Hraundranginn

Home Forums Umræður Almennt Hraundranginn

  • This topic is empty.
  • Author
    Posts
  • #46261
    Karl
    Participant

    Fyrir margt löngu fórum við Tommi, Hallgrímur, Hlynur Skagg og Jökull með viský og gestabók á Hraundrangann.
    Þessu var komið fyrir í kassa sem Jóhann Kjartansson smíðaði.
    Ég náði að safna saman í upphaflegu gestabókina allflestum uppáferðum á Hraundrangann. Listinn var birtur á fyrstu heimasíðu Ísalp og þar bættust e-h nöfn við.
    Ég á þennan lista ekki lengur sjálfur og er að velta fyrir mér hvort hægt sé að finna þessa skrá og hvort að uppáferðir undanfarinna ára séu skráðar?

    Hugmyndin var að halda utanum alla umferð á drangann.

    Það er svo skylda að hafa með sér viskí á Hraundrangann og passa vel uppá að ekki sé skilið við fleyginn öðruvísi en fullan aðf eðaldrykk….

    Kalli

    #52892
    Siggi Tommi
    Participant

    Ja, einhverjir fussuðu yfir því að verið væri að hella alls konar maltafurðum ofan í eðalmjöðinn sem einhvern tímann fór á Drangann. Ekki er ég nógu mikill fagurkeri til að geta greint hvort þarna var um óðals- eða hroðamalt á ferð minni þarna fyrir hálfum mánuði.
    Hvað segja maltunnendur um áfyllingarstefnuna, sem Kalli boðar?

    Anyway, glæsilegt framtak hjá Sveinborgu og Frasier.
    Við hreinsuðum tvo borða og nokkra prússíka úr toppakkerinu um daginn. Það væri lag að mæta með 3-4m langan vír til að slinga yfir blátoppinn því eina sem er utanum hann er gömul lína, sem farin er að láta á sjá.
    Sú lína tengist svo vírnum og öðru nylonmeti í sigakkerinu, sem er að öðru leyti utan um ekki-svo-mjög-traustan hnullung undir toppnum. Væri gott að hafa vír í báðum júnítum og tengja saman.

    Annars er ástand á fleygum í leiðinni í þokkalegu ástandi nema í millistansinum fræga (það þarf smá af eigin dóti í efri partinn). Stansinn er mjög vafasamur og góði fleygurinn (af þremur) er sá sem ég setti þarna inn fyrir 6-7 árum. Auk þess er sá stans beint í skotlínunni frá þeim sem leiðir efri partinn og því hættulegur og mæli ég sterklega með því að menn sígi ekki af honum.
    Nær væri að síga af hraustlega langa slingnum í neðri hlutanum (skilja þá eftir eitthvað járn í slingnum) til að láta 60m línu duga.
    Annars fórum við þetta um daginn á tveimur 70m línum í einni spönn og var það afar gott fyrir utan að línudrag af annarri (single-rope sportklifurlína) var óheyrilega mikið…
    Eitt sig og málið dautt!

    Myndir úr ferðinni má finna á
    http://picasaweb.google.com/hraundrangi/Hraundrangi14JN2008

    #52893
    0808794749
    Member

    Það er víst svo að hann Tryggvi litli tók að sér að rýna í tætlurnar sem voru eftir af síðustu gestabók. Skilst mér að hann hafi þegar endurritað bókina…
    Fyrri bókin er svo líkast til í fórum Jökuls Bergmanns. Spurning hvort hann þiggi hjálp við að finna hana.
    Væri gaman að setja saman þessar bækur allar og halda utan um upp-áferðir.
    Gummi stóri skildi t.d. eftir sig nafnspjald þar sem engin var gestabókin er hann fór upp þann 1. júní. Gummi: Það komst til skila.

    Þess má geta að það pelinn hefur verið fylltur með 12 ára gömlu Chivas Regal. Gerum að sjálfsögðu ráð fyrir að fjöldinn fylgi okkar fordæmi og fylli á með sama stöffi.

    Gleðilegar Dranga-stundir

    #52894
    Siggi Tommi
    Participant

    For the record (ef Sveinborg er að logga það sem á vantar), þá var s.s. ég þarna uppi ásamt Eiríki Geir Gunnarssyni og Hilmar Kristjánssyni þann 14. júní 2008. Ekki skildum við eftir spjald og engin var bókin…

    #52895
    Anonymous
    Inactive

    Var pelinn fylltur af blönduðu glundri í stað þess að vera fylltur með eðal óblönduðu skosku víni????

    #52896
    Sissi
    Moderator

    Nú segir skyggnigáfan mér að Haraldur Guðmundsson komi inn með fyrirlestur um Finest blend vs Single malt (ísl. fínustu blöndu / einmöltung)

    Sá einhver Fruit of the Loom bolinn?

    #52897
    0206862359
    Member

    Það passar ég endurskrifaði bókina á tölvutækt.
    Þessi skrif mín eru samt með þónokkrum eyðum í og kannski væri ekki vitlaust að birta þetta hérna á síðunni þannig að menn gætu fyllt inn í það sem bleytan afmáði og ill ómögulegt var að lesa.

Viewing 7 posts - 1 through 7 (of 7 total)
  • You must be logged in to reply to this topic.