Forum Replies Created
-
Posts
-
Sorry síðustu 4 orðin hér að ofan áttu að vera:Hvergi sprungu að sjá Það skal hins vegar tekið fram að það skal alltaf hafa fulla gát á þegar gengið er á jökul.
Ég gekk nýlega á jökulinn frá Seljavallalaug og komum upp hrygginn suðaustan við Hámund og Guðnastein. Það var skemmst frá því að segja að við urðum varla varir við eina einustu sprungu. Við sáum móta fyrir þeim en þær virtust allar kjaftfullar af foksnjó og hugsanlega ösku. Við gengum frá Hámundi og Guðnasteini á fellið sem hefur myndast á gígbrúninni fyrir sunnan gíginn og síðan á Goðastein og það var sama sagan, hvergi eina einustu sprungu að sjá. Við gengum einni ofan í sjálfan gíginn(niður á barminn þar sem rauk úr) og allt í góðu þar og var mjög gaman að koma þar sem nýtt land er og finna hversu heitir steinarnir eru þar. Við gengum aftur niður af jöklinum vestan við Guðnastein og vorum rétt austan við stóra rás sem hefur myndast við flóð úr jöklinum og það var sama sagan, hvergi snjó að sjá.
Kalli!
Á góðum stálskrúfum er bolurinn mikið betur unninn(þ.e. sleipari) þannig að það er minna viðnám þegar skrúfað er inn. Ég hef alla vega ekki viljað vinna mikið með títaníum skrúfur eftir að ég fór að hanga(í fetlum) á annarri hendinni við setja inn skrúfur. Það er bara seinlegra sama þó maður brýni þær vel og maður pumast meira út.Klukkan var orðin svo margt og myrkur að skella á. Skrúfan sem ég skildi eftir var gamall rússi(títaníum) sem ég hafði ekki notað í meira en 17 ár þannig að það var ekki mikil eftirsjá í henni. Ég kom með hana sérstaklega til að skilja hana eftir ef maður þyrfti.
Mega flottar myndir hjá ykkur Gummi. Þið klikkið ekki!
Sissi nú er tækifærið að fara. Tindaborgin(Kirkjan) er í nokkuð auðveldari aðstæðum núna heldur en 2007. Við skildum eftir tvær skrúfur til að síga niður á. Eina 30m frá topp og eina á blá toppnum. Er ekki málið að nýta þær. Mundu Carpe Diem!!Jamm Palli þú ert bara að geraða gott. Ég hef svo sem klifrað með Palla þegar hlutir hrundu(svona c.a. 5 tonna ísklumpar) þannig að maður ætti fótum sínum fjör að launa. Það er samt erfitt að finna skynsamari klifrara.
Ég man eftir því að fyrsta skiptið sem ég sá Þilið var ég nánast byrjandi í ísklifri og með Tomma á ferð og réðumst við þegar til uppgöngu enda héldum við að þetta væri margklifrað. Við komust alla leið upp undir þakið og vorum lengi að reyna að komast upp fyrir en urðum frá að hverfa algerlega stórhneykslaðir á eigin aumingjaskap. Þetta var í maí og komin massíf hengja þarna fyrir ofan. Það var ekki fyrr en mörgum mánuðum seinna að við fréttum að þetta væri óklifruð leið.Hvernig var með Harald Örn og Sigurstein, voru þeir ekki á ferð þarna fyrir mörgum árum síðan eða var það norðurhliðin!!! Hlýt að vera farinn að kalka!!!!!
Innilega til hamingju Ágúst með glæsilegt verkefni. Ég vona svo sannarlega að þér gangi vel í þessu. Ég veit hvað það er að setja sér takmark það er frábært. Það allra besta við það er þegar maður uppsker árangur erfiðisins þegar takmarkinu er náð. Ég sjálfur er með mission í ár en það verður ekki rætt frekar á þessari síðu.
Baráttukveðja OlliÉg vona svo sannarlega að þeir fari nú ekki að fá Fálkaorðu. Það er löngu búið að afskræma það fyrirbrigði. En sannarlega frábær árangur hjá þeim. Til hamingju strákar!!!!!
Palli minn var það ekki árið 2008 hvar þessi mynd sem er af þér þarna hér við hliðina var tekin, áður en þú lagðir af stað upp og komst 20 mín síðar og þótti heppinn að sleppa lifandi úr hruninu. Við fórum síðan í Skoruna þar sem þú náðir rétt svo að drepa mig með hruni. Að fá 8 kg ísköggul úr 60 m hæð svona 5-10 cm frá perunni er upplifun sem ég vil bara prufa einu sinni á æfinni.
Mig minnir alveg endilega að Guy sjálfur hafi stungið upp á því frumlega nafni Alien Muffin og hafði það eitthvað að gera með mjög svo undarlegar draumfarir kappans nóttina áður.
Ég talaði sjálfur við viðkomandi klifrara og fékk ekki alltaf nafn hjá mönnum þar af leiðir eru leiðirnar ónefndar. Ég reyndi eins og ég gat. Menn verða að sjálfsögðu aðeins að hafa fyrir því að nefna leiðirnar svo þær falli ekki í gleymsku. Viðkomandi menn gætu alveg skotið nafni á leiðirnar og ég skrái þau inn.
Guy Lacalle was ótrúlega fær klifrari Hann var hins vegar með ólíkindum yfirvegaður og rólegur og fullkomlega laus við allan rembing. Það er sárt að sjá eftir þessum frábæra klifrara en eins og sumir segja ef þú lifir á brúninni þá geta alltaf orðið slys. Hilmar það er til nokkuð nákvæm skrá hjá mér yfir það sem var klifrað þetta festival. Ég fletti þessu upp og hér er það sem klifrað var þennan umrædda dag utan í Búlandshöfða:
Ónefnd leið gráða 4.: Hallgrímur Örn Arngrímsson, Guðmundur Óli Gunnarsson, Rafn og ArnarÞór Emilssynir
Dordingull gráða 5. lengd 50m: Páll Sveinsson, Þorvaldur Þórsson og Helgi Borg Jóhannsson.
Alien Muffin: gráða 4 lengd 40m:Guy Lacalle og Guðmundur Helgi Ch. Seinna um daginn klifruðu Árni Eðvaldsson og Rúnar Óli leiðina.
Túðan: gráða 3+ -4. lengd 30m: Símon og Örvar fóru fyrstir, Síðan seinna komu: Júlíus Gunnarsson,Svein Þór Þorsteinsson, og Valgarður Sæmundsson.
Ónefnd gráða 3+ 4-, Lengd 12m lóðrétt kerti.:Rúnar Óli, og Einar Sigurðsson Síðan komu Davíð Hilmar og Jón Garðbæingar.
Holan gráða 4-4+, lengd 35m:Klifrarar ekki þekktir
Ónefnd gráða 4M, lengd 2 spannir: : Matti og Atli Þór Þorgeirsson.
Ónefnd leið gráða 4-4+, lengd 35m:Styrmir Steingrímsson og Ingólfur Ólafsson
Ég á í gömlum skrám nánast allt sem var klifrað þessi ár.
Kveðja OlliGoðasteinn, Guðnasteinn nafnaruglingurinn er búinn að vera ruglingur í langan tíma. Ef þú spyrð Árna Alfreðs þá finnst honum þetta alls ekki vera neinn ruglingur. Hann segir að Guðnasteinn sé rétt hjá Hámundi og Goðasteinn vestan megin á öskjubarminum. Það sem ruglar þetta mál frekar er að heimamenn þarna eru sjálfir ekki sammála um þetta. Ég var að tala við útgefendur á stóra Íslandsatlasinum og segja þeir að sumir bændur þarna fyrir sunnan jökul haldi því statt og stöðugt fram að Goðasteinn sé hjá Hámundi og Guðnasteinn sé þar sem Árni Alfreðs. segir að Goðsteinn sé. Mér finnst að það ætti að vera atkvæðagreiðsla í sveitinni til að taka af allan vafa. Þetta er algengt vandamál á Tröllaskaganum þar sem ákveðin tindur heitir einu nafni úr einni sveit en allt öðru nafni í nágrannasveitinni.
Svæðið utan í Búlandshöfðanum var klifrað á fyrsta ísklifurfestivalinu þar sem Jeff Lowe og fleiri voru hér. Flest allar augljósar línur þarna voru klifraðar nema sjálfur fossinn lengst til vinsri á einni myndinni.
OlliÉg legg til að þetta verði gert og að viðkomandi terroristar geti greitt fyrir það að komast upp úr holunni með greiðslu sem nemur á milli 3-5 hundruð milljörðum króna.
Ég var að reka augun í þetta og er þetta alveg til fyrirmynda og mætti alveg “plögga” þessu á erlendum klifursíðum. Virkilega vel gert hjá þeim og vona ég svo sannarlega að þetta verði eitthvað sem mikið kemur út úr.
Það sem mér finnst eiginilega ótrúlegt er að það skuli ekki vera hafin fjöldaframleiðsla á þessum sleðum ættuðum frá Brunná. Þetta er snilldar hönnun og á vel heima hvar sem er í heiminum. Það mætti alveg fara í nýja útrás á með þessa hönnum ég held að hún sé talsvert meira “intelligent” heldur en sú útrás sem er að bera skiptsbrot þessa dagana.
Eins og ég sagði að ofan þá skiptir færið öllu máli og við Íslendingar drukknum seint í púðri svo við getum leyft öðrum að eiga púlkur án skíða.
OlliFyrir nokkrum árum síðan voru 4 skíðamenn á leið yfir Vatnajökul með eina hefðbundna púlku sem einn dró en hinir þrír voru með sleða(púlkur með skíðum neðan á) í eftirdragi. Í Kverkfjöllum var allur farangurinn samviskulega viktaður og honum deilt í 4 jafnþunga parta. Á fyrsta degi fór sá sem dró púlkuna að dragast verulega aftur úr hinum þremur og var tekið á það ráð að létta verulega af púlkunni yfir á sleðana. Svolitlu seinna var enn létt. Mönnum leiddist þófið og var á endanum allt draslið tekið af púlkunni og henni komið fyrir ofan á einum sleðanum og 4 menn skiptust á að draga 3 sleða. Þetta segir nú það sem segja þarf um allt þetta. En að sjálfsögðu fer þetta talsvert eftir færi í hvert skipti.
Það notar enginn maður með viti Púlkur í dag. Henda skíðum neðan á þetta er eina vitið. Það er helmingi minna togátak þegar skíði eru notuð. Af hverju eru menn þá að nota púlkurnar er það svo menn fari ekki með of mikinn útbúnað í ferðirnar.
Olli latiVandamálið við allar gráðanir í ís er marbreytanleiki leiðana. Það er að ein leið segjum til dæmis Grafarfossinn. Ef þú mundir klifra hann í dag þá hefur þú ákveðna upplifun. Ef þú klifrar hann viku seinna er þetta allt öðruvísi. Ísinn farinn að bunka meira út eða horfinn á köflum. Ef þú klifrar ákveðna leið fyrstur og hún er í afar erfiðum aðstæðum þá gráðar þú hana samkvæmt því. Ári seinna koma aðrir í leiðina og þá er hún kannski í mikið feitari og auðveldari aðstæðum og þeir segja að þú hafi stórlega yfirgráðað leiðina.
Þetta er vandamálið. Gráður á ísleiðum eru aldrei og verða aldrei greyptar í stein vegna þessa. Þetta eru fyrst og fremst viðmiðunargráður og ber að taka þær með fyrirvara. Þegar klifrari er búinn að klifra mjög margar leiðir fer hann að sjá þetta og reynslan segir honum hver upplifunin er hverju sinni. Það er endalaust hægt að rífast um það hvort ákveðin leið sé gráður WI4 eða WI4+ en vandamálið er við hvað á að miða. Þegar leiðin er í kjöraðstæðum, erfiðum aðstæðum eða léttum aðstæðum. Ætti kannski að taka meðaltalið af þessu??? Þarna er þeim sem fara fyrstu uppferð gefið svolítið laus taumurinn um að ráða þessu. Þetta er allt öðruvísi í klettunum þar sem kletturinn er alltaf eins og þú getur alltaf treyst á ákveðin tök sem breytast ekkert frá ári til árs.
Klifurkveðjur OlliÞetta er ekki grjótskak heldur kemur ís þarna niður. Ef þið færuð Einfarann í dag þá munduð þið sjá þetta. Leiðin kemur ekki vel í ljós fyrr en maður kemur aðeins upp fyrir sylluna þar sem Tjaldsúlurnar enda. Á myndum sem voru af þér Skabbi(held ég) og fleirum að fara Einfarann fyrir nokkrum árum kom þessi leið mjög vel í ljós. Þetta er svona c.a. gráða 4 eða 4+ fer eftir aðstæðum hverju sinni.
