Valshamar aðgengi

Home Forums Umræður Almennt Valshamar aðgengi

  • This topic is empty.
  • Author
    Posts
  • #45782
    1704704009
    Member

    Hún hefur snarversnað staðan í Valshamri því nú verður hliðinu læst allan sólarhringinn með sérhönnuðum rafeindalykli. Engir nema bústaðaeigendur fá eintak af slíkum lykli. Gísli á Meðalfelli, eigandi landsins bað um tilslakanir til handa klifrurum að beiðni minni en fékk eigi. Lögreglan mun vera frekar hlynnt ráðstöfunum sem þessum þegar fólk aðhefst eitthvað til að verja eigur sínar og fækka innbrotum – amk. þegar sjúkralið í nágrenninu fær aðgang en það er önnur saga.
    Það er því úr sögunni að hægt sé að fara á bílum þarna inn fyrir.
    Gísli býðst á hinn bóginn til að sýna klifrurum leið framhjá hliðinu, 1 km gönguleið upp í hamarinn. Vissulega fallega gert af honum en þetta þarf greinilega að skoðast betur, hvort heldur er að útvega aðgang Ísalp að þessu hliði eða tryggja aðgengið með öðrum hætti með samvinnu við stjórn sumarbústaðafélagið. Ég ætla taka málið upp á næsta stjórnarfundi Ísalp.

    #50611
    Sissi
    Moderator

    Ljott ad heyra. Thurfum vid ad fara ad stofna Access fund? Aetlar Skuli Magg ad taka til sinna rada? Aetlar Isalp ad selja talstodvarnar og kaupa sumarbustad?

    Thegar stort er spurt…

    SF

    #50612
    Karl
    Participant

    Ef ég man rétt þá er miklum vandkæðum bundið að loka fyir umferð um veg sem e-h tíma hefur fengið fjármagn af almannafé.
    Ég veit ekki hvort svo er um þennan veg en einfaldast er að spurjast fyrir um þetta hjá Vegagerðinni.
    Ef vegurinn hefur e-h talist til almennrar umferðar þá verður að auglýsa lokunina í Lögbirtingi og fara í gegnum allskonar formsatriði.
    Ef Ísalparar hafa réttinn sín megin og sumarhúsamenn taka ekki tiltali má benda mönnum á að hægt er að fá Kínverskar boltaklippur fyrir lítið fé hjá verkfærasölum….

    …síðan er snyrtilegast að loka keðjunni aftur með eigin hengilás !!!

    #50613
    1704704009
    Member

    Vel mælt. Vonandi nær klúbburinn samt að leiða málið til lykta áður en einhver stormar uppeftir með klippur og skæri. Munið að hamarinn er ennþá galopinn öllum klifrurum þótt bílarnir hafi verið læstir úti.

    #50614
    0801667969
    Member

    Þetta minnir einna helst á ástandið í Fljótshlíðinni þar sem eignamenn úr höfuðborginni sem hafa keypt hálfa Hlíðina og hindra aðgengi með keðjum og slagbröndum.

    Maður má þakka fyrir að fá að vaða yfir Markarfljótið og aftur til baka án þess að fá kúlu í hnakkann.

    Kv. Sannur sveitalubbi undan Fjöllunum

    #50615
    0801667969
    Member

    Flúði Gunnar á Hlíðarenda ekki hingað til lands til að losna við svona ofríki annarra. Sá myndi nú aldeilis snúa sér við í gröfinni eða réttara sagt haugnum ef hann vissi hvað væri að gerast í Fljótshlíðinni og við Valshamar.

    Kv. Árni Alf.

    #50616
    1704704009
    Member

    Gunnar mun nú hafa verið fæddur á Íslandi en skrapp til Skandinavíu á fullorðinsaldri. Hann vildi heim snúa þótt hann væri mikið uppáhald hjá kóngi þannig að hvorki var nú ofríkinu fyrir að fara né flótta undan slíku. Síðan kynntist hann einstæðri móður á fertugsaldri við heimkomuna, sem var tvígift og hét hún Hallgerður. Dóttir hennar var Þorbjörg og orðin unglingur þegar Gunnar kom til skjalanna. En þetta var útúrdúr.
    Gunnar yrði afar vonsvikinn með þróun mála hér á 21. öldinni, þróttaáhugamaðurinn sjálfur. Hugsa að hann hefði kunnað vel við sig í ísklifri – með axir á lofti í friðsamlegum tilgangi. Og síðan sund á eftir. En manninn vantaði bara alla sjálfsstjórn jafnt utan heimilis sem innan og því fór sem fór.

    #50617
    0801667969
    Member

    Kannski maður rol(l)ist til lesa nú Njálu í heild sinni í stað þess að lesa bara skemmtilegustu kaflana og gera sig að fífli hér á síðunni. Takk fyrir ábendinguna Örlygur.

    Árni Alf.

    #50618
    1704704009
    Member

    Óþarfi. Myndin er komin í ógleymanlegri túlkum Margrétar Vilhjálmsdóttur og Hilmis Snæs Guðnas. Samt lítið minnst á hana Þorbjörgu unglinginn. Forvitnilegt væri að gera mynd með henni sem aðalpersónu og láta hana lýsa lífinu á frægasta bóndabæ Íslands. Fósturpabbinn gömul frjálsíþróttahetja, ekki fyllibytta en þó alltaf að skandalísera og mamman búðarhnuplari…

    Já, fyrr var oft í koti kátt.

Viewing 9 posts - 1 through 9 (of 9 total)
  • You must be logged in to reply to this topic.