Hvað er að frétta af ísklifuraðstæðum

Home Forums Umræður Ís- og alpaklifur Hvað er að frétta af ísklifuraðstæðum

  • This topic is empty.
  • Author
    Posts
  • #46724
    Anonymous
    Inactive

    Fór einhver að klifra um helgina???
    Olli

    #50703

    Ég var í Kerlingarfjöllum um helgina. Þar var allt pinnfrosið og lítill snjór. En þeir fossar sem voru klifranlegir virtust frekar þunnir þó ég hafi ekki skoðað þá í návígi.

    #50704
    1410693309
    Member

    Við Tómas Júlíusson fórum í gagnmerkan ískönnunarleiðangur í Kistufelli í gær. Úr varð drulluklifur með stöku klettahafti þar sem “klettarottan” Tómas sýndi óvænta takta. Á efstu brún fundum við nægan ís til að kæla drykkjarföngin. Já, við erum búnir að stimpla okkur rækilega inn fyrir sísonið!

    #50705
    Skabbi
    Participant

    Við ákváðum nokkur að gefa ísfossum á suðvesturhorninu aðeins lengri tíma til að myndast en héldum þess í stað inn að Gígjökli í upphitunarferð. Fundum prýðilegt stál og ég fullyrði að allir náðu að keyra sig út.

    Stórfínt en kræst hvað Jökullinn skreppur mikið saman milli ára, hann á ekki mörg ár eftir með þessu áframhaldi.

    skabbi

    #50706
    1108803169
    Member

    Gufunesbærinn ætti að vera tilbúinn von bráðar þ.e. pípulagningslega séð. Svo er það bara að treysta á frostið :-)

    Kveðja,
    Nils Gufunesbæjarvinnumaður

    #50707
    Arnar Jónsson
    Participant

    Skruppum í smá bíltúr/gönguferð í kaldadal. Ég fór bara hálfaleið þar sem maður jú aulaðist til að gleyma skónum heima. Þó fann Gummi þar fína snjó rás sem hann drattaðist upp og kláraði að fara alla leið á toppinn. Það var alveg vel þunnt í Birkitrénu, alveg mögulegt að klifra það en frekar risky, þó það sé aldrei að vita að það verði tilbúið fyrir klifur ferðina næstu helgi. Frostið er greynilega, nóg en það er mjög lítið af ís þarna eins og er.

    #50708
    Siggi Tommi
    Participant

    Já, kuldinn er til lítils ef ekkert er vatnið til að frysta.
    Fór enginn að skoða í Eilífsdal, Villingadal eða í Hvalfjörðinn?

    #50709

    Ég fór í bíltúr í Hvalfjörð í dag. Þar er allt að gerast. Þilið var orðið nokkuð gott en það vantar mikið uppá að það sé klifranlegt. Oríon var að byggja sig upp og kominn ótrúlega langt á leið. Stígandi í Múlafjalli komin langt með að vera nógu þykkur. Ég sá ekki inn í Glymsgil en þar er örugglega sömu sögu að segja.

    #50710
    1704704009
    Member

    Við erum að renna inn í 4 daga hlýindi á morgun og síðan fer að frysta á ný á mánudag. Af vitnisburði þeirra sem hafa viðrað sig og annarra fyrirliggjandi veðurfarsgagna kann að vera fossaklifur þurfi eins og eina viku í viðbót.

    #50711
    Gummi St
    Participant

    það eru líka myndir af trénu í Þórisjökli síðan á lau. síðasta á :
    http://php.internet.is/gummistori/lesa_frett.php?id=71
    ef þið viljið sjá það

    GF

Viewing 10 posts - 1 through 10 (of 10 total)
  • You must be logged in to reply to this topic.