Sunnudagsskeyti

Home Forums Umræður Almennt Sunnudagsskeyti

  • This topic is empty.
  • Author
    Posts
  • #45234
    1704704009
    Member

    Það var ekki annað hægt en að prófa nýja North Face tjaldið sem við keyptum hjá útsölunni hjá Íslenskum fjallaleiðsögumönnum um daginn. Því héldum við fjallabræður tveir á Móskarðshnúkana á föstudagskvöld, heldur en ekki montnir af hinni dýrmætu gulu slæðu í farteskinu. Í skarðinu milli hnúkana settum við upp dýrgripinn eftir 2-3 tíma göngu. Og svo lýstum við eftir harðviðris frosti en ekkert kom því miður. Við gengum því síðasta spölinn á ysta hnúkinn á meðan við biðum hins ímyndaða storms. Mikið ofboðslega var fallegt yfir að líta af hnúknum. Klukkan rétt um 23 og borgin í öllum sínum appelsínugula ljóma. Auðvitað var skítkalt þarna og svolítið fjúk en ósköp saklaust var það allt saman. Um nóttina gerði hins vegar 14 stiga frost og ægilegar stormkviður geystust niður skarðið. Tjaldið nötraði bókstaflega í nokkrum átakakviðum, en þess á milli var allt undarlega hljótt og kyrrt. En tjaldið virkaði auðvitað pottþétt. Þökkum Ívari og ÍFL fyrir viðskiptin.

    #48215
    2806763069
    Member

    Lítið að þakka, gott að heyra að einhverjir fara enn á fjöll!

    Það er enn nóg eftir af tjöldum ef ykkur hinum vantar öruggan næturstað á fjöllum.

Viewing 2 posts - 1 through 2 (of 2 total)
  • You must be logged in to reply to this topic.