Óskað eftir þátttakendum í skólaverkefni

[1908803629]

Þessi póstur barst líka stjórnini:

Vantar smá aðstoð með skólaverkefni

Ágúst Elvar heiti ég og er nemi í ferðamálafræði við háskólann í Álaborg. Þannig er mál með vexti að ég er að vinna að masters verkefninu mínu og vantar smá aðstoð. Ég er að skrifa um markaðssetningu á fyrirtækjum inna afþreyingar og ævintýraferðamennsku og nota Ísland og fjallamennsku sem dæmi í verkefninu mínu.

Í verkefninu ber ég saman viðskiptavini ferðaþjónustu fyrirtækja t.d. Íslenskir Fjallaleiðsögumenn og Glacier Guides og ferðafélaga/klúbba, eins og FÍ, Útivist, Isalp o.s.f.v. Niðurstöður þessa samanburðar nota ég síðan til að reyna að varpa ljósi á hvernig best sé að byggja upp traust og tillit viðskiptavina til vörumerkja innan afþreyinga og ævintýra geirans.

Ástæðan fyrir þessari tilkynningu eru sú að ég er að leita að fólki, meðlimum ferðafélaga, sem væru til í að koma í viðtal hjá mér. Viðtalið snýst aðalega um hvernig meðlimir upplifa Isalp sem félagsskap/samfélag.

Ég er að leita að 4-6 persónum sem væru til í þetta. Viðtölin yrðu síðan notuð til stuðnings í verkefninu en með nafnleynd. Viðtalið fer fram í gegnum síma eða yfir netið (skype) og tekur eitthvað í kringum 30-45 mín.

Ég verð alveg ægileg þakklátur og mun hugsanlega garga úr gleði ef einhverjir eru til í þetta. Get því miður ekki boðið neitt í staðinn nema loforð um drykk ef þið skylduð ramba á mig í miðbænum og að sjálfsögðu tilfinninguna sem fylgir því að hafa hjálpað aumum námsmanni.

Þeir sem hafa áhuga og tíma til að vera með mega endilega hafa samband við mig í gegnum agustelvar@gmail.com

Með fyrirfram þökkum Ágúst

[Author]

Posts