1610573719

Forum Replies Created

Viewing 25 posts - 26 through 50 (of 334 total)
  • Author
    Posts
  • in reply to: Ný leið í Eilífsdal, Ópið #53905
    1610573719
    Member

    Menn eru alltaf að rugla Tvífaranum við Einfarann. Hugsaðu þér að þú sért að fara Einfarann og þú er kominn upp fyrir sylluna þar sem Tjaldsúlurnar enda. Þá blasir við lóðrétt bergstálið á hægri hönd þegar þú lítur upp Einfarann. Tvífarinn er sem sagt farið upp bergstálið hægra megin í gilinu þar sem Einfarinn er. Um leið og þið komið þarna þá er þetta augljóst. Tvífarinn sést ekki á umræddri mynd því það sést ekki almennilega bergstálið hægra megin í gilinu þar sem Einfarinn er. Tvífarinn endar uppi á brún talsvert hægra megin við Einfarann(nær þeim stað þar sem Tjaldið endar.
    Ég hef alltaf talið Þilið vera 5+ þó svo að það sé stundum í 5 aðstæðum eins og mér sýnist það vera nákvæmlega núna. Þegar klifrarar koma frá Evrópu og Bandaríkjunum hingað til lands þá komumst við að því að við höfum svona frekar verið að gráða leiðirnar niður frekar en upp. Nú veit ég að Robbi og co eru orðnir það góðir að þeir hafa frekar tendensa til að gráða varlega frekar en hitt. Það er rétt Orion var talinn vera týpísk 5. gráða en hann er talsvert auðveldari en Þilið.

    in reply to: Hlýtt tjald #53945
    1610573719
    Member

    Vinur vor Karl Ingólfsson var með ágætis patent lausn á þessu vandamáli eins og flestum öðrum í fjallamennsku. Stuttu áður en þú ferð að sofa borðar þú tvær þverhandarþykkar sneiðar af lifrarpylsu. Þær eru svo tormeltar að maginn á þér er á fullu alla nóttina að reyna að melta þetta og þú hitnar innan frá við ósköpin. Ég sel það ekki dýrara en ég keypti.
    Olli

    in reply to: Ný leið í Eilífsdal, Ópið #53902
    1610573719
    Member

    Þetta er rétt hjá þér Ívar. Leiðin Tvífarinn er hægra megin í stálinu þegar maður kemur upp í Einfarann. Hún var frumfarin af mér og Magnúsi Gunnarssyni á árunum 1991-1992. Einfarinn er lang oftast farinn beint upp(eða leiðin til hægri í Y sem var á myndinni). Að fara vinstra megin er ekki oft gert þó maður hafi heyrt um það. Það er ein leið sem vantar þarna, það er leiðin á Eilífstind sem farinn var fyrir margt löngu af Palla, Hallgrími og ?? Palli getur sagt betur frá þeirri reynslu sem var víst svolítið krassandi ef mig minnir rétt.

    in reply to: Ný leið í Eilífsdal, Ópið #53885
    1610573719
    Member

    Sælir og til hamingju með leiðina strákar. Er ég að verða of soft eða var Palli eitthvað með í ráðum þegar leiðin fékk gráðu??? Mér sýnist þetta á myndum vera solid 6-a ef ekki meira!!!
    Olli

    in reply to: Sá(sú) sem fann úr við Grafarfoss! #53834
    1610573719
    Member

    Takk fyrir kærlega Heiða, úrið er komið heim.
    Kveðja Olli

    in reply to: M10 Broddar #53831
    1610573719
    Member

    Heiða mín!
    Takk fyrir kærlega að láta mig vita af þessu. Ég var í Grafarfossinum fyrir stuttu og sakaði úrs ákaflega. Það hefur sennilega brotnað pinni í armbandinu. Ég fór aftur nokkrum dögum seinna að leita en fann ekkert. Ertu með símanúmer á þeim sem fann úrið.
    Olli úrlausi S. 824-7195

    in reply to: Ólympíska félagið- Tvíburagili #53609
    1610573719
    Member

    Hvað með þá sem eru ekki inni á facebook???
    Ég mun aldrei þangað inn því maður þarf að skrá sig og ég geri ekki slíkt.
    Olli

    in reply to: Ísbíltúr í Hvalfjörðinn #53553
    1610573719
    Member

    Þetta gil hefur oft verið nefnt Leikfangaland. Botnlangi er jú hægra megin þarna.

    in reply to: Klifrað á Kjálkanum #53508
    1610573719
    Member

    Strákar þið eruð alveg frábærir. Um að gera að hafa þetta algert leyndó þar sem engin er þarna að klifra nema þið. Góðir!!!!

    in reply to: Trekant í Tríó #53491
    1610573719
    Member

    Menn eru alltaf að vanmeta Eilífsdalinn. Halda að allar leiðir þar séu að rigna niður í hlákutímum eins og þessum en ég skal láta ykkur vita að tíð eins og nú er gerir bara leiðirnar þar feitari. Ég var þar eitt sinn á ferð eftir nokkuð heitt vor 6. maí að reyna við einhverja ísleið sem seinna fékk nafnið Þylið sem var ennþá í ágætis ísaðstæðum. Nb.þá var þylið óklifrað. Ég og félagi minn sem höfðum ekki hugmynd hvaða þetta var eða hét, ákváðum að beila út þegar við komust ekki lengra en í hellinn góða sem flestir Þyl-farar kannast við.

    in reply to: Önnur mixleið í Tvíburagili – Ólympíska félagið. #53455
    1610573719
    Member

    Frábært að heyra af þessari ótrúlegu grósku í mixklifri. Ég skal segja ykkur frá einu svæði þar sem hægt er að prufa góðar mix leiðir. Það er í Glyms gili neðarlega til vinstri. það er svæðið fyrir ofan (hægra megin) við leið sem heitir Spönnin. Við reyndum einn dag við leið þar sem er talsvert mikið yfirhangandi og væri gaman að sjá ykkur kappana reyna við þá línu. Við höfðum enga mix reynslu þá og prufuðum þetta í ofanvaði og höfðum ekki einu sinni hugmyndaflug til að “prefixa” leiðina eins og gert er núna. Þarna er sprunga upp sem endar í fríhangandi kerti. Alls ekki gefnis. Þar fyrir ofan er áberandi nef (klettanef) þar sem hægt er að fara frábæra línu en það þarf sennilega að prefixa leiðina. Við fórum hana á sínum tíma í ofanvað og þótti ekki leiðinlegt.
    Ísklifurkveðjur Olli

    in reply to: vallárgil #53450
    1610573719
    Member

    Þetta er alveg nýtt “vandamál” ef vandamál skyldi kalla. Þ.e að leiðir séu uppteknar. Það er þvílík gróska í greininni að það er frábært að heyra þetta. Keep up the good work!!!
    Olli

    in reply to: Vallárgil í Esju #53417
    1610573719
    Member

    Málið er að ef menn skoða fortíðina grant þá er þetta sennilega einn besti ísvetur á öldinni. Maður þarf að fara vel aftur fyrir 2000 til að finna þannig vetur. Menn eru ansi fljótir að gleyma veðurfari. Hér áður fyrr áður en Múlafjallið varð leiksvæði klifrara voru menn að hópast í Búhamrana. Undanfarin ár hefur verðurfar ekki leyft slíkt nema með fáeinum undantekningum. Það er hægt að benda mönnum á leiðina Anabasis sem er í Vesturbrúnum vinstra megin við Heljareggina. Þetta er ágætis alpaleið sem hefur ekki verið mikið farin undanfarin ár.

    in reply to: Nálaraugað í nótt #53414
    1610573719
    Member

    Mæli með kvöldklifri í Grafarfossinn það er alveg þrusu gaman
    Olli

    in reply to: Þjórsárdalur… #53392
    1610573719
    Member

    Ég vissi að þið gætuð þetta! Þið eruð flottastir. Þetta er sem sagt önnur uppferð og sú fyrsta var ekki gefist heldur. Ég kom þarna upp á sínum tíma algerlega búinn með annan skóinn (tánna) brotinn þannig að það sá inn í sokka og með blaðið á annarri öxinni kengbogið í 15 stiga frosti. Svo gráðar meistarinn(Palli) leiðina V(5) eins og venjulega!!! Ég held ég geti fullyrt að þetta sé ein stýfasta 5. gráða sem þeir hafa klifrað félagarnir. Þetta var frábær túr hjá ykkur og til hamingju með þetta.
    Olli

    in reply to: Breyta skráningu #53331
    1610573719
    Member

    Mig minnir að ég hafi verið á námskeiði þarna þegar Árni Jónssson úr HSSK var að leiða leiðina til hægri og tók massíft fall eða um 8-9 metra og endaði á haus rétt fyrr ofan jafnsléttu. Hann fékk að eiga skrúfuna sem hélt honum uppi og var það ef mig minnir rétt Rússi(títaníum skrúfa) sem var vel bogin eftir átökin. Það er til mynd af honum þar sem hann heldur á skrúfunni kengboginni.
    Kveðja Olli

    in reply to: Utanbrautarskíðun á léttan hátt #53303
    1610573719
    Member

    Ég var nú því miður engu nær hvort þetta væri á suður-norður eða austurlandi þessi Fjallabyggð þegar ég sá þetta fyrst. Ég þurfti að “Gúgla” nafnið til að vera einhverju nær.
    Olli

    in reply to: Hetjudáðirnar framundan #53217
    1610573719
    Member

    Chuck Norris er nú orðinn aldargamall og hrumur fyrverandi töffari frá lögreglufasistaríkinu Texas. Hef nú ekki mikla trú á að hann sé góður í ísklifri. Hann er sennilega “on ice” núna framyfir eigin útför. Ég er illa fjarri góðu gamni og verð það fram að jólum. Það er verið að gera við skemmdir í öxlinni (eða framhásingunni eins og einn nefndi það)þannig að ég verð að láta mér nægja að lesa um ykkur kappanna í pistlunum hér. Svo strákar og stelpur:keep ’em coming!!!!!
    Gaman að vita að Robbi og Íbbi séu með góðar og stórar hugmyndir. Það verður gaman að heyra þegar þeir ákveða að hrinda þeim í framkvæmd.

    in reply to: 10 Tindar #53015
    1610573719
    Member

    Góður listi hjá Robba en er þarna tilfinningarlegt mat eða á þetta að mæla bara flottustu og skemmtilegustu leiðirnar? Á erfiðleikagráðan eittthvað að koma inn í þetta? Mér finnst Stígandinn alls ekki eiga heima þarna þó hún sé mjög svo skemmtileg leið og einnig ef við nefnum Paradísarheimt er vart hægt að tala um Orginal leiðina því hún er mjög létt tæknilega þá væri betra að hafa Skoruna(afbrigðið lengst til hægri) ef við förum út í svoleiðs sálma. Mér finnst merkilegt að sjá engar nýjar og fallegar og erfiðar leiðir sem hafa verið frumfarnar á síðustu árum. Ég nefni eina sem var að vísu farin fyrir þónokkru það er Þráin uppi hjá Háafoss. Einnig gætu nokkrar frábærar leiðir í Kinninni komið þarna inn.
    Kveðja Olli

    in reply to: Hraundragi #52976
    1610573719
    Member

    Ég er úti á frönsku Ríverunni núna og hafði ekki tíma til að reda tappa í tíma áður en ég fór út en pelinn er heima og fær ég tapa á hann við fyrsta tækifæri. það er hins vegar ekki gott að hafa tappann svona lausan því það býður upp á að fólk missi hann þegar það skrúfar hann af. Ég var sjálfur nærri búinn að missa hann úr höndunum þegar ég skrúfaði hann af fleygnum. Fleygnum verður skilað upp á drangann sem fyrst þó ég verði sjálfur að fara þarna upp sem væri bara gaman.
    kv. olli

    in reply to: Hraundrangar um Verslunarm. helgina! #52948
    1610573719
    Member

    Það fórum 12 manns á toppinn á sunnudegi í Verslunnarmannahelgi í logni og frábæru veðri. Allt gekk mjög vel fyrir sig, þrátt fyrir að sumir hafi verið frekar stressaðir á toppnum. Ég sat á toppnum að toga fólk upp í tæplega 6 tíma. Elsti karlmaður í hópnum var 59 ára og elsta kona 53 ára. Þennan dag fóru 5 konur á toppinn og 7 karlmenn. Það skrifuðu allir í dagbókina og tóku sopa af pelanum góða.
    Olli

    in reply to: Uppáhaldsfjall? #52942
    1610573719
    Member

    Ég hugsa nú að ég hafi komið oftar á Hvannadalshnjúk heldur en Esjuna!!!
    Olli

    in reply to: Uppáhaldsfjall? #52940
    1610573719
    Member

    Það eru til ótrúlega mörg falleg og skemmtileg fjöll á Íslandi. Ég á erfitt með að segja til um það hvað sé það besta og flottasta en það fjall sem ég lenti í einu skemmtilegasta útsýni á var Þuríðartindur. Svo eru fjöll eins og Herðubreið, Snæfell, Jörvi, og svo framvegis.
    Olli

    in reply to: Nanga Parbat = Siula Grande #52919
    1610573719
    Member

    Ég var að lesa um að Pakistanski herinn er búinn að bjarga mönnunum af fjallinu.

    in reply to: Hraundranginn #52895
    1610573719
    Member

    Var pelinn fylltur af blönduðu glundri í stað þess að vera fylltur með eðal óblönduðu skosku víni????

Viewing 25 posts - 26 through 50 (of 334 total)