- This topic is empty.
-
Posts
-
Fræðsluefni um boltun klifurleiða er torfundið en úr því hefur nú verið bætt.
Grein sem ég tók saman um þetta efni er nú aðgengileg á heimasíðu Klifurhússins. Greinin miðast við aðstæður á Íslandi og er komið inn á ýmsa þætti sem snúa að boltun svo sem siðferði, aðferðir og efnisval.
Þótt hún gagnist kannski fyrst og fremst þeim sem bolta eða hafa hug á að bolta leiðir þá kann hún einnig að nýtast hverjum þeim sem stunda klifur.
Greinina, sem er á pdf-formi, er hægt að hlaða niður hér:Ég er nú ekki endilega sammála því sem sagt er um heit-galvaniseraða bolta og ryðfríar hengjur enda er tæringin sem sýnd er á myndinni ekki vegna mismunandi spennu-raðar efnana heldur vegna þess að zinkið hefur marist af og endinn á boltanum hitnað þegar hann var barinn inn. Róinn, boltinn og skrúfgangurinn eru ótærð enda varin zinki. Svona bolta/hengju samsetning hefur í flestum tilfellum enst í yfir 20 ár sem ætti að vera sá tími sem boltar eru endurkoðaðir og yfirfarnir hvort sem þeir eru ryðfríir eða ekki.
Takk fyrir viðbrögð Hrappur.
Skoðanir eru skiptar og gott að halda því á lofti. Varðandi heitgalvaniseringuna þá er málið að vísu ekki svona einfalt. Mér hefur ekki tekist að finna gamla heitgalvaniseraða bolta sem hafa verið í snertingu við ryðfrítt stál án þess að gefa eftir. Tek þó vel á móti ábendingum hvar ég get fundið slíkt.
Fræðilega séð á sink varinn bolti úr karbon-stáli (heitgalviniseraður) alveg að geta tapað sink-húðuninni á kafla (t.d. þegar hann er barinn inn) án þess að tærast. Sinkhúðunin virkar þá sem anóða og gefur frá sér rafeindir og óvarið stálið í boltanum á þá ekki að tærast þótt það standi bert. Einfalt dæmi um þetta eru skrokkar skipa og báta auk bryggjuþilja þar sem anóður úr sinki, áli og magnesíum eru festar á hér og þar til fórnar. Öðru máli gegnir um bolta og augu þar sem annað hvort er úr ryðfríu eða áli en hitt úr heitgalvaniseruðu. Slíkt gengur ekki upp nema í takmarkaðan tíma. Það er því ekki að ástæðulausu sem að framleiðendur akkera og augna benda mönnum á að gera þetta ekki.
- You must be logged in to reply to this topic.