Vinnu- og skemmtiferð í Tvíburagil

Home Forums Umræður Ís- og alpaklifur Vinnu- og skemmtiferð í Tvíburagil

  • This topic is empty.
  • Author
    Posts
  • #45699
    AB
    Participant

    Í dag fóru Freysi, Gummi Tómasar og undirritaður í Tvíburagil. Til að gera langa sögu stutta:

    Við boltuðum Ólympíska félagið. Í heild fimm boltar, fjórir í slúttið, einn fyrir ofan sylluna.

    Sömuleiðis settum við einn bolta í flatan stein uppi á toppi.

    Svo er gaman að segja frá því að leiðin er í aðstæðum – sú eina á svæðinu. Síamstvíburinn er alveg íslaus og Tvíburafossarnir töluvert frá því að mótast almennilega. Fríhangandi kertið í Ólympíska er vel klifranlegt (fáránlega skemmtilegt klifur) og þar fyrir ofan er góður ís sem hægt er að tryggja með ísskrúfum. Við erum meira að segja búnir að hreinsa leiðina (sprunguna) af óþarfa ís. Allt tilbúið.

    Þetta er ógurlega skemmtileg leið. Allir upp eftir!

    AB

    #53546
    Siggi Tommi
    Participant

    Það er ekkert til sem heitir “óþarfa ís”… :)

    #53547
    Skabbi
    Participant

    Snillingar!

    Ég reikna með því að Ólympíska félagið hafi tekið lotur í Ólympíska félaginu að boltun lokinni?

    Ég spái því líka að Ólympíksa Félagið verði klifrað 20 sinnum hið minnsta áður en “Ævintýramaður framtíðarinnar” nær að rauðpunkta Síamstvíburann. Ekki að ég sé að letja hann/hana…

    Allez!

    Skabbi

    #53548
    Sissi
    Moderator

    Djöfull á Ævintýramaður framtíðarinnar eftir að leggja ykkur Freyza yfir lærið og klappa ykkur á kinnarnar fyrir þetta stönt…

    #53549
    AB
    Participant

    Það er kannski heldur vafasamt að berja niður ís úr leiðum þegar aðstæður eru slæmar fyrir! En í þessu tilfelli var tilgangurinn góður.

    Jú, Skabbi, við gátum ekki annað en gætt okkur á þessari gourmet-leið með nýju boltunum. Ég er ekki frá því að hún sé betri svona heldur en með löngum sling fram af syllu!

    Leiðin er í skemmtilegum aðstæðum; ísinn neðst er temmilega þunnur og því tæknilega krefjandi, klettarnir lausir við snjó og óþarfa ís (stundum myndast ís í sprungunni sem getur torveldað klifrið. Þá gæti verið ráð að síga fyrst og berja hann niður). Svo er fríhangandi kertið efst akkúrat passlega stórt.

    Þótt þessi leið sé ekki auðveld þá er öllum óhætt að prófa, enda liggja boltarnir þétt og bratti klettanna það mikill að fall er ekki áhyggjuefni.

    Ég hlakka mjög til að heyra frá þeim sem skella sér í Ólympíska félagið:

    25 mín akstur + 15 mín aðkoma + 60 mín klifur + 10 mín í bíl + 25 mín akstur heim + 15 mín eitthvað bull


    = 150 mín = 2:30 klst.

    Þetta er bara eins og að fara í ræktina!

    Kveðja,

    Andri

    #53550
    Siggi Tommi
    Participant

    Hljómar eins og plan nema það væri áhugavert að heyra hvaða bull Andri ætlar að framkvæma á þessum óræðu 15 mín í lokin. :)

    Þetta er bara snilld. Glæsilegt framtak.

    Maður verður að reyna að smella sér í nokkra tíma þarna um helgina og kannski bolta eina nýja ef færi gefst.

Viewing 6 posts - 1 through 6 (of 6 total)
  • You must be logged in to reply to this topic.