1410693309

Forum Replies Created

Viewing 25 posts - 1 through 25 (of 40 total)
  • Author
    Posts
  • in reply to: Voilé Drifter 2010 til sölu #57520
    1410693309
    Member

    verðhugmynd var 30.000 kall

    in reply to: Voilé Drifter 2010 til sölu #57519
    1410693309
    Member

    Á í e-um tæknilegum vandræðum með vefinn.
    182sm og vel farin. Búið að taka bindingar af en þau eru með forboruðum götum.
    skuli.magnusson@eftacourt.int

    in reply to: Voilé Drifter 2010 til sölu #57510
    1410693309
    Member

    182 sm, feit og rokkuð að framan og aftan. Sjá t.d.

    http://www.backcountry.com/voile-drifter-hybrid-rocker-ski-vol0102

    Búið að taka bindingar af (forboruð skíði). Gott ástand. Hin fullkomnu skíði ef það væri ný snjór á hverjum degi … Seljast á 30.000 kr eða skv. tilboði.

    skuli.magnusson@eftacourt.int

    in reply to: Svarti turninn í Búahömrum #54345
    1410693309
    Member

    Virkilega skemmitileg leið og svo vel boltuð að hrein unun er að klippa í … Þið eigið mikinn heiður skilinn fyrir þetta framtak (líka fyrir endurboltunina í Rauða turninum).

    Skúli Magg

    P.s. Mér finnst gráðunin stemma miðað við íslenska yosemite-kerfið (sem er náttúrulega tómt rugl og bull).

    in reply to: Tindfjallaskálinn – aftur #51975
    1410693309
    Member

    Það er engin ástæða til að hallmæla FÍ sem er vel rekið félag undir stjórn góðra manna. Ef ég hef gerst sekur um slík mismæli bið ég hlutaðeigandi velvirðingar.

    Við skulum halda FÍ utan við þetta mál sem snýst um ÍSALP og starfsemi hans en ekki FÍ.

    in reply to: Tindfjallaskálinn – aftur #51972
    1410693309
    Member

    Ég er ekki heldur félagi í FÍ og veit ekki hvaða fyrirætlanir það félag hefur með skálann eða á svæðinu almennt. Mér sýnist að enginn annar viti það heldur … Já, væri ekki ráð að anda með nefinu.

    in reply to: Tindfjallaskálinn – aftur #51968
    1410693309
    Member

    Með sömu rökum er líklega full ástæða fyrir ÍSALP að fara sömu leið og skálinn (og Fjallamenn) og segja sig til sveitar hjá FÍ! Hvað sem hver segir væri það mikill hnekkir fyrir klúbbinn ef það verður niðurstaðan að hann getur ekki haldið út skálanum. Kannski eru það hins vegar örlög klúbbsins að vera kjaftaklúbbur á Netinu og nokkur sófasett í Reykjavík.

    Auðvitað er það nýtt element ef fyrir liggur að FÍ skuldbindur sig til að koma skálanum í upprunalegt horf, halda honum óbreyttum (í stað þess að byggja hálendismiðstöð) og tryggja þannig aðgengi fjallamanna að svæðinu.

    Ef þetta er tilgangur FÍ sé ég enga ástæðu til að skálinn verði seldur. Endurbygging skálans ætti þá miklu frekar að verða samvinnuverkefni FÍ og ÍSALP og skálinn rekinn undir merkjum beggja félaga.

    Ég hvet menn, enn sem fyrr, til að flýta sér hægt. Hefur það verið skoðað af alvöru til hvaða ráðstafana er hægt að grípa, annarra en að selja? Ég minni á að það er aðeins tvö ár frá því að tekið var að læsa skálanum sem er (því miður) lykill að bættri umgengni.

    in reply to: Aðstæður þessa dagana #51912
    1410693309
    Member

    Mér heyrist að Örnefnanefnd eigi fullt erindi í málið. Annars grunar mig sterklega að Árni Alfreðs hafi á réttu að standa með Tindsnafnið. Hitt er svo annað mál að “Tindafjöll” er líklega gamalt örnefni svo að mönnum var vorkunn…

    Já, það væri gaman ef einhver skrifaði um örnefnasöguna þarna og kæmi ákv hlutum á hreint.

    in reply to: Vorskíðun #51433
    1410693309
    Member

    Hvað er að fréttar úr Öræfunum? Á maður frekar að stefna norður í land á uppstigningardag (jamm, ekki eru ráð nema í tíma séu tekin)…

    in reply to: Klifur í Lúx #51417
    1410693309
    Member

    Kærar þakkir fyrir þetta. Hér er sól og 25 stiga hiti dag eftir dag svo að inniklifrið heillar lítið í augnablikinu. Berdorf virðist vera aðalstaðurinn. Væntanlega best að sækja um nauðsynleg leyfi og setja í eina leið.

    in reply to: Myndir af Telemarkhelginni #51291
    1410693309
    Member

    Já, Gauti minn. Það er auðvitað þitt mál ef þú sporðrennir öllu sem lögfræðingar segja þér. Þér til hróss verður hins vegar að viðurkennast að þú varst ótvírætt efnilegastur allra keppanda.

    Það kom mér hins vegar meira á óvart að TAT-arararar skyldu guggna á fjallarallinu eftir fjálglegar yfirlýsingar yfir borðum kvöldið áður. Ja, þetta unga fólk sem þekkir ekki annað en gerviefni, fingravettlinga og hverfur svo frá við smá skafrenning …

    Þetta var annars hið besta mót fyrir nokkuð mörg atriði í dómgæslu sem verða látin liggja milli hluta. Maturinn var til sérstakrar fyrirmyndar.

    in reply to: Hvað er að frétta af ísklifuraðstæðum #50704
    1410693309
    Member

    Við Tómas Júlíusson fórum í gagnmerkan ískönnunarleiðangur í Kistufelli í gær. Úr varð drulluklifur með stöku klettahafti þar sem “klettarottan” Tómas sýndi óvænta takta. Á efstu brún fundum við nægan ís til að kæla drykkjarföngin. Já, við erum búnir að stimpla okkur rækilega inn fyrir sísonið!

    in reply to: Klifur í SV-Frakklandi (Minervois og Pyreneafjöll) #50563
    1410693309
    Member

    Já, það voru víst talsverðar svaðilfarir í Mont Blanc … læt strákana um að segja frá því. Þótt við færum ekki lengstu leiðina í Tönninni (25 spannir – 1000 metrar) fórum við skemmtilega 300 metra leið í 7 spönnum (6a, TD). Virkilega skemmtilegur karakter í granítinu og ekki spilltu staðhættir fyrir … Eiginlega þyrfti að gera smá leiðangur á svæðið.
    Loksins stytt upp á Íslandi þannig að í augnablikinu öfunda ég þig ekki af 40 gráðunum.
    Kv. SM

    in reply to: Snjóflóð á Hnjúknum o.fl. #50511
    1410693309
    Member

    Mig grunar að það sé meira mál að halda utan um tilkynningaskyldu á Hnjúknum en menn ganga út frá. Þeim sem vaxin er grön rekur eflaust minni í reglulegan upplestur á gömlu gufunni þar sem mótórbáturinn Hafliði GK-75 er beðinn um að gefa sig fram við tilkynnningarskylduna o.s.frv.

    Sé ekki að tilkynningarskylda hefði breytt miklu við þær aðstæður sem voru uppi í fyrradag, enda skilst mér að mennirnir hafi rækilega tilkynnt sig hjá sínum nánustu. Er ekki rétt að þróa frekar það kerfi áfram?

    Gott viðtal við ftr. Landsbjargar í í Kastljósi í gær um björgunaraðgerðina. Já, enn og aftur fór þyrlan tóm úr bænum í fjallabjörgunarútkall … Allt ku þetta hins vegar standa til bóta skv. ftr. Landsbjargar.

    Kv. SM

    in reply to: Ef einhver efaðist …. #49533
    1410693309
    Member

    Gætuð þið vísað á áræðanlegan aðila á Akureyri sem gefið gæti upplýsingar um snjóalög fyrir norðan, e.t.v. utanbæjarmann sem ekki tengist ferðaþjónustu eða markaðssetningu Akureyrar sem skíðabæjar?
    Kv. SM

    in reply to: Telemarkhelgin á Akureyri 11.-13. mars #48994
    1410693309
    Member

    Ja, er ekki fjallaskíðasnjór á Sigló langt fram í júní? Hvítasunnu- eða Jónsmessumót væri e.t.v. góð hugmynd, eftir atvikum í samstarfi við hlutaðeigandi trúfélög.

    in reply to: Telemarkhelgin á Akureyri 11.-13. mars #48992
    1410693309
    Member

    Ekki eru ráð nema í tíma séu tekin. Hafið þið Norðlendingar annars nokkuð hugleitt að halda festivalið á Sigló? Ég minnist þess að hafa litist afar vel á aðstæður þar sl. vor þegar við hröktumst þangað í snjóleysinu mikla, svo ekki sé talað um hlýlegt viðmót heimamanna. Ekki svo að skilja að það væsi um mann á eyrinni snotru við Eyjafjörð.
    Kv. SM

    in reply to: Búhamrar #48918
    1410693309
    Member

    Takk fyrir uppl. Maður þarf greinilega að prófa þessa leið. Svo þyrfti maður að fara mæla út fyrir fleiri 5.7-5.9 leiðum þarna í nágrenninu.
    Kv. SM

    in reply to: Búhamrar #48916
    1410693309
    Member

    Takk fyrir uppl. Tókst að finna Rauða turninn eftir smá barning fyrir helgi. Hefði átt að lesa skeytið frá Hjalta betur. Ræði ekki hvernig við komumst upp, en upp komumst við. Einn slingur fannst mér vera nóg fyrir 10 m “run-out-ið” sem Sigurður Tómas nefnir. Er það rétt skilið að leiðin við hliðina á Rauða turninum sé 5.7? Veit einhver frekari deili á henni, s.s. hvort hún er ein spönn og hvort maður þarf að nota eitthvert dót í henni?
    Kv. SM

    P.s. Verða að skrifa undir það sem fram hefur komið hér á vefnum áður að í B-hömrum er augljóslega fullt af ónýttum möguleikum fyrir boltaðar leiðir.

    in reply to: tindurinn Einbúi #48775
    1410693309
    Member

    Eru örnefni tómur hégómi?
    Mér er minnistæð leiðarlýsing GIMP á Eyjafjallajökul sl. páska:
    -“Já, þegar þú ert farinn þarna af hæsta hólnum, já þarna hæsta punktinum, þá ferðu þarna fram hjá einhverjum kletti, eða e.t.v. meira svona litlu fjalli, ertu með mér? Nei, ekki sá klettur, það er þarna annar miklu nær, sko í áttina að Reykjavík eða þar um bil…[bla, bla, bla]”
    – “Áttu við að þú rennir þér ofan af Hámundi vestan við Goðastein Himmi minn?”
    -“Ha, heitir þetta það? Ég hef nú bara ekki hugmynd um það. En þetta er semsagt svona hóll eins og fólksvagen bjalla í laginu sko.”
    Hélt satt að segja að GIMP hefði lært að meta gildi örnefna við þetta tækifæri, en örnefni þjóna jú m.a. þeim tilgangi að menn viti hvað þeir eru tala um þegar þeir lýsa landinu. Þetta getur orðið mikið alvörumál t.d. við björgunaraðgerðir.
    Kv. SM

    in reply to: tindurinn Einbúi #48767
    1410693309
    Member

    Líklega verð ég að gangast við því að hafa notað “Tinds” nafnið í gestabókinni. Verð einnig að viðurkenna að ég hef ekki heyrt örnefnið “Einbúi” áður. Hef hins vegar heyrt frá Magga Hall. að Hornklofi heiti með réttu Gígjarhorn sem er rökrétt nafn. Að því er ég kemst næst er höfundur margra örnefna í fjöllunum Guðmundur frá Miðdal og þeir Fjallamenn (sbr. t.d. Haki, Saxi, Búri og Hornklofi). Var þá gengið út frá því engin nöfn væru fyrir hendi sem ekki var rétt í öllum tilvikum. Landslagið væri lítils virði ef það héti ekki neitt …
    Kv. SM

    in reply to: Spánn #48744
    1410693309
    Member

    Ég fór einu sinni á skíði í grennd við Ax les Thermes (Frakklandsmegin) og kippti þá með þér kortum og bók með leiðarlýsingum af því svæði. Skemmtilegt svæði, enda þótt þarna verði of heitt á sumrin. Er sjálfur á leiðinni þarna í byrjun júlí. Svæðið býður alm. upp á 1-3 daga túra og er þá gist (og étið) í skálum. Þér er velk. að kíkja á þetta materíal ef þú vilt. Annars held ég að hægt sé að gera skemmtilega hluti nánast hvar sem er í þessum fjöllum.

    in reply to: Expedition Hvannadalshnjúkur 2004 #48733
    1410693309
    Member

    Er ekki saklaust þótt ekki-fréttirnar snúist einstaka sinnum um fjallamennsku?
    Kv. SM

    in reply to: klifur?? #48717
    1410693309
    Member

    Kringum Toulon (um 100 km austur frá Marseille) eru fleiri hundruð leiðir af öllum stærðum og gerðum. Ég á topo yfir þessa staði ef þið hafið áhuga. Eitt aðalvandamálið þarna er að velja leiðir sem eru í skugga yfir hádaginn. Yfirleitt er svona 5-15 mín. gangur að leiðunum sem eru alltaf boltaðar. 60 m lína og 10 tvistar duga nánast alltaf.
    Held að það skipti vart máli hvar ykkur ber niður í S-Frakklandi, það eru klettar þar út um allt. Oft best að finna klifurbúð, kaupa sér topo af svæðinu og fá nokkur tips hjá heimamönnum. Alpaklúbburinn þarna úti (CAF) getur einnig verið hjálplegur.
    Boun chance,
    SM

    in reply to: er ekkert að frétta? #48688
    1410693309
    Member

    Hm… úr því umræðusíða Ísalp er komin niður á það plan að ræða bókarkafla og kvikmyndir get ég svo sem sagt frá þeim stórtíðindum að ég sá Touching the Void á miðv.dag, eins og fleiri. Þetta er ágætis mynd en hughrifin eru þó aðeins smámunir miðað við bókina. Það er rétt eftir að hafa lesið bókina sl. jól þorði ég vart út úr húsi. Eftir myndina get ég hins vegar alveg hugsað mér að fara svo sem eina leið í Valshamri (e.t.v. þó í toppróp).

Viewing 25 posts - 1 through 25 (of 40 total)