1811843029

Forum Replies Created

Viewing 25 posts - 1 through 25 (of 97 total)
  • Author
    Posts
  • in reply to: Mt. Hekla #58224
    1811843029
    Member

    Check this out, Hekla webcam http://www.ruv.is/hekla

    Doesn´t look like there´s much snow at all:-(

    in reply to: Gufunes turninn er í endurlífgun #58161
    1811843029
    Member

    Hæhæ

    Það er að frétta að framkvæmdinni er því sem næst lokið.

    Þetta er allt saman farið að virka, en við höfum verið að bíða eftir almennilegu frosti til að klára að stilla apparatið áður en við opnum aðstöðuna.

    Erum á tánum og látum vita um leið og allt er klárt!

    Kveðja,

    Atli Páls.

    in reply to: slys í múlafjalli #58066
    1811843029
    Member

    Þakka þér fyrir þetta Sævar. Það er mikilvægt að heyra réttar frásagnir af svona slysum til að það megi læra af þeim.

    Batakveðjur,

    Atli Páls.

    in reply to: slys í múlafjalli #58048
    1811843029
    Member

    Gott kvöld kæru félagar

    Ég hef ekki nákvæmar upplýsingar um hvað gerðist í Múlafjalli í dag en eins og fram kom í fréttum þá virðist vera að klifrarinn hafi losað grjót og fallið við það.

    Sá sem datt er félagi í Ísalp en kannski best að leyfa honum sjálfum að nafngreina sig ef hann vill. Vonandi fáum við að heyra frá honum sjálfum hvað gerðist til að allir geti lært af því og þannig komið í veg fyrir slys í framtíðinni.

    Ég óska klifraranum skjóts og góðs bata!

    Atli Pálsson
    Formaður Ísalp

    in reply to: Í ljósi vinsælda yosemite bowline #58002
    1811843029
    Member

    Ég er kannski bara gamaldags, en mér finnst áttuhnúturinn bara frábær. Hann hefur vissulega þann galla að það getur verið erfitt að losa hann eftir mikið átak, en það er nú ekki svo oft sem það gerist nema í sportklifri. En hann hefur líka marga kosti eins og að það er auðvelt að hnýta hann og greinilegt ef hann er rangt hnýttur, hann losar sig sjaldan sjálfur ef hann er vel þéttur og svo framvegis. Svo kunna líka allir áttuhnút sem mér finnst ákveðið öryggi, ef eitthver hnýtir vitlausan áttuhnút er auðvelt fyrir félagann að spotta það.

    Í mínum huga er áttuhnúturinn svona “if it ain´t broken, don´t fix it”, en umræðan er góð.

    in reply to: Aðgengi að Spora #57956
    1811843029
    Member

    Hæhæ
    Ég átti mjög gott spjall við Steinar á Fremri-Hálsi um Spora og aðgengi að fossinum.

    Í stuttu máli þá hefur hann ekkert á móti því að fólk komi að klifra í Spora svo lengi sem fólk lætur vita af ferðum sínum og sýnir tillitsemi.

    Hann vill að ALLIR sem koma að klifra banki uppá hjá sér og láti vita af ferðum sínum, fái að vita hvar má leggja og og slíkt. Hann lítur ekki á það sem ónæði, svo lengi sem fólk er á kristilegum tímum. Hann nefndi líka að hann hefur fylgst með að þeir sem fara uppeftir skili sér aftur niður sem er auðvitað frábært öryggi fyrir klifrara. Einnig hefur komið fyrir að þeir sem eru að koma í fyrsta skipti rati ekki uppeftir en þá er Steinar boðinn og búinn að leiðbeina rétta leið.

    Þegar farið er að klifra í Spora:

    -Vera á kristilegum tíma.
    -Banka uppá, kynna sig og tala við fólkið á bænum. VERA KURTEIS, við erum gestir!
    -Leggja bílum eingöngu þar sem fólkið á bænum segir að megi leggja.
    -Ganga vel um girðingar og hlið.
    -Reyna að koma aftur niður á kristilegum tíma.
    -Banka aftur uppá við brottför og þakka fyrir sig.

    Þetta er nú ekki flóknara og ætti ekki að vera neinum ofviða.
    Eins og alltaf geta fáir sem haga sér illa skemmt fyrir öllum hinum. Breiðum út boðskapinn og höldum góðu sambandi við landeigendur við Spora!

    F.h stjórnar Isalp,
    Atli Páls.

    in reply to: Aðgengi að Spora #57953
    1811843029
    Member

    Hæhæ

    Ég ætla að setja mig í samband við ábúendur á bænum og ræða málið. Þá vonandi fæ ég að heyra beint frá þeim hvernig þau vilja hafa þetta þannig að allir geti lifað í sátt og samlyndi. í framhaldinu kynnum við það svo hér á vefnum.

    En annars er líka ágætt að minna á að Isalp er sameiginlegur málsvari okkar fjallafólks. Þegar svona mál koma upp er mjög sniðugt að hafa samband við eitthvern í stjórninni og þá getur stjórnin mögulega miðlað málum og komið ábendingnum til félaga klúbbsins. Það er mikið betra heldur en að hver og einn klifrari sé að basla í svona málum uppá eigin spýtur, það getur búið til mikla kergju hjá t.d landeigendum að þurfa að skýra sín mál marg oft og fyrir nýju fólki í hvert sinn.

    Munum að kurteisi og virðing er lykilatriði í umgengni við landeigendur!

    Kveðja,

    Atli Páls.
    Formaður Isalp

    in reply to: Reel rock bíó festival í Húsadal #57888
    1811843029
    Member

    Hæ!

    Ég var að fá tölvupóst frá aðstendendum hátíðarinnar.

    Þessu er frestað um óákveðinn tíma.

    1811843029
    Member

    Banff byrjar í kvöld.

    Miðasalan er í fullum gangi á midi.is og svo er hægt kaupa miða í Bíó Paradís frá kl. 17 í dag.

    Sjáumst í bíó!

    in reply to: BANFF #57753
    1811843029
    Member

    Já og svo erum við nú þegar farin að pæla í Banff á næsta ári…það eru allir velkonmir að vera með í vinnunni kringum það;-)

    in reply to: BANFF #57752
    1811843029
    Member

    Það er leitt að þú sért ósáttur Himmi.

    Þú spyrð hvort það hafi ekkert verið spáð í hvaða dagar yrðu fyrir valinu. Svarið veistu sjálfur, stjórnin ræddi þetta fram og til baka og vó kosti og galla. Það er ýmislegt sem spilar inní, sumt sem ekki einu sinni stjórn Isalp ræður yfir eins og frídagar, afhending efnis frá Kanada, dagskrá bíó paradísar og margt fleira.

    Þú ert áreiðanlega ekki sá eini sem ert að bísnast en það er alveg sama hvaða dagsetning verður fyrir valinu, hún hentar aldrei öllum. Vissulega er frídagur á fimmtudaginn og margir að halda til fjalla, en það eru pottþétt líka margir sem verða í bænum og taka Banff fegins hendi.

    Það er mjög mikil vinna að láta svona viðburð verða að veruleika, það er allt saman unnið í sjálfboðavinnu auðvitað. Einmitt núna sitja nokkrir klúbbfélagar með sveittann skallann að undirbúa hátíðina þannig hún verði sem best og mest.

    Ég er viss um að smá jákvæð hvatning er einmitt það sem þeir þurfa til að klára lokasprettinn.

    Atli Páls.

    Ps. Forsalan gengur mjög vel og stefnir í frábæra mætingu. Tryggið ykkur miða sem ætlið að mæta!

    in reply to: allir á Hnúkinn! #57745
    1811843029
    Member

    Jæja góðir hálsar

    Ég vill bara minna menn á að vera málefnalegir og gæta hófs í skrifum sínum.

    Atli Pálsson
    Formaður Isalp

    in reply to: allir á Hnúkinn! #57738
    1811843029
    Member

    Nei heyrðu Karl, talandi um nöldur. Þó að beisk reynsla þín af gædum í öðrum löndum sé vissulega áhugaverð þá er það nú ekki það sem menn eru að ræða hér. Þetta hágæða nöldur myndi sóma sér mikið betur í sérstökum þræði eða jafnvel sem grein í næsta ársriti, yfirgangur í ölpunum gæti hún heitið.

    Hvaða skoðun sem menn hafa á þeim sem hafa atvinnu af leiðsögn þá hljóta allir að vera sammála um að fólk sem gefur sig út fyrir að leiða óvana um fjöll og jökla verður að hafa til þess mikla reynslu og kunnáttu.

    Mér finnst líkingin við smiðinn skrambi góð og Karl bendir einmitt á það sem ég var að meina, smiður þarf opinbera pappíra enda alvarlegt mál að smíða hús sem hrynja…en af hverju er eðlilegt að hver sem er geti leitt óvana gegn gjaldi á hæsta fjall landsins?

    in reply to: allir á Hnúkinn! #57736
    1811843029
    Member

    Það er best að taka þátt í þessari líflegustu umræðu sem hefur verið hér á spjallinu lengi.

    Ég tek undir með fyrri ræðumönnum að það skal fara varlega í gagnrýna gjörðir og ákvarðanir annarra eftirá, sérstaklega ef maður var ekki sjálfur á staðnum.

    Hinsvegar er alveg ljóst að það er margt misjafnt að gerast í þessum hnjúkaferðum á vorin og margir af þeim sem eru að taka að sér að leiða hópa þarna upp eru alls ekki með þá reynslu og þekkingu sem til þarf. Umræða um þetta er holl og góð.

    Ég verð nú líka að segja að mín skoðun er sú það er ekki gáfulegt að skilja eftir bakpokann sinn þegar maður er staddur á hæsta jökli landsins! Ég veit ekki hversu oft ég hef útskýrt þetta fyrir mínum kúnnum, að við skiljum ekki pokana eftir því veður getur breyst og ef eitthvað kemur uppá er gott að hafa búnaðinn sinn með sér, til þess er hann jú. Þetta vita allir reyndir leiðsögumenn.

    En þar sem við búum við þann raunveruleika að hver sem er getur kallað sig sérfræðing í fjalla ferðum þá er ljóst að misreynt fólk tekur að sér að leiða hópa á fjöll og jökla. Það er algengur misskilningur að það sé nóg að hafa farið nokkrum sinnum á fjöll til að geta svo farið að leiða óvana.

    Það kunna margir að negla nagla, en ekki þar með sagt að þeir séu smiðir;-)

    Atli Páls.

    in reply to: Myndasýning annað kvöld-FELLUR NIÐUR #57580
    1811843029
    Member

    Þetta er virkilega leitt að heyra en takk Rúnar fyrir að skýra málið.

    in reply to: Myndasýning annað kvöld-FELLUR NIÐUR #57578
    1811843029
    Member

    Hæ!

    Kappinn sem ætlaði að halda sýninguna er ekki á landinu þannig að því miður fellur þessi sýning niður.

    En það er opið hús í félags aðstöðunni í kvöld, stjórnin verður á svæðinu að klára að pakka ársritum og svo er auðvitað dry tool kvöld.

    Það er leitt að þetta fer svona en það er ekkert við því að gera.

    in reply to: Re: Myndasýning annað kvöld #57577
    1811843029
    Member

    Hæ!

    Kappinn sem ætlaði að halda sýninguna er búinn að beila á okkur þannig að því miður fellur þessi sýning niður.

    En það er opið hús í félags aðstöðunni í kvöld, stjórnin verður á svæðinu að klára að pakka ársritum og svo er auðvitað dry tool kvöld.

    Það er leitt að þetta fer svona en það er ekkert við því að gera.

    in reply to: Telmark festival-SKRÁNING #57575
    1811843029
    Member

    Þeir sem eru ekki skráðir á Isalp.is geta boðað komu sína á festival með því að senda póst á jamrhino@hotmail.com

    Fínt að setja “skráning” í subject línuna til að hjálpa Bassa að halda utan um flóð skráninga.

    Þeir sem eru skráðir á Isalp.is geta meldað sig á festival í dagskrárliðnum hér á síðunni.

    Allir á festival!!!

    in reply to: Re: Telmark festival #57574
    1811843029
    Member

    Þeir sem eru ekki skráðir á Isalp.is en ætla á festival geta sent tölvupóst á jamrhino@hotmail.com

    Fínt að setja “skráning” í subject línuna til að hjálpa Bassa að halda utan flóð skráninga.

    in reply to: ísfestivalið lifir enn! #57559
    1811843029
    Member

    Hæ!

    Frést hefur að það sé hópur fólks á leiðinni vestur eða leggi í hann á morgun…

    Styrmir og Freyr ætla að fljúga í fyrramálið
    Viðar og Björgvin keyra á fimmtudagskvöld
    Gummi Stóri og Arnar fara keyrandi uppúr hádegi á föstudag, laust sæti
    Sissi og Skabbi fljúga á föstudag

    Eg er sjálfur fastur í vinnu en sé til þess að þið fáið öl og súpu á laugardagskvöldið!

    Hverjir fleiri ætla vestur?

    in reply to: Ísfestivalsflopp #57536
    1811843029
    Member

    Gott kvöld

    Aðstæður til ísklifurs hafa ekki verið sérlega góðar undanfarnar vikur. Það var lagt upp með að halda ísfestival á Bíldudal, en aðrir staðir til vara. Hinsvegar hafa Vestfirðir verið eini raunhæfi möguleikinn síðustu vikur.

    Við höfum verið í reglulegu sambandi við nokkra aðila á Vestfjörðum undanfarnar vikur til að kanna aðstæður fyrir ísfestival. Allar fréttir sem við höfum haft frá þessum aðilum hafa verið fremur daprar hvað varðar ís aðstæður.

    Þó svo að hægt hafi verið að klifra á svæðinu þá hefur það varla verið á færi nema mjög góðra klifrara. En ísfestival þarf einmitt að vera á stað og í aðstæðum þar sem flestir ísklifrarar Isalp geta fundið eitthvað við sitt hæfi til þess að margir mæti og hafi gaman.

    Það er talsvert langt og kostnaðarsamt að keyra alla leiðina á Isafjörð. Það langar engann að vera sá sem stefnir öllum vinum sínum þangað í fýluferð. En það er mjög auðvelt að gagnrýna slíka ákvörðun eftir á!

    Sumum hentar vel að mæta á festival með stuttum fyrirvara, öðrum hentar betur að hafa langan fyrirvara. Það virðist þó vera að fleiri séu hlynntir því að ákveða dagsetningu og standa við hana hvað sem tautar og raular. Stjórnin tekur það auðvitað til greina. Það er ekki komið sumar enn og við höfum fullan hug á að halda festival með þessar forsendur að leiðarljósi.

    Við biðjum ykkur kæru félagar að vera jákvæð og gera hlutina með okkur.
    Munum að þetta er klúbburinn okkar allra, það erum við öll sem sköpum starfið og stemminguna!

    Stjórnin

    in reply to: Fréttir af Bratta #57514
    1811843029
    Member

    Sú hugmynd að gera þetta eins og þú segir Kalli kom einmitt upp þegar verið var að ákveða hvernig þetta yrði gert. Málið var skoðað frá ýmsum hliðum, þjóðgarðurinn, byggingafulltrúi og fleiri voru hafðir með í ráðum og úr varð að skálinn yrði sóttur.

    Skálanefndin og stjórnin hafa einmitt hug á því að endurbyggður Bratti verði eins og hann átti upphaflega að vera, það er eins og sá sem fauk.

    Akurnesingar eru með í ráðum, meira um það síðar.

    Atli

    in reply to: Ísfestival eða ekki? #57502
    1811843029
    Member

    Auðvitað er það stjórnin sem ýtir stuðinu af stað, reddar gistingu, býr til stemmara og svo framvegis.

    Það má hinsvegar alveg taka púlsinn á hvað félagar eru að hugsa, sérstaklega þegar það er tvísýnt með veður og aðstæður. Það er bara eðlilegt.

    En gott innlegg Skabbi, festival er náttúrulega bara fólkið sem mætir en stjórnarinnar að gera það sem skemmtiegast.Okkur í stjórninni langar virkilega að hafa gott festival í ár, en aðstæður þessa helgina eru ekki til staðar.

    Við verðum áfram í sambandi við okkar fólk um allt land og blásum til festivals um leið og færi gefst.

    Kveðja,

    Stjórnin

    in reply to: Ársrit um víðan völl #57493
    1811843029
    Member

    já og félagar í útlöndum, sendið adressuna á stjorn@isalp.is…reddum þessu

    Fínt að setja bara “útlönd” í subject

    Atli

    in reply to: Ársrit um víðan völl #57492
    1811843029
    Member

    Nei nei Arni, engar áhyggjur, ársritið þitt og annarra er á vísum stað.

    Stjórnin hefur verið frekar upptekin undanfarið við að halda myndakeppni, myndasýningar og aðalfund. Við höfum auðvitað verið að dreifa ársritum á þessum viðburðum og vonast til að koma út sem flestum þannig til að spara útgjöld, enda kostar helling að senda póst.

    Nú er hinsvegar kominn tími á að setja í póst og það gerist í næstu viku. Sjálfboðaliðar í límmiðalímingar og umslaga lokun eru auðvitað vel þegnir!

    Atli

Viewing 25 posts - 1 through 25 (of 97 total)