Uppá fjalli, inní tjaldi..

Home Forums Umræður Almennt Uppá fjalli, inní tjaldi..

  • This topic is empty.
  • Author
    Posts
  • #44906
    Freyr IngiFreyr Ingi
    Participant

    -Festivölin

    Tvenn festivöl hafa verið haldin árlega á vegum eða allavega í samstarfi við Ísalp. Ísfestin voru mörg alveg afbragð og einn stærsti viðburður klúbbsins á hverju ári. Í fyrstu voru þetta góð og gild festivöl og má segja að fyrir marga hafi þau verið einn af hápunktum félagsstarfsins. Seinna fóru norðanmenn að efna til skíðaveislu í líkingu við ísfestin og kölluðu þeir showið sitt “Telemarkhelgi”.

    Telemarkhelgin hefur aldrei fallið niður. Veislan hefur verið færð hingað og þangað í leit að snjó en aldrei fallið niður. Líklega vegna vinnu og eljusemi mannanna sem standa að herlegheitunum, þau höfðu nefnilega drævið. Þetta dræv hefur hefur ísfestivalið vantað og matt líða fyrir.

    Því legg ég til að kosið verði í Festivalsnefnd nú í kvöld. Markmið hennar væri að standa fyrir og hlúa að þeim festum sem fyrir eru. Ekki svo að skilja nefndarmenn ættu að taka telemarkið af norðurlandsdeildinni sem hefur búið til svo sterka hefð að þar er bara alltaf búist við að 100 manns mæti á svæðið.

    Sem sagt viðurkennum festivölin sem stærstu viðburði klúbbsins og hlúum að þeim sem slíkum. Hvernig væri svo að hafa eitt Klettfest á sumri?

    -Ársrit

    Nú er svo komið að ég man ekki einu sinni lengur hvenær síðasta ársrit kom út, ekki gott. Sérstaklega þar sem þetta eru nánast einu sögulegu heimildirnar um fjallamennsku á Íslandi. Jú auðvitað höfum við internetið og Útivera er að gera ágætis hluti en er það nóg?

    Ársrit: Flottar myndir, fínar greinar, gott að fletta!

    Þetta bara verður að gerast!

    -Árshátíð

    Hérna, af hverju er ekki árshátíð í þessum félagsskap? Auðvitað á að vera árshátíð maður! Menn verða hittast og metast og berjast osfrv.

    Mér datt í hug hvort það væri ekki tilvalið að halda árshátíðina helgina fyrir eða eftir Steve House myndasýninguna sem er 12.mars.

    Allir út að leika um daginn, stutt klifur eða rennsli, og detta síðan í fjörugt geim um kvöldið.

    -Tópóar

    Er ekki komin þörf á að öppgreida Leiðarvísinn um Esjuna sem var gefinn út 1985? Eða búa til tópó af Múlafjalli? Mér finnst það og mörgum öðrum. Veit alla vega af því að menn eru byrjaðir að skeyta saman myndum til að krassa inn á hver í sínu horninu. Tópóboltinn er byrjaður að rúlla en það verður að gefa honum spark reglulega svo hann stoppi ekki, þetta er nefnilega ansi löng leið sem hann

    -Upplýsingaflæði

    Fundarskýrslur stjórnar ætti að sjálfsögðu að vera hægt að lesa á vefnum. Bara svo menn viti að eitthvað, og þá hvað sé að gerast í innsta hringnum. Kannski er þessar vangaveltur mínar til dæmis nákvæmlega það sama og núverandi stjórn er að pæla en ég hef bara ekki hugmynd um það.

    Pís át,

    Freysi

    #51126
    1709703309
    Member

    Sæll Freyr,

    Ég vil reyna að svara einhverju af þessum spurningum frá mínu brjósti.

    -Upplýsingaflæði
    Best að svara þessu fyrst. Ég er sammála og það er rétt hjá þér ef stjórnin hefði byrjað á þessu fyrir einhverjum árum þá hefðir þú betri innsýn í stjórnarstarfið (ekki illa meint : – ) ).

    -Festivölin
    Veit ekki til að ísfestivalið hafi alveg fallið niður. Merkilega við ísfestivalið er að til þess að halda það þurfa aðstæður að bjóða uppá að hægt sé að stefna tugi manns nokkuð langar vegalengdir. Til þess að freistast til að komast í góðar aðstæður hefur því verið frestað um viku í eitt skiptið (Ísafjörður fyrra skiptið) það gafst ekki vel, það varð fámennt en góðmennt (einn háskólanemi reyndar ættaður frá Ísafirði (Eiríkur), rauðbirkinn stubbur frá Akureyri (Böbbi) og löggiltur dvergur frá höfuðstaðnum (Stebbi) mættu), við nutum leiðsagnar snjóflóðabanans Rúnars Óla og félaga hans sem ég man ekki hvað heitir.

    Telemark- og Ísklifurfestival gætu í fljótubragði virðst svipuð í skipulagningu. Þau eru það að hluta en ekki að öllu. T.d. grunnatriðið aðstæður; það þarf ekki nema einn til tvo daga af óhagstæðu veðri til þess að klifuraðstæður bresta þetta tekur yfirleitt lengri tíma með skíðaaðstæður. Fyrir utan þegar búið er að stefna fólki til Akureyrar þá er hægt að skíða á Dalvík, Ólafsfirði og jafnvel Siglufirði.

    Stjórnir síðustu ári vita um mikilvægi þessara liða og hafa verið gráti næst þegar ekki hefur tekist að framfylgja áætlunum varðandi Ísklífurfestivalið. Nóg um þetta í bili.

    -Ársrit
    Stefnt er að því að Útiverumenn taki að sér útgáfu næsta ársrits.

    -Árshátíð

    Haldnar hafa verið nokkrar uppákomur síðustu ár og hefur mæting oft verið frekar dræm. Jólaglögg var haldið fyrir 3 2005 og fór fullur mannætupottur af jólaglöggi mjög illa í þá 3 sem mættu.

    -Tópóar
    Jökull Bergmann hefur sýnt því áhuga að fá að vinna að tópóum og hefur nafn Sigurðar Tómas. líka verið nefnt í þeim efnum. Ísklifurfestivalið er haldið í Kaldakinn núna til að hægt sé að fá þéttari tópó um Kaldakinn.

    Með kveðju,
    Stefán Páll

Viewing 2 posts - 1 through 2 (of 2 total)
  • You must be logged in to reply to this topic.