það ekkert erindi upp á þetta land og getur haldið áfram í sínum rauðhnakkaleik í sínum utanríkismálum.

    Það er svo stóra spurningin hvort það er siðferðislega rétt að deila á heila þjóð og vefstjórann hér í senn, ætli þetta verði langlíft eða…

Viewing 24 posts - 51 through 74 (of 74 total)