BANFF kvikmyndahátíðin 2016

(VEFUR HÁTÍÐARINNAR)

Nú er komið að kvikmyndarviðburði ársins þegar Íslenski alpaklúbburinn heldur BANFF hátiðina hátíðlega í Háskólabíói, dagana 24. og 26. maí. Að þessu sinni sjá Íslenskir fjallaleiðsögumenn og GG sport um að gera þessa hátíð mögulega fyrir okkur.

Að vanda er af nægu að taka og ættu flestir útivistar og jaðarsports iðkendur og áhugamenn að finna eitthvað við sitt hæfi. Klettaklifurlifur, ísklifur, skíði, parkour, straumkayak, paragliding, alpine-ismi og fleira.

Sýningar verða í háskólabíó klukkan 20:00 þann 24 og 26 maí.

Ekki láta þig vanta á þessa mögnuðu hátíð, sjá nánar á hér

Miðasala opnar innan skamms

Rannsókn á viðhorfum útivistarfólks til miðhálendisins

Óskað hefur verið eftir þáttöku félagsmanna Alpaklúbbsins í rannsókn sem er hluti af meistaraverkefni Michaels Bishops. Endilega smellið á hlekkinn hér að neðan og svarið spurningunum.

Hér með er vinsamlegast óskað eftir þátttöku félagsmanna Íslenska Alpaklúbbsins í rannsókn á viðhorfum útivistarfólks til miðhálendis Íslands.

Rannsóknin er hluti af mastersverkefni mínu í landfræði við Savoie Mont-Blanc háskóla í Frakklandi. Í vetur hef ég stundað nám sem skiptinemi við Háskóla Íslands og fékk þá mikinn áhuga á málefnum miðhálendisins. Þar sem megnið af fyrirliggjandi rannsóknum á hálendinu hefur snúið að erlendum ferðamönnum, ákvað ég að beina minni rannsókn að íslensku útivistarfólki.

Markmið rannsóknarinnar er að kanna viðhorf til miðhálendis Íslands á meðal íslensks útivistarfólks sem og viðhorf þess til stofnunar þjóðgarðs á miðhálendinu. Í rannsókninni er sérstaklega horft á eftirtalda þrjá þætti:

–       hvernig skynja svarendur miðhálendið og gildi þess?
–       hvernig skilgreina þeir mögulegar ógnir gagnvart miðhálendinu?
–       hver eru viðhorf þeirra til hugmynda um stofnun þjóðgarðs á miðhálendinu?

Rannsóknin felst í netkönnun með rétt um 25 spurningum. Könnunin er nafnlaus og því verður ekki unnt að rekja svör til einstakra þátttakenda. Æskilegt er að þátttakendur svari öllum liðum könnunarinnar en þeir geta þó sleppt því að svara einstökum spurningum, kjósi þeir þess. Það tekur um það bil 15 mínútur að svara könnuninni.

Til þess að markmið rannsóknarinnar náist er afar mikilvægt að fá svör frá stórum og breiðum hópi íslensks útivistarfólks. Ég bið þig því vinsamlegast að framsenda bréf þetta til félagsmanna í þínum samtökum. Boðsbréf um þátttöku í rannsókninni hefur verið sent til forsvarsmanna tíu íslenskra útivistarsamtaka sem til samans ná yfir helstu hópa útivistarfólks á miðhálendinu. Eins og í öllum rannsóknum sem þessum er góð þátttaka mikilvæg forsenda fyrir áreiðanlegum niðurstöðum og því vonast ég til þess að sem flestir meðlimir í Íslenska Alpaklúbbnum muni taka þátt.

Hægt verður að svara netkönnuninni á tímabilinu 27. apríl til og með 6. maí, það er í tíu daga. Æskilegt er að þátttakendur svari könnuninni sem fyrst, það flýtir fyrir úrvinnslu niðurstaðna. Hér að neðan er hlekkur á könnunina:

https://utivistarfolkamidhalendinu.typeform.com/to/V25Snj

Rétt er að vekja athygli á því að þetta er fyrsta rannsókn sinnar tegundar á Íslandi. Með þátttöku í henni gefst svarendum ekki aðeins kostur á að leggja vísindunum lið heldur einnig að koma skoðunum sínum um stöðu og framtíð miðhálendisins á framfæri.

Skýrsla um könnunina og niðurstöður hennar verður send til allra félagasamtaka sem leitað hefur verið til þegar verkinu er lokið og einnig gerð aðgengileg á veraldarvefnum.

Kærar þakkir fyrir aðstoðina og bestu kveðjur,

Michaël Bishop
(netfang: mvb3@hi.is)

Tilraun við Skarðsheiðarþrennuna

Eftir að ég og Katrín vorum búin að klifra leiðina Jóka Póka í Skarðshorni árið 2015 byrjaði Katrín að viðra þá hugmynd við mig að reyna að klifra Heiðarhorn, Skarðshorn og Skessuhorn á einum degi. Þetta hefur tvisvar verið gert áður, fyrst af Palla Sveins og Guðmundi Helga árið 1993 og svo af Robba og Sigga árið 2008. Mér leist strax vel á þetta verkefni enda er klifrið í Skarðsheiði skemmtileg blanda af fjallamennsku, alpaklfri og ísklifri.

Ári seinna ákváðum við að leggja í verkefnið, stefnan var sett á apríl en þar sem Katrín átti að skila meistararitgerðinni sinni í apríl þá gekk okkur illa að finna dagsetningu. Loks gafst  tími til þess að fara þann 30 apríl. Veðurspáin var í besta falli ágæt en þar sem við vorum að renna út á tíma ákvaðum við að drífa okkur.

Við lögðum af stað úr bænum klukkan 04:00 og í bílnum á leiðinni virtum við fyrir okkur skýið sem huldi Skarðsheiðina og dalalæðuna sem 1. Heiðarhorn að rífa af sérskreið niður hlíðarnar. Þetta leit ekki alveg nógu vel út, en við vorum spennt fyrir verkefninu og komin á fætur þannig að við urðum allavega að kíkja á þetta. Þegar við vorum búin að keyra upp slóðan ánorðanverðri Skarðsheiðinni og komin að veðurstöðinni á Miðfitjarhól þá var svarta þoka yfir öllum leiðinum. Það var verra því hvorugt okkar hafði klifrað Heiðarhorn áður og það átti að vera fyrsti tindurinn hjá okkur. Við tóku 20 mínútur þar sem við leituðum að myndum af Jónsgili svona til þess að geta ýmindað okkur hvar í fjallinu leiðin væri. Allt í einu opnaðist smá gluggi og við sáum hvar leiðirnar voru og gátum byrjað að labba.

2. Katrín soló-ar upp fyrsta haftið í Jónsgili í HeiðarhorniGangan upp að leiðinni gekk vel og við vorum komin undir leiðinna 3. Ottó að koma upp í 2 stans í Jónsgiliklukkan 07:00. Klifrið gekk vel en ég stóð í þeirri trú að þetta ætti að væri bara auðvelt snjóklifur með auðveldum íshöftum. Eitthvað var ég að vanmeta þess leið þar sem þriðja spönnin bauð upp á 10 metra snís/ísfrauð haft sem var eflaust mis erfitt, frá WI3 upp í WI4+, en eini tryggjanlega leiðin upp var WI4+ sem var upp við klett sem tók við bergtryggingum. Til þess að gera þetta enn betra þá var ísinn morkinn og laus frá klettinum. Svo tók 4 og síðasta spönnin við sem var 20-30 metra auðklifranlegt snís/ísfrauð með hengju í lokin. Maður gat sett inn skrúfur til þess að róa taugarnar,4. Katrín komin undir hengjuna í Jónsgili efa að þær hefðu haldið falli en það var auðvelt að koma fyrir góðum snjóhælum. Hengjan var óklifranleg á löngum kafla en við náðum að rata á einn af þessum fáu stöðum þar sem hægt var að moka sig í gegnum hana.

 

6. Toppamynd á HeiðarhorniVið vorum bæði komin upp á topp á Heiðarhorni klukkan 10:40 en5. Búlluborgari á toppi Heiðarhorns þar tók við matarpása þar sem ég fékk mér Búllu borgara. Borgarinn rann ljúflega niður og við fórum að fikra okkur meðfram toppnum í átt að Skarðshorni. Það var blindaþoka þarna uppi og það var ákveðin heppni að ég hefði verið í Skarðshorni um mánuði fyrr því ég gat fundið track í GPS úrinu sem við gátum labbað inn á. Gangan yfir tók okkur lengri tíma en við heldum og þegar viðvorum komin að Skarðshorni byrjaði að snjóa. Niðurgöngugilið austan við Skarðshorn er ein af þessum brekkum sem þú rétt nærð að labba beint niður en þú ert alltaf með lífið í lúkunum því brattinn er þannig að ef þú dettur þá eru litlar líkur á að þú náir að stoppa 7. Katrín að labba fyrri ferð niður niðurgöngugilið hjá Skarðshorniþig. Það var niðurdrepandi að hugsa til þess á leðinni niður að maður þyrfti síðan að labba aftur niður þessa brekku seinna sama dag.

 

8. Ottó leggur af stað upp Sóley í SkarðshorniVið vorum komin fyrir neðan leiðina um 12:00 bæði frekar mikið búin á því. Fyrsta spönn í Dreyra var orðin skuggalega þunn og ákvaðum við því frekar að fara leiðina Sóley sem sameinast að vísu Dreyra. Þar sem við þurftu að gefa í ákvaðum við að ég tæki fyrstu spönn og myndi reyna að ljúka henni á hlaupandi tryggingum, það endaði með því að við tókum örugglega um 20 metra erfitt klifur á hlaupandi tryggingum. Eftir stutta pásu í fyrsta stansi lagið Katrín af stað í aðra spönn en þá gerðist það sem allir ísklifrarar óttast, Katrín datt eftir 4 metra án þess að vera búin að setja inn tryggingu. Fall beint í megintryggingu sem samanstendur af tveimur skrúfum í morkinn ís hljómar einfaldlega bara ekki nógu vel. Stansinn var efst í snjóbrekku beint fyrir neðan nokkuð lóðrétt haft, Katrín lenti því í snjóbrekkunni í svipaðri hæð og akkerið og rann þaðan 4 metra niður fyrir akkerið með hausinn á undan.

 

 

Katrín stóð nánast strax upp og sagði að 9. Katrín fótbrotna í þriðja stansi í Skarðshorniþað væri allt í lagi með sig, hún hélt ennþá á báðum öxunum 10. Ottó að koma upp í þriðja stans í Skarðshorniog klifraði upp til mín. Í adrenalínvímunni vildi hún fara strax aftur af stað og leiða spönnina en eftir stutta pásu þegar adrenalínið var aðeins farið að renna af henni kom í ljós að hún hafði meitt sig töluvert í ökklanum. Eftir að hafa tekið smá tíma til þess að jafna okkur og fullvissa okkur um að Katrín væri ekki mjög slösuð tókum við þá ákvörðun um að klára upp leiðina frekar heldur en að síga niður. Ég leiddi því næstu spönn en þegar Katrín kom upp í annan stans heimtaði hún að fá að leiða 3 spönn. Katrín gerði stans upp á Skarðshrygg, undir frauðinu sem yrði venjulega síðast spönn upp á topp. Þegar ég kem upp til hennar þá er verkurinn í ökklanum búin að aukast töluvert og við tókum þá ákvörðun að beila út úr leiðinni og segja þetta gott í dag.

11. Búlluborgari #2 upp á SkarðshorniVið tókum okkur matarpásu áður en við gengum niður, búlluborgari nr. 2 var ekki síðri heldur en sá fyrri (ætli þeir séu til í að sponsera mig?). Þegar við vorum búin að borða þá var verkurinn í ökklanum hjá Katrínu búin að aukast enn meir og það orðið nokkuð augljóst að við tókum rétta ákvörðun um að segja þetta gott í dag. Ég þurfti að síga Katrínu niður brattasta hlutan af niðurgöngugilinu 12. Katrin að fara seinni ferðina niður niðurgöngugilið hjá Skarðsheiðiog haltrið út í bíl tók 3,5 klst. Ég nýtti tímann til þess að rölta undir leiðina og reyna að finna snjóhæl og ískrúfu sem duttu af beltinu hennar Katrínar við fallið. Snjóhællinn fannst en ekki skrúfan.

 

13. Katrin ætlar sko að klára missionið einn daginn!!

Þó að við höfum bara klárað tæplega tvær leiðir af 3 þá er þetta einn erfiðasti klifurdagur sem ég hef upplifað. Engu að síður þá erum við bæði spennt til þess að gera aðra tilraun seinna og klára verkefnið.

 

 

Á mánudeginum fór Katrín til læknis og þá kom íljós að hún hafði öklabrotnað. Katrín fær því hörkutólaorðuna fyrir að klára upp leiðina og labba niður í bíl.

Ottó Ingi Þórisson
03.05.2016

(English) Pinnacle Club / BMC International Womens Climbing Meet

Þessi grein er ekki til á íslensku. For the sake of viewer convenience, the content is shown below in the alternative language. You may click the link to switch the active language.

Mynd frá BMC International Winter Meet 2016. Það var of hlýtt í fjöllunum fyrstu daganna svo leitað var til strandarinnar í dótaklifur.
Mynd frá BMC International Winter Meet 2016. Það var of hlýtt í fjöllunum fyrstu daganna svo leitað var til strandarinnar í dótaklifur.

Íslenska Alpaklúbbnum hefur boðist að senda tvo meðlimi á einstakan viðburð í Bretlandseyjum 12.-19. júní næstkomandi. Kvennaklifurfélag Bretlands The Pinnacle heldur í samstarfi við The British Mountaineering Council alþjóðlegt dótaklifur festival í Llanberis Pass, einum þekktasta klettaklifurvettvangi Bretlands. Þetta er kjörið tækifæri fyrir konur sem vilja læra meira í klettaklifri og sér í lagi dótaklifri þar sem bretar eru einna þekktastir fyrir dótaklifur.

Alþjóðleg klifurfestivöl eru líka einstök tækifæri til að kynnast klifrurum frá öðrum löndum en þar koma saman klifrarar frá öllum heimshornum, aldursflokkum og hæfileikastigum. Festivalið stendur yfir í 6 daga og verður gist í klifurskálanum Ynys Ettws Hut sem er í eigu The Pinnacle. Klifrað verður alla daga ef veður leyfir og að venju þá er erlendum klifrurum parað með breskum sem þekkja svæðið. Bresku klifrararnir eru þó ekki leiðsögumenn heldur klifurfélagar og eru ákvarðanir um klifurleiðir teknar í sameiningu sem og klifrið sjálft. Í lokin er svo haldið gott partí.

Mælt er með því að umsækjendur hafi reynslu af náttúrulegum bergtryggingum og að setja upp akkeri. Haldið verður kliník í því fyrsta morguninn á festivalinu en betra er að koma ekki alveg af fjöllum í þeim efnum.

Umsóknir skulu berast isalp@isalp.is fyrir 26. mars og endilega hafið samband ef óskað er eftir frekari upplýsingum.

Hér er blog um seinasta alþjóðlega kvennafestivalið árið 1984 og myndband frá seinasta alþjóðlega dótaklifurfestivali BMC árið 2013

Ísklifurpartý í Gufunesi á morgun, föstudag!

Nú er Gufunesturninn dottinn í aðstæður og því tilvalið að stökkva á hann áður en að næsta lægð kemur.

Planið er að byrja klukkan 19:00 á föstudagskvöldið, teknir verða tímar á þeim sem vilja til klukkan 20:30. Um 21:00 verður útsláttarkeppni milli einstaklinganna með átta bestu tímana, þar til einn stendur eftir sem hraðaklifurmeistari Ísalp.

Til stendur að vera með grill í gangi, pulsur og meðlæti og einnig skemmuna við hliðina á og klósettaðstöðu.

Stjórn lofar partýmússík, flóðlýsingu og gógó-dönsurum.

Ekki láta þig vanta á þennan magnaða viðburð!

Ísklifurfestival 2016: gott veður og góðir vinir

12698483_10153552352664302_6334417868836987156_o

Nú er helgin liðin og árlega ísklifurfestival ÍSALP afstaðið. Um það bil 37 klifrar mættu í Kaldakinn helgina 12. – 14. febrúar og nutu þar einstakrar gestrisni heimamanna við býlið Björg.

Spáin hans Hlöðvers um gott veður stóðst að venju og lék veðrið við okkur alla helgina. Hitastigið var oftast rétt um frostmark yfir daginn og stöku sinnum sást meira að segja til sólar. Meðan maður stóð við ströndina og sleikti sólina mátti maður spyrja sig hvort hér væri í raun um ísklifurfestival að ræða. Gildir klifrið ef maður drepst ekki úr naglakuli á leiðinni? Reynsla klifraranna náði yfir allan skalann, allt frá grænum byrjendum í vetrarklifur ofurhetjur og skemmtu sér allir konunglega enda um nóg að velja í Kaldakinn.

Klifrað var alla daga og í öllum sektorum svæðisins. Vinsælast var fjöruborðið við svæðið Glassúr þar sem nærri allar mögulegar leiðir og afbrigði voru farin um helgina. Helst má nefna þar frumferðir Albert Leichtfried og Benedikt Purner á ísfossunum sem liggja út í sjóinn. Þar tímasettu þeir sig vel og sprettu á milli alda til að ná upp í Sex on the Beach WI5+ og Shooters WI4+. Matteo Meucci og Halldór Fannar reyndu einnig við nokkrar frumferðir á svæðinu en að góðri íslenskri venju kom í ljós að þetta hafði allt verið farið fyrir langa löngu.

Af öðrum svæðum má helst nefna frumferðir Albert Leichtfried og Benedikt Purner á X-files WI6/M6 í Stekkjastaur sektor og frumferð Arnars Þór Emilssonar og Sveins Eydals á Stönthrút WI4 meðan Freyr Ingi Björnsson og Haukur Már Sveinsson frumfóru Salómon Svarti WI4/5. Stekkjastaur sjálfur var klifraður einu sinni yfir hátíðina af Albert og Benedikt enda í mjög þunnum aðstæðum. Gáfu þeir honum WI6/6+ í núverandi ástandi. Sektor Girnd fékk fáar en góðar heimsóknir og voru þar frumfarnar tvær nýjar leiðir. Matteo Meucci og Halldór Fannar fóru leið sem þræðir nýtt kerti hægra megin við Upprisu Svínanna og fékk leiðin gráðuna WI5+. Albert og Benedikt létu sig ekki vanta og fóru nýja leið á milli Kostulega Postula og E300 sem nefnist Have no fear, have a skyr M7. Einnig má nefna að farnar voru leiðirnar Drífa, Íssól, Hlæjandi Fýlar, Faðir og Sonur, Dramb, Heimasætan ofl. fengu allar heimsóknir.

Á kvöldin var boðið upp á ljúffengan mat að Björgum og á laugardagskvöldið var einnig boðið upp á harmónikku- og gítar undirspil. Eftir að kláruð voru 6 lambalæri og öllu skolað niður með Kalda í boði Kalda þá hélt Albert fyrir okkur myndasýningu úr seinustu ferð hans og Benedikts til Tíbet en myndirnar voru teknar af ljósmyndaranum Elias Holzknecht sem var einnig á svæðinu.

Kærar þakkir til Hlöðvers, Jónu og allra á Björgum sem og allra sem lögðu leið sína norður til að njóta helgarinnar með okkur.

 

Skráning á Ísklifurfestival 12.-14.feb hafin

 

Mynd: Arnar Emilsson
Mynd: Arnar Emilsson

Ísklifurfestival klúbbsins verður haldið í Kaldakinn. Skráning er hafin og fer fram á þessum umræðuþræði. Þar koma einnig fram verð fyrir gistingu og mat. Við mælumst til þess að fólk skrái sig sem fyrst svo staðarhaldarar geti undirbúið sig sem best. Eins og alltaf munu aðstæður á endanum ráða hvort af festivalinu verður. Skráningin gildir því með þeim fyrirvara að að festivalinu verði.

Verði aðstæður óhagstæðar verður fundinn annnar staður með stuttum fyrirvara.

Jólaklifur í Múlafjalli

Jólaklifurdagur Ísalp er orðinn fastur liður klifrarans í jólaundirbúningnum. Á laugardagsmorguninn fylltu Ísalp meðlimir bensínstöðina við Ártúnshöfða, gripu með sér kaffibolla og héldu inn í Hvalfjörð. Litla bílaplanið neðan við Múlafjall var fullt af bílum en þegar mest lét voru bílarnir 21 talsins.

Þrátt fyrir rok var góð stemning í fjallinu og aðstæður nokkuð góðar. Flestir héldu sig í leiðunum í niðurgöngugilinu þar sem ofanvaðslínum frá ÍFLM var komið fyrir og byrjendur fengu að spreyta sig. Aðrir héldu í önnur svæði í fjallinu en hópar klifruðu bæði Rísanda og Stíganda

Talið er að milli 40 og 50 manns hafi látið sjá sig á laugardaginn sem verður að teljast mjög góð mæting. Sérstaklega var gaman að sjá hve margar stelpur mættu.

Um kvöldið fjölmenntu Ísalp meðlimir á Sólón í útgáfupartí til að fagna nýju ársriti Ísalp. Ársritið fékk góðar viðtökur og þótti einkar glæsilegt.

Íslenski Alpaklúbburin þakkar öllum sem mættu.

Jólaklifur og Úgáfupartí!

Jolaklifur2015Hið árlega jólaklifur ÍSALP verður haldið í Múlafjalli laugardaginn 19. desember!
Nú heldur gleðin þó áfram langt fram á kvöld því eftir herlegheitin efnum við til ÚTGÁFUPARTÍS FYRIR NÝTT ÁRSRIT ÍSALP! Eintök verða á svæðinu fyrir þá sem vilja fá þau glóðvolg úr prentvélunum.

Teitið um kvöldið hefst klukkan átta á efri hæð Sólon í miðbæ Reykjavíkur. Um að gera að mæta snemma til að tryggja sér brakandi ferskt ársrit og ókeypis bjór á krana. Klukkan níu verður haldið skemmtilegt pub quiz með fjallaþema!

Nokkrar nýjar leiðir hafa verið kynntar til sögunnar í Múlafjalli á undanförnum vikum og mun ÍSALP setja upp ofanvaðslínur í nokkrar leiðir. Allir ættu því að finna sér eitthvað við hæfi!

Lagt af stað klukkan 09:00 frá Select (Ártúnshöfða) fyrir þá sem vilja vera í samfloti upp að Múlafjalli.

Hvetjum við til þess að fólk sem langar að prófa sig áfram í ísklifri en vantar félaga eða einhvern búnað láti endilega sjá sig! Jólin eru hátíð allra, líka ísklifrara.

Kv, Stjórn

Jólahlaðborð Fjallakofans

Tom King í ölpunum.

Fjallakofinn ætlar að halda jólin hátíðleg með félagsmönnum ÍSALP næsta fimmtudag (3.12.)

Góður afsláttur verður í boði fyrir þá sem hyggja á að gefa vinum og vandamönnum góða fjallapakka um jólin! Nú eða bara fyrir þá sem vantar meira dót!
Guð má vita að maður getur alltaf átt meira dót.
Hér má lesa skemmtilega grein frá félagsmanni Tom King um jólagjafalista klifrara.

20% afsláttur verður á ÖLLUM fjallafatnaði!
20% afsláttur verður á ÖLLUM járnavörum!
25% afsláttur verður á ÖLLUM klifurtúttum!
25% afsláttur verður á ÖLLUM ísöxum og broddum!!

Hvílíkar tölur! Mér er strax illt í veskinu..

Jólahlaðborð

Dry-tool reglur Klifurhússins

ÍSALP-arar geta klifrað á ísöxum í Klifurhúsinu og hafa gert það í mörg ár. Nú er loks búið að negla niður reglur um hvenær megi klifra, hverjir eigi forgang í leiðir, hvaða útbúnaðar sé krafist o.s.frv. Reglurnar eru hér að neðan.  Við biðjum félagsmenn að fylgja þessum reglum.

Hinar heilögu BÍS reglur Klifurhússins

1. BÍSklifur er leyfilegt á eftirfarandi tímum:

  o Mánudagar 21:30 – 23:00

  o Miðvikudagar 21:00 -23:00

o Alla virka daga frá 12:45-13:30

2. Til þess að hægt sé að klifra eftir 22:00 (hefðbundinn opnunartíma) þarf að vera ábyrgðarmaður í hópnum.

o Ábygðarmaður þarf að vera samþykktur af framkvæmdastjóra og listi yfir ábyrgðarmenn er á skrá hjá vaktmanni.

o Vaktmaður gengur úr skugga um að ábyrgðarmaður sé á staðnum og skráir ábyrgðamann hverju sinni.

3. BÍSklifur er afmarkað við hellasvæði og klifurvegginn vinstra megin við leiðsluklifurvegginn.

o Engar bísleiðir annars staðar, til að lágmarka snertifleti milli klifrara og bísklifrara

4. Bísklifrarar verða alltaf með mottu undir þegar þeir klifra, til að vernda dýnuna.

5. Mikilvægt er að hafa í huga að þó að það sé skilgreindur tími fyrir BÍSklifur þá þýðir það ekki að BÍS hafi forgang. Hér gildir sama regla og áður, klifrari bíður þar til komið er að honum/henni að klifra.

o Aftur á móti, skyldi vera sérstaklega fjölmennt í Klifurhúsinu, fá klifrarar forgang.

BÍS mót (Dry-tool) á morgun, laugardaginn 24.okt

Mynd: Guðlaugur Ingi Þórisson
Mynd: Guðlaugur Ingi Þórisson

Marga er farið að klæja í fingurna eftir að grípa almennilega í axirnar enda farið að kólna í veðri. Því verður haldið fyrsta fyrsta BÍS mót vetrarins laugardaginn 24. október kl. 18 í Klifurhúsinu, Ármúla. Fullt af leiðum verða settar upp og eru allir hvattir til þess að taka þátt og vera með. Eftir klifrið verður dreypt á öli og hetjusögur sagðar frá síðasta vetri.

Búnaðarbasar í kvöld!

GrandBazaar-1
Frægasti basar í heimi (Gran bazaar í Istanbúl)

Í kvöld, fimmtudaginn 22 október kl. 20 verður hinn árlegi Búnaðarbasar Ísalp haldinn í húsnæði Flugbjörgunarsveitarinnar við Reykjavík. Nú er tækifærið til að gera góð kaup – eða selja útivistarbúnaðinn sem þú hefur aldrei notað! Seljendum er bent á að mæta hálftíma fyrr og stilla upp tímanlega fyrir opnun. Allir velkomnir, ekki missa af þessu og muna að koma með reiðufé. Látið orðið ganga!

Háfjallaskíði – myndasýning Halla Kristins

Halli Kristins í fullum skrúða

Á miðvikudaginn í næstu viku, 21.október. Mun Hallgrímur Kristinsson halda myndasýningu fyrir Ísalpara og aðra gesti. Hallgrimur Kristinsson hélt í júní á fjallið Muztagh Ata í Kína (7.600 m) og dvaldi þar í mánuð. Það sem meira er: Hallgrímur (Halli) reyndi að toppa fjallið á fjallaskíðum. Í ferðinni skíðaði hann hærra en nokkur annar Íslendingur.  Miðvikudaginn næsta mun hann bjóða félögum ÍSALP og öðrum upp á stórskemmtilega og fróðlega frásögn með flottum myndböndum af þessari frábæru ferð. Allir að mæta!

Uppfært: Myndasýningin tókst afar vel. Rúmlega 30 manns mættu og smituðust af ævintýraanda Hallgríms.

 

Ný heimasíða komin í loftið!

 

ÍSALP
Stardalsdagurinn 2013

(Leiðbeiningar neðst)

Um nokkurt skeið hafa heimasíðumál klúbbsins verið í lamasessi og var það fyrsta verkefni nýrrar stjórnar, þegar hún tók við í febrúar 2015, að ráða bót á þeim. Við lögðum upp með nokkur markmið:

Í fyrsta lagi langaði okkur að koma upp rafrænum gagnagrunni um ís- og alpaklifurleiðir á Íslandi, enda er það eitt af hlutverkum Alpaklúbbsins að halda utan um og varðveita sögu fjallamennsku á Íslandi. Í stað þess að finna upp hjólið var valin sú farsæla lausn að byggja síðu í samstarfi við Klifur.is, en þar má nú þegar finna leiðarvísi um klettaklifur á Íslandi. Nú þegar hafa tæplega 400 leiðir verið skráðar í gagnagrunn ÍSALP og ljóst að aðgengi að leiðaupplýsingum er orðið betra en nokkru sinni fyrr. Nú er einnig komið haldreipi fyrir ráðvillta erlenda klifrara sem eiga í vandræðum með að hafa upp á ársriti Alpaklúbbsins frá 1988 til að skoða leiðaúrvalið í Skarðsheiði o.s.frv.

Í öðru lagi bundum við vonir við að bjarga spjallþráðum af fyrri heimasíðum klúbbsins, enda mikilvæg heimild um starf klúbbsins og afrek klúbbfélaga í gegnum árin. Þetta tókst og á síðunni er nú hægt að fletta í gegnum umræður Ísalpara allt frá árinu 2002. Að vísu vantar enn umræðuna tvö síðastliðin ár, en með svolítilli handavinnu mætti bjarga henni fyrir horn. Með því að smella á stækkunarglerið á forsíðunni er hægt að leita í spjallinu.

Ný innlegg birtast á forsíðu síðunnar og á það bæði við um fréttir/tilkynningar og þegar ný leið eða klifursvæði eru skráð í gagnagrunninn. Hugmyndin á bak við það er að halda forsíðunni lifandi og að fljótlegt sé að sjá hvort eitthvað nýtt sé að „frétta“.

Frábær nýjung er dálkurinn „Nýjustu aðstæður“, en þar er komin góð og fljótleg leið til að miðla fréttum af ísklifuraðstæðum innan klúbbsins. Fréttir af aðstæðum eru skráðar sem athugasemd við tiltekna leið og birtist hún þá í aðstæðudálknum á forsíðunni. Við settum inn nokkur dæmi til glöggvunar. Dálkurinn er dálítið furðulegur eins og er, en það verður lagað!

Heimasíðuna er bæði hægt að hafa á íslensku og ensku. Skipt er á milli tungumála neðst á síðunni (í footernum). Til stendur að setja ársrit ÍSALP frá upphafi inn á síðuna á .pdf formi. Sennilega verða þau höfð ókeypis og opin almenningi.

Síðuhönnuður er Jafet Bjarkar og kunnum við honum bestu þakkir fyrir gott samstarf.

Að endingu óskum við klúbbfélögum til hamingju með síðuna!

f.h. stjórnar, Helgi Egilsson, formaður ÍSALP.

Leiðbeiningar:

  1. Ef þú áttir aðgang að gömlu síðunni er hann vonandi til ennþá (einhverjir notendur týndust í spamhaug). Til að endurvekja aðganginn ferðu í Skrá inn og síðan Týnt lykilorð? og skráir inn netfangið þitt. Þá verður nýtt aðgangsorð sent á það netfang. Ef þú manst ekki hvaða netfang þú notaðir er hægt að finna út úr því með því að hafa samband við einhvern með admin aðgang, eða senda póst á stjorn hja isalp.is
  2. Nýir notendur fara í Skrá inn og Nýskráning.
  3. Til að skrifa inn á spjallið er farið í „+Nýtt“ efst á skjánum vinstra megin.

Gestabók Hraundrangans komin til byggða

 

Bókasafni ÍSALP var nýverið afhent gestabók af tindi Hraundrangans í Öxnadal. Í bókina eru skráð nöfn þeirra sem komu við á tindinum frá jóladegi 1993 og til 24.júní 2001, en þá var blautri bókinni bjargað úr gestabókarkassanum sem hafði gefið sig. Fremst í bókinni eru upplýsingar um allar uppgöngur fram til þess að bókin var sett upp.
Bókin endaði í góðu yfirlæti hjá bjargvætti sínum, Jökli Bergmanni um árabil þar til það varð til tíðinda að Bjarni E. Guðleifsson líffræðingur, skrifaði kafla um Hraundrangann í bók sína Hraun í Öxnadal og hafði upp á gestabókinni góðu hjá Jökli. Bjarni afhenti stjórn ÍSALP síðan bókina, eftir að hafa nýtt hana sem heimild í skrif sín. Bjarni gaf klúbbnum einnig nýútkomna og glæsilega bók sína og kunnum við honum bestu þakkir fyrir!

Nú þarf að koma nýrri gestabók upp á Drangann. Stjórn óskar eftir sjálfboðaliðum í verkið.

IMG_5343

Bókarhöfundurinn Bjarni E. Guðleifsson og Helgi Egilsson, formaður ÍSALP á góðri stundu

 

Annar í Bratta

Sunnudaginn 6. september héldu nokkrir vaskir garpar út í góða veðrið með það í huga að grafa holur fyrir nýjum undirstöðum undir Bratta. Með í för voru 22 álhólkar, skóflur og járnkarlar, sleggja, öll rúnstykkin á Select, guðsveigar og samkomutjald. Þetta reyndist hin skemmtilegasta ferð þó að lítið hafi náðst að grafa holur sökum erfiðleika í jarðveginum. Hjáleið var gerð framhjá stóra steininum sem lokaði veginum í seinustu ferð og undirstöður gamla Bratta voru hreinsaðar og jafnaðar jörðu. Ekki gekk vel að tjalda. Verkefninu er hvergi nærri lokið en Helgi, Gísli, Jonni, Árni og Þorsteinn þakka fyrir sig.